Pesalema 81:1-16

Go mokaedi wa Gitithe.+ Ya ga Asafe. 81  Goang ka boipelo tlhe, lo goele kwa Modimong yo e leng nonofo ya rona;+Goelang ka phenyo kwa Modimong wa ga Jakobe.+   Tlhabeletsang pina+ lo tseye moropana,+Harepa e e monate mmogo le seletswa sa megala.+   Ka ngwedi o mosha, lo letse lonaka;+Ka ngwedi o o tletseng, lo leletse letsatsi la moletlo+ wa rona.   Gonne ke molao wa Iseraele,+Tshwetso ya boatlhodi ya Modimo wa ga Jakobe.   O ne a e naya Josefa e le kgakololo,+Fa a ne a tsamaya mo godimo ga lefatshe la Egepeto.+Ke ne ka nna ka utlwa puo e ke neng ke sa e itse.+   “Ke ne ka faposa legetla la gagwe mo mokgweleong;+Diatla tsa gagwe di ne tsa gololesega mo serotong.+   O ne wa bitsa o le mo matshwenyegong, mme ka go namola;+Ke ne ka simolola go go araba mo lefelong le le subegileng la tumo ya maru.+Ke ne ka go tlhatlhoba kwa metsing a Meriba.+ Seʹlah.   Utlwang, tlhe batho ba me, mme ke tla naya bosupi kgatlhanong le wena,+Wena Iseraele, fa o ka ntheetsa.+   Ga go kitla go nna le modimo o sele+ mo go wena;E bile ga o kitla o ikobela modimo o sele.+ 10  Nna Jehofa, ke Modimo wa gago,+Ene Yo o go ntshang mo lefatsheng la Egepeto.+Bula molomo wa gago thata, mme ke tla o tlatsa.+ 11  Mme setšhaba sa me ga se a reetsa lentswe la me;+Le Iseraele ga a a bontsha boikemisetso bope mo go nna.+ 12  Ka jalo ke ne ka ba lesa ba tsamaya ka bologwadi jwa pelo+ ya bone;Ba ne ba tsamaya kafa maikaelelong+ a bone. 13  Oo, e kete batho ba me ba ka bo ba ntheeditse,+Oo, e kete Iseraele o ne a ka tsamaya mo ditseleng tsa me!+ 14  Ke ne ke tla fenya baba ba bone motlhofo,+Mme ke ne ke tla retolosa seatla+ sa me kgatlhanong le baganetsi ba bone. 15  Fa e le ba ba tlhoileng Jehofa thata, ba tla tla ba mo ikokobeletsa,+Mme nako ya bone e tla nna ya bosakhutleng. 16  Mme o tla nna a mo fepa ka mafura a korong,+Mme ke tla go kgorisa tswina ya dinotshe+ go tswa mo lefikeng.”

Dintlha Tse di Kwa Tlase