Pesalema 75:1-10

Go mokaedi. “O se ka wa tlisa tshenyo.” Molodi wa pina. Ya ga Asafe.+ Pina. 75  Re go ntshetsa ditebogo, wena Modimo; re go ntshetsa ditebogo,+Leina la gago le gaufi.+Batho ba tla bolela ditiro tsa gago tse di gakgamatsang.+   “Gonne ke ne ka tsaya nako e e tlhomilweng;+Ke ne ka simolola go atlhola ka thokgamo.+   Lefatshe le banni botlhe ba lone di ne di nyerologa,+Ke nna yo ke neng ka lolamisa dipilara+ tsa lone.” Seʹlah.   Ke ne ka raya dieleele ka re: “Lo se ka lwa nna dieleele,”+Le baikepi ka re: “Lo se ka lwa godisa lonaka.+   Lo se ka lwa godisetsa lonaka lwa lona kwa godimo.Lo se ka lwa bua ka molala o o ikgodisang.+   Gonne ga go na go godisa mo go tswang kwa botlhaba le fa e le kwa bophirima,Le fa e le go tswa kwa borwa.   Gonne Modimo ke moatlhodi.+O kokobetsa yo, a godise yole.+   Gonne go na le senwelo mo seatleng sa ga Jehofa,+Mme beine e phoka lefulo, e tletse motswako.Mme ruri o tla tsholola dintshe tsa yone tse di mo go yone;Baikepi botlhe ba lefatshe ba tla di minolosa, ba di nwe.”+   Mme fa e le nna, ke bolela ka gone ka bosakhutleng;Ke tla leletsa Modimo wa ga Jakobe pina.+ 10  “Mme ke tla kgaola dinaka tsotlhe tsa baikepi.”+Dinaka tsa mosiami di tla godisiwa.+

Dintlha Tse di Kwa Tlase