Pesalema 96:1-13

96  Opelelang Jehofa pina e ntšha.+Opelelang Jehofa, lona lotlhe batho ba lefatshe.+   Opelelang Jehofa, bakang+ leina la gagwe.Bolelang dikgang tse di molemo tsa poloko+ ya gagwe letsatsi le letsatsi.   Bolelang kgalalelo ya gagwe mo ditšhabeng,+Ditiro tsa gagwe tse di gakgamatsang+ mo ditšhabeng tsotlhe.   Gonne Jehofa o mogolo+ e bile o tshwanelwa thata ke go bakwa.O boitshega go feta medimo e mengwe yotlhe.+   Gonne medimo yotlhe ya ditšhaba ke medimo e e se nang mosola;+Mme fa e le Jehofa ene, o dirile magodimo.+   Seriti le bontlentle di fa pele ga gagwe;+Nonofo le bontle di mo lefelong la gagwe le le boitshepo.+   Nayang Jehofa, lona malapa a ditšhaba,+Nayang Jehofa kgalalelo le nonofo.+   Nayang Jehofa kgalalelo ya leina la gagwe;+Tsholang mpho mme lo tsene mo malwapeng a gagwe.+   Ikobeleng Jehofa ka mokgabo o o boitshepo;+Nnang mo ditlhabing tse di botlhoko thata ka ntlha ya gagwe, lona lotlhe batho ba lefatshe.+ 10  Buang mo ditšhabeng lo re: “Jehofa e setse e le kgosi.+Naga e e ungwang le yone e tlhomamisiwa ka thata gore e se ka ya reketlisiwa.+O tla seka kgang ya ditšhaba ka thokgamo.”+ 11  A magodimo a ipele, a lefatshe le itumele.+A lewatle le dume jaaka maru le se se tletseng mo go lone.+ 12  A naga e e atlhameng e itumele le sotlhe se se mo go yone.+Mme gape a ditlhare tsotlhe tsa sekgwa di ponyege ka boipelo+ 13  Fa pele ga ga Jehofa. Gonne o tlile;+Gonne o tlile go atlhola lefatshe.+O tla atlhola naga e e ungwang ka tshiamo+Le ditšhaba ka boikanyegi+ jwa gagwe.

Dintlha Tse di Kwa Tlase