Pesalema 88:1-18

Pina, molodi wa pina ya bomorwa Kora. Go mokaedi wa Mahalathe ya go arabela. Masekile ya ga Hemane+ wa Moesera. 88  Ao tlhe Jehofa, Modimo wa poloko ya me,+Ke goile motshegare,+Le bosigo fa pele ga gago.+   Thapelo ya me e tla tla fa pele ga gago.+Sekegela selelo sa me tsebe sa go kopa ka tlhoafalo.+   Gonne moya wa me o nnile le masetlapelo a a lekaneng,+Le botshelo jwa me bo amile Sheole.+   Ke tserwe jaaka mongwe wa ba ba fologelang kwa kgatamping;+Ke fetogile go nna jaaka monna yo o nonofileng mme a se na thata,+   Yo o golotsweng mo gare ga baswi,+Jaaka ba ba bolailweng ba ba letseng mo lefelong la go fitlhela,+Ba o sa tlholeng o ba gakologelwaLe ba ba kgaotsweng mo seatleng sa gago se se thusang.+   O ntsentse mo kgatamping e e boteng go di gaisa tsotlhe,Mo mafelong a a lefifi, mo moleteng o mogolo o o se nang bolekanngo.+   Tšararego ya gago e nkwetse,+Mme o mpogisitse ka makhubu a gago otlhe a a itaaganang.+ Seʹlah.   O beile batho ba ke tlwaelaneng le bone kgakala le nna;+O mpeile jaaka sengwe se se makgapha mo go bone.+Ke thibetswe mme ga ke kgone go tswa.+   Leitlho la me le setse le le letobo ka ntlha ya pogisego ya me.+Ke go biditse, tlhe Jehofa, letsatsi lotlhe;+Ke otlololetse diatla tsa me kwa go wena.+ 10  A o tla direla ba ba suleng kgakgamatso?+Kgotsa a ba ba se nang maatla mo losong ba tla tsoga,+A ba tla go baka?+ Seʹlah. 11  A bopelonomi jwa gago jwa lorato bo tla bolelwa mo lefelong la go fitlhela,Boikanyegi jwa gago mo lefelong la tshenyego?+ 12  A kgakgamatso e e dirilweng ke wena e tla itsewe mo lefifing,+Kgotsa tshiamo ya gago mo lefatsheng la tebalesego?+ 13  Mme ke goetse kwa go wena ke kopa thuso tlhe Jehofa,+Mme mo mosong thapelo ya me e nna e lebana le wena.+ 14  Ke ka ntlha yang fa o latlha moya wa me, tlhe Jehofa?+Ke ka ntlha yang fa o nna o mphitlhetse sefatlhego sa gago?+ 15  Ke bogisitswe go tswa bosimaneng go ya pele e bile ke tloga ke swa;+Ke ile ka itshokela fela thata dilo tse di tshosang tse di tswang kwa go wena.+ 16  Go gadima ga bogale jwa gago jo bo tukang go fetile mo godimo ga me;+Dilo tse di tshosang tse di tswang kwa go wena di ntidimaditse.+ 17  Di ntikanyeditse jaaka metsi letsatsi lotlhe;+Di ntikile tsotlhe ka nako e le nngwe fela. 18  O beile tsala le molekane kgakala le nna;+Ba ke tlwaelaneng nabo ke lefelo le le lefifi.+

Dintlha Tse di Kwa Tlase