Pesalema 86:1-17

Thapelo ya ga Dafide. 86  Sekega tsebe ya gago tlhe Jehofa. Nkarabe,+Gonne ke a bogisiwa e bile ke humanegile.+   A ko o dise moya wa me, gonne ke a ikanyega.+O Modimo wa me—boloka motlhanka wa gago yo o go ikantseng.+   Mpontshe kutlwelobotlhoko, tlhe Jehofa,+Gonne ke nna ke biletsa kwa go wena letsatsi lotlhe.+   Ipedise moya wa motlhanka wa gago,+Gonne ke tsholeletsa moya+ wa me kwa go wena, Jehofa.   Gonne wena, Jehofa, o molemo+ e bile o iketleeleditse go itshwarela;+Mme bopelonomi jwa lorato mo go botlhe ba ba biletsang kwa go wena bo bogolo.+   A ko o sekegele thapelo ya me tsebe,+ tlhe Jehofa;O bo o tlhwaele lentswe la dikopo tsa me tse di tlhoafetseng tsebe.+   Ke tla biletsa+ kwa go wena mo motlheng wa matshwenyego a me,Gonne o tla nkaraba.+   Ga go na ope yo o tshwanang le wena mo medimong, wena Jehofa,+E bile ga go na ditiro dipe tse di tshwanang le tsa gago.+   Ditšhaba tsotlhe tse o di dirileng di tla tla,+Mme di tla go ikoba fa pele ga gago, wena Jehofa,+Di bo di galaletse leina la gago.+ 10  Gonne o mogolo e bile o dira dilo tse di gakgamatsang;+O Modimo, wena o le esi.+ 11  Nthute tlhe Jehofa, kaga tsela ya gago.+Ke tla tsamaya mo boammaaruring jwa gago.+Kitlanya pelo ya me gore e boife leina la gago.+ 12  Ke a go baka, wena Jehofa Modimo wa me, ka pelo ya me yotlhe,+Mme ke tla galaletsa leina la gago ka bosakhutleng, 13  Gonne bopelonomi jwa gago jwa lorato bo bogolo mo go nna,+Mme o golotse moya wa me mo Sheole, lefelo la yone le le kwa tlasetlase.+ 14  Ao tlhe Modimo, ba ba ikgodisang ba ntsogologetse;+Mme phuthego ya bapatiki e batla moya wa me,+Mme ga ba a go tlhoma fa pele ga bone.+ 15  Mme wena, Jehofa, o Modimo yo o kutlwelobotlhoko le yo o pelontle,+Yo o bonya go galefa+ e bile a tletse bopelonomi jwa lorato le boammaaruri.+ 16  Retologela kwa go nna o mpontshe kutlwelobotlhoko.+Naya motlhanka wa gago nonofo,+Mme o boloke morwa lelata la gago.+ 17  Ntirela sesupo se se kayang molemo,Gore ba ba ntlhoileng ba se bone mme ba tlhabiwe ke ditlhong.+Gonne wena, Jehofa, o nthusitse wa ba wa nkgomotsa.+

Dintlha Tse di Kwa Tlase