Duteronome 29:1-29

29  Ano ke mafoko a kgolagano e Jehofa a neng a laela Moshe gore a e dire le bomorwa Iseraele kwa lefatsheng la Moabe kwantle ga kgolagano e a neng a e dirile le bone kwa Horeba.+  Mme Moshe a bitsa Iseraele yotlhe a e raya a re: “Ke lona ba lo neng lo bona sotlhe se Jehofa a neng a se dira Faro le batlhanka botlhe ba gagwe le lefatshe lotlhe+ la gagwe fa pele ga matlho a lona kwa lefatsheng la Egepeto,  ditshupo tse dikgolo tse matlho a lona a di boneng,+ ditshupo+ tseo tse dikgolo le dikgakgamatso.+  Le fa go ntse jalo Jehofa ga a lo naya pelo gore lo itse le matlho gore lo bone le ditsebe gore lo utlwe go fitlha mo letsatsing leno.+  ‘Fa ke ne ke ntse ke lo kaela dingwaga di le masome a manè mo nageng,+ diaparo tsa lona ga di a ka tsa onalela mo go lona, le mpaatšhane wa gago ga a a ka a onalela mo lonaong lwa gago.+  Lo ne lwa se ka lwa ja senkgwe,+ e bile lo ne lwa se ka lwa nwa beine le bojalwa jo bo tagang, gore lo itse gore ke nna Jehofa Modimo wa lona.’  Kgabagare lo ne lwa tla mo lefelong leno, mme Sihone kgosi ya Heshebone+ le Oge+ kgosi ya Bashana ba tswa ba tla go re kgatlhantsha mo ntweng, mme re ne ra ba fenya.+  Morago ga moo re ne ra tsaya lefatshe la bone ra le naya Barubene le Bagade le sephatlo sa lotso lwa Bamanase+ go nna boswa.  Ka jalo lo boloke mafoko a kgolagano eno lo bo lo a dire, gore lo dire gore sengwe le sengwe se lo tla se dirang se atlege.+ 10  “Lotlhe gompieno lo eme fa pele ga ga Jehofa Modimo wa lona, ditlhogo tsa ditso tsa lona, banna ba lona ba bagolwane le badiredi ba lona, monna mongwe le mongwe wa Iseraele,+ 11  bana ba lona ba bannye, basadi ba lona,+ le moagi wa gago wa moeng+ yo o mo gare ga bothibelelo jwa gago, go simolola ka yo o rwalelang dikgong tsa gago go fitlha ka yo o gang metsi a gago,+ 12  gore o tsene mo kgolaganong+ ya ga Jehofa Modimo wa gago le ikano ya gagwe, e Jehofa Modimo wa gago a e dirang le wena gompieno;+ 13  ka boikaelelo jwa gore a go tlhomamise jaaka setšhaba+ sa gagwe gompieno le gore a itshupe a le Modimo wa gago,+ fela jaaka a go solofeditse le jaaka a ikanetse borragomogologolwane e leng Aborahame,+ Isake+ le Jakobe.+ 14  “Jaanong ga ke dire kgolagano eno le ikano eno le wena o le esi fela,+ 15  mme ke e dira le yo o fano yo o emeng le rona fa pele ga ga Jehofa Modimo wa rona gompieno le ba ba se nang le rona fano gompieno;+ 16  (gonne lona ka bolona lo itse sentle kafa re neng ra nna kwa lefatsheng la Egepeto ka gone le kafa re neng ra feta fa gare ga ditšhaba ka gone tse lo neng lwa feta fa gare ga tsone.+ 17  Mme lo ne lo tle lo bone dilo tsa yone tse di ferosang sebete le medingwana ya yone e e makgapha,+ logong le leje, selefera le gouta, tse di neng di na le yone;) 18  gore mo gare ga lona go se ka ga nna le monna kgotsa mosadi kgotsa lelapa kgotsa lotso lo pelo ya lone e fapogang mo go Jehofa Modimo wa rona gompieno e ya go direla medimo ya ditšhaba tseo;+ gore mo gare ga lona go se ka ga nna le modi o o ungwang leungo la semela se se botlhole le longana.+ 19  “Mme go tla diragala gore fa mongwe a utlwile mafoko a ikano eno,+ mme a itshegofaditse mo pelong ya gagwe, a re, ‘Ke tla nna le kagiso,+ le mororo ke tla tsamaya mo bologwading jwa pelo ya me,’+ ka boikaelelo jwa go gogola yo o nang le metsi a mantsi mmogo le yo o nyorilweng, 20  Jehofa ga a kitla a batla go mo itshwarela,+ mme he bogale+ jwa ga Jehofa le tlhoafalo+ ya gagwe di tla kuela motho yoo mosi ,+ mme maikano otlhe a a kwadilweng mo bukeng+ eno a tla nna mo go ene, mme ruri Jehofa o tla phimola leina la gagwe kafa tlase ga magodimo. 21  Ka jalo Jehofa o tla mo lomolola+ mo ditsong tsotlhe tsa Iseraele a mo lomololela masetlapelo tumalanong le ikano yotlhe ya kgolagano e e kwadilweng mo bukeng eno ya molao. 22  “Mme kokomana ya mo isagweng, bomorwaalona ba ba tla tsogang morago ga lona, ba tla patelesega gore ba re, le motswagosele yo o tla tswang lefatsheng le le kgakala, tota le fa ba bone dipetso tsa lefatshe leo le matlhoko a lone a Jehofa a le tlhokofaditseng ka one,+ 23  sulefera le letswai+ le go tuka,+ gore lefatshe lotlhe la yone le se ka la jalwa, le fa e le go tlhoga, le fa e le go mela ga dimela dipe mo go lone, jaaka go ribegediwa ga Sodoma le Gomora,+ Adema+ le Seboima,+ tse Jehofa a neng a di ribegetsa mo bogaleng jwa gagwe le tšhakgalo ya gagwe;+ 24  ee, ditšhaba tsotlhe di tla patelesega gore di re, ‘Ke ka ntlha yang fa Jehofa a ne a dira lefatshe leno jaana?+ Ke ka ntlha yang fa go na le mogote wa bogale jo bogolo jono?’ 25  Foo ba tla re, ‘Ke ka gonne ba ne ba tlogela kgolagano+ ya ga Jehofa Modimo wa borraabonemogologolwane, e a neng a e dira le bone fa a ne a ba ntsha kwa lefatsheng la Egepeto.+ 26  Mme ba ne ba ya ba direla medimo e mengwe le go e ikobela, medimo e ba neng ba ise ba ko ba e itse e bile a ne a sa ba e abela.+ 27  Foo bogale jwa ga Jehofa bo ne jwa tukela lefatshe leo ka go le tlisetsa phutso yotlhe e e kwadilweng mo bukeng eno.+ 28  Ke ka moo Jehofa a neng a ba kumola mo lefatsheng la bone ka bogale+ le ka tšararego le ka kgakalo e kgolo mme a ba latlhela kwa lefatsheng le lengwe jaaka mo letsatsing leno.’+ 29  “Dilo tse di subegileng+ ke tsa ga Jehofa Modimo wa rona, mme dilo tse di senotsweng+ ke tsa rona le tsa bomorwaarona ka bosakhutleng, gore re diragatse mafoko otlhe a molao ono.+

Dintlha Tse di Kwa Tlase