Pesalema 85:1-13

E e yang go mokaedi. Ya bomorwa Kora. Pina. 85  O ipeletse lefatshe la gago, wena Jehofa;+O busitse ba ba isitsweng botshwarwa ba ga Jakobe.+   O itshwaretse tlolo ya batho ba gago;+O bipile boleo+ jwa bone jotlhe. Seʹlah.   O laotse tšhakgalo yotlhe ya gago;+O boetse morago go tswa mo bogaleng jwa gago jo bo tukang.+   Re buse, tlhe Modimo wa poloko ya rona,+O tlose go re galefela ga gago.+   A o tla re tukela bogale ka bosakhutleng?+A o tla ntshetsa bogale jwa gago mo kokomaneng morago ga kokomana?+   A ga o kitla o re tshedisa gape,+Gore batho ba gago ba tle ba ipele mo go wena?+   Ao tlhe Jehofa, re bontshe bopelonomi jwa gago jwa lorato,+O bo o re neye poloko ya gago.+   Ke tla utlwa se Modimo wa boammaaruri Jehofa a tla se buang,+Gonne o tla bua kagiso le batho+ ba gagwe le mo bathong ba gagwe ba ba ikanyegang,Mme a ba se ka ba boela kwa go itshepeng.+   Eleruri poloko ya gagwe e gaufi le ba ba mmoifang,+Gore kgalalelo e age mo lefatsheng la rona.+ 10  Fa e le bopelonomi jwa lorato le boammaaruri, di kopane;+Tshiamo le kagiso—di atlane.+ 11  Boammaaruri ka bojone bo tla tlhoga mo lefatsheng ka bolone,+Mme tshiamo e tla leba kwa tlase go tswa kwa magodimong.+ 12  Gape Jehofa ene, o tla naya se se molemo,+Le lefatshe la rona le tla ntsha kungo+ ya lone. 13  Tshiamo e tla tsamaya fa pele ga gagwe,+Mme e tla dira tsela ka dikgato tsa gagwe.+

Dintlha Tse di Kwa Tlase