Pesalema 91:1-16

91  Ope fela yo o nnang mo lefelong la sephiri+ la Mogodimodimo+O tla iponela bonno kafa tlase ga moriti wa Mothatayotlhe.+   Ke tla raya Jehofa ke re: “O botshabelo jwa me le kago ya me e e thata,+Modimo wa me, yo ke tla mo ikanyang.”+   Gonne o tla go golola mo seraing sa motshwaradinonyane,+Mo bolwetseng jwa leroborobo jo bo bakang pitlagano.+   O tla thiba ka dintlha tsa diphuka tsa gagwe gore o se ka wa atamelwa,+Mme o tla tshabela kafa tlase ga diphuka+ tsa gagwe.Boammaaruri jwa gagwe e tla nna thebe+ e kgolo le lorako lwa phemelo.+   Ga o kitla o boifa sepe se se boifisang bosigo,+Le fa e le motswi+ o o fofang motshegare,   Le fa e le bolwetse jwa leroborobo jo bo tsamayang mo letobong,+Le fa e le tshenyego e e thopang go le sethoboloko.+   Go tla wa sekete fa thoko ga gagoLe dikete di le lesome kafa seatleng sa gago sa moja;Wena ga go kitla go go atamela.+   O tla leba ka matlho a gago fela+Mme o bone tefetso ya baikepi.+   Ka gonne o ne wa re: “Jehofa ke botshabelo+ jwa me,”O dirile Mogodimodimo bonno+ jwa gago; 10  Ga go na masetlapelo ape a a tla go welang,+Le fa e le sebetso ga se kitla se atamela mogope wa gago.+ 11  Gonne o tla naya baengele ba gagwe taelo kaga gago,+Gore ba go dise mo ditseleng tsotlhe tsa gago.+ 12  Ba tla go tshwara ka diatla,+Gore o se ka wa itaaganya lonao lwa gago le leje+ lepe. 13  O tla gata tawana le kake;+O tla gataka tawana e e seriri le noga e kgolo.+ 14  Gonne o tlhomile lorato+ lwa gagwe mo go nna,Gape ke tla mo falotsa.+Ke tla mo sireletsa ka gonne o setse a itse leina+ la me. 15  O tla mpitsa, mme ke tla mo araba.+Ke tla nna le ene mo matshwenyegong.+Ke tla mo namola ke bo ke mo galaletse.+ 16  Ke tla mo kgotsofatsa ka boleele jwa malatsi,+Mme ke tla dira gore a bone poloko+ ya me.

Dintlha Tse di Kwa Tlase