Duteronome 15:1-23

15  “O golole kwa bokhutlong jwa dingwaga dingwe le dingwe di le supa.  Mme mokgwa wa kgololo+ o ntse jaana: mongwe le mongwe yo o kolotwang o tla golola molato o a letlileng gore mongwe ka ene a nne le one. A se ka a gatelela mongwe ka ene kgotsa morwarraagwe gore a duele,+ ka gonne go gololelwa Jehofa go tshwanetse ga bolelwa.+  O ka nna wa gatelela motswakwa+ gore a duele; mme le fa e le eng sa gago se se kwa go morwarrago a seatla sa gago se se golole.  Le fa go ntse jalo, ope a se ka a humanega mo go lona, ka gonne ruri Jehofa o tla go segofatsa+ mo lefatsheng le Jehofa Modimo wa gago a le go nayang go nna boswa gore o le rue,+  fa fela e le gore ruri o tla reetsa lentswe la ga Jehofa Modimo wa gago gore o nne kelotlhoko go dira taelo eno yotlhe e ke e go laelang gompieno.+  Gonne ruri Jehofa Modimo wa gago o tla go segofatsa fela jaaka a go solofeditse, mme o tla adima+ ditšhaba di le dintsi ka sebeelo, fa wena ka bowena o se kitla o tsaya ka kadimo; mme o laole ditšhaba di le dintsi, mme tsone ga di kitla di go laola.+  “Fa go direga gore mongwe wa bomorwarrago a humanege mo gare ga gago mo go mongwe wa metse ya gago, mo lefatsheng la gago le Jehofa Modimo wa gago a le go nayang, o se ka wa kgwaralatsa pelo ya gago kgotsa wa tima morwarrago+ yo o humanegileng.  Gonne o tshwanetse go mo hupurololela+ seatla sa gago ka bopelotshweu o bo o mo adima ka sebeelo go le gontsi kafa a tlhokang ka gone, mo a go tlhokang.  Itise e se re kgotsa ga bo go le lefoko le le nyatsegang mo pelong ya gago,+ le re, ‘Ngwaga wa bosupa, ngwaga wa kgololo, o atametse,’+ mme leitlho la gago e bo e nna le le timanang mo go morwarrago+ yo o humanegileng, mme o bo o sa mo neye sepe, a ba a tshwanelwa ke go tlhaeletsa kwa go Jehofa kgatlhanong le wena,+ mme ya nna boleo mo go wena.+ 10  Ruri o tshwanetse go mo naya,+ le pelo ya gago ga e a tshwanela go timana fa o mo naya, ka gonne ka ntlha ya seno Jehofa Modimo wa gago o tla go segofatsa mo tirong nngwe le nngwe ya gago le matsapa mangwe le mangwe a gago.+ 11  Gonne mongwe yo o humanegileng ga a kitla a kgaotsa go nna gone mo gare ga lefatshe.+ Ke gone ka moo ke go laelang ke re, ‘O hupurololele morwarrago yo o bogisiwang le yo o humanegileng seatla sa gago ka bopelotshweu mo lefatsheng la gaeno.’+ 12  “Fa go direga gore o rekisediwe morwarrago, Mohebera kgotsa Mohebera wa mosadi,+ mme a go diretse dingwaga di le thataro, foo o mo tsamaise o mo ntshe mo go wena mo ngwageng wa bosupa jaaka yo o golotsweng.+ 13  Mme fa go direga gore o mo tsamaise o mo ntshe mo go wena jaaka yo o golotsweng, o se ka wa mo tsamaisa o mo ntsha a iphotlhere+ fela. 14  O mo tlhomelele ka sengwe go tswa mo letsomaneng la gago le mo seboaneng sa gago le mo segatisetsong sa gago sa leokwane le beine. O mo neye fela jaaka Jehofa Modimo wa gago a go segofaditse.+ 15  Mme o gakologelwe gore o ne wa nna motlhanka kwa lefatsheng la Egepeto mme Jehofa Modimo wa gago+ a go golola. Ke gone ka moo ke go laolelang selo seno gompieno. 16  “Mme fa go direga gore a go reye a re, ‘Ga nkitla ke tswa mo go wena!’ ka gonne a go rata le ba ntlo ya gago, e re ka dilo di ne di mo tsamaela sentle fa a ne a na le wena,+ 17  o tseye thoko o phunyeletse tsebe ya gagwe mo setswalong, mme a nne motlhanka wa gago ka bosakhutleng.+ Gape o dire lelata la gago ka yone tsela eno. 18  Ga e a tshwanela go nna selo se se thata mo matlhong a gago fa o mo tsamaisa o mo ntsha mo go wena jaaka yo o golotsweng;+ ka gonne o ne a go direla dingwaga di le thataro a bona tlhwatlhwa e e menaganeng sebedi ya modiri+ yo o thapilweng, mme Jehofa Modimo wa gago o go segofaditse mo go sengwe le sengwe se o neng o se dira.+ 19  “O itshepisetse Jehofa Modimo+ wa gago leitibolo lengwe le lengwe le le tonanyana le le tsalwang mo motlhapeng wa gago le mo letsomaneng la gago. O se ka wa dira tiro epe ka leitibolo la poo ya gago, le fa e le go beola leitibolo la letsomane+ la gago. 20  O le jele fa pele ga ga Jehofa Modimo wa gago ngwaga le ngwaga mo lefelong le Jehofa a tla le tlhophang,+ wena le ba ntlo ya gago. 21  Mme fa go direga gore go bo go na le bogole mo go lone, le golafetse kgotsa le foufetse, bogole bope jo bo maswe, o se ka wa le isetsa Jehofa Modimo+ wa gago setlhabelo. 22  O le jele mo teng ga dikgoro tsa gago, le jewe ke yo o itshekologileng mmogo le yo o itshekileng,+ jaaka tshephe le jaaka kgama+ e tonanyana. 23  Ke madi a lone fela a o sa tshwanelang go a ja.+ O a tshololele fa fatshe jaaka metsi.+

Dintlha Tse di Kwa Tlase