Duteronome 23:1-25

23  “Ga go na monna ope yo o opafaditsweng+ ka go thujwa dikgeleswa tsa bonna+ kgotsa yo serwe sa gagwe sa bonna se kgaotsweng yo o ka tsenang mo phuthegong ya ga Jehofa.  “Ga go na morwa ope wa dikgora+ yo o tla tsenang mo phuthegong ya ga Jehofa. Le eleng go ya kokomaneng ya bolesome ga go na ope wa gagwe yo o tla tsenang mo phuthegong ya ga Jehofa.  “Ga go na Moamona ope kgotsa Momoabe ope yo o tla tsenang mo phuthegong ya ga Jehofa.+ Le eleng go ya kokomaneng ya bolesome ga go na ope wa bone yo o tla tsenang mo phuthegong ya ga Jehofa ka bosakhutleng,  ka lebaka la gore ba ne ba se ka ba go thusa+ ka senkgwe le metsi mo tseleng fa lo ne lo tswa kwa Egepeto,+ le ka gonne ba ne ba go thapela Balaame morwa Beore go tswa Pethore wa Mesopotamia gore a go hutse.+  Mme Jehofa Modimo wa gago o ne a se ka a batla go reetsa Balaame;+ Jehofa Modimo wa gago o ne a fetola phutso mo boemong jwa gago gore e nne tshegofatso,+ ka gonne Jehofa Modimo wa gago o ne a go rata.+  O se ka wa dira gore ba nne le kagiso le katlego malatsi otlhe a gago ka bosakhutleng.+  “O se ka wa tlhoa Moedoma, gonne ke morwarrago.+ “O se ka wa tlhoa Moegepeto, gonne o ne wa nna moagi wa moeng kwa nageng ya gagabo.+  Bana ba ba tla ba tsholelwang e le kokomana ya boraro ba ka nna ba tsena mo phuthegong ya ga Jehofa.  “Fa go direga gore o tswele kwa bothibelelong o ya go lwa le baba ba gago, o ipoloke mo sengweng le sengwe se se bosula.+ 10  Fa go direga gore go bo go na le monna yo o sa nneng phepa mo go wena, ka ntlha ya kgotlelo e e nnang gone bosigo,+ a a tswele kwa ntle ga bothibelelo. A se ka a tsena mo teng ga bothibelelo.+ 11  Go tla diragala gore fa go nna maitseboa a tlhape ka metsi, mme fa letsatsi le phirima a tsene mo teng ga bothibelelo.+ 12  O dirise lefelo le le kwa thoko kwa ntle ga bothibelelo, mme o tswele gone. 13  O dirise lomapo mmogo le didirisiwa tsa gago, mme go tla diragala gore fa o kotama kwa ntle, o epe lehuti ka lone o bo o retologa o bipa mantle+ a gago. 14  Gonne Jehofa Modimo wa gago o tsamayatsamaya mo teng ga bothibelelo jwa gago go go golola+ le go go tlogelela baba ba gago mo seatleng sa gago;+ mme bothibelelo jwa gago bo nne boitshepo,+ gore a se ka a bona sepe se se seng sentle mo go wena mme a fapoga mo go tsamayeng le wena.+ 15  “O se ka wa neela motlhanka mo go mong wa gagwe fa a tshabela mong wa gagwe mo go wena.+ 16  O tla tswelela a nna le wena mo gare ga gago mo lefelong lepe fela le a tla le tlhophang mo go mongwe wa metse+ ya gago, gongwe le gongwe kwa a ratang gone. O se ka wa mo tshwara setlhogo.+ 17  “Ga go na ope wa bomorwadia Iseraele yo o tla nnang seaka sa tempele,+ le fa e le ope wa bomorwa Iseraele ga a kitla a nna seaka sa tempele.+ 18  O se ka wa tlisetsa maikano ape madi a a thapileng seaka+ kgotsa tlhwatlhwa ya ntša+ mo teng ga ntlo ya ga Jehofa Modimo wa gago, ka gonne ke dilo tse di makgapha mo go Jehofa Modimo wa gago, tsone ka bobedi. 19  “O se ka wa dira gore morwarrago a duele morokotso,+ morokotso wa madi, morokotso wa dijo,+ morokotso wa sepe fela se motho a ka kopang morokotso wa sone. 20  O ka nna wa dira gore motswakwa+ a duele morokotso, mme o se ka wa dira gore morwarrago a duele morokotso;+ gore Jehofa Modimo wa gago a go segofatse mo tirong nngwe le nngwe ya gago mo lefatsheng le o yang kwa go lone go le rua.+ 21  “Fa go direga gore o dire maikano mo go Jehofa+ Modimo wa gago, o se ka wa nna bonya go a duela,+ ka gonne ruri Jehofa Modimo wa gago o tla a batla mo go wena, mme ruri e ka nna boleo mo go wena.+ 22  Fa go direga gore o tlogele go dira maikano, ga e kitla e nna boleo mo go wena.+ 23  O boloke mafoko a molomo wa gago,+ mme o dire fela jaaka o ikanne mo go Jehofa Modimo wa gago e le tshupelo e e dirwang ka go rata e o buileng ka yone ka molomo+ wa gago. 24  “Fa go direga gore o tsene mo tshimong ya mofine ya mongwe ka wena, o je fela morara o o lekaneng gore o kgorise moya wa gago, mme o se ka wa tsenya ope mo seelong sa gago.+ 25  “Fa go direga gore o tsene mo teng ga dijo tsa ditlhaka tse di emeng tsa mongwe ka wena, o kgetle fela diako tse di buduleng ka seatla sa gago, mme o se ka wa kgatikanya sekele mo godimo ga dijo tsa ditlhaka tse di emeng tsa mongwe ka wena.+

Dintlha Tse di Kwa Tlase