Pesalema 74:1-23

Masekile. Ya ga Asafe.+ 74  Ke ka ntlha yang fa, wena Modimo, o re latlhile ka bosaengkae?+Ke ka ntlha yang fa bogale jwa gago bo ntse bo tukela letsomane la mafulo+ a gago?   Gakologelwa phuthego ya gago e o e bapetseng bogologolo,+Lotso lo o lo golotseng go nna boswa jwa gago,+Thaba eno ya Siona e o agileng mo go yone.+   A ko o tsholeletse dikgato tsa gago kwa kgakgabalong e e nnelang ruri.+Mmaba o tshwere sengwe le sengwe bosula mo lefelong le le boitshepo.+   Ba ba go bontshang bobaba ba kurutlile mo gare ga lefelo la gago la bokopanelo.+Ba beile ditshupo tsa bone go nna ditshupo.+   Motho o itsege ka bosula ka go nna jaaka yo o tsholeletsang lesuthu la ditlhare dilepe.   Mme jaanong go gabiwa ga yone, gotlhe fela, ba go itaya ka magagane le ka dikota tse di nang le tshipi kwa ntlheng.+   Ba latlhetse lefelo la gago le le boitshepo mo molelong.+Ba itshepololetse motlaagana wa leina la gago fa fatshe.+   Bone, le bana ba bone, ba buile mmogo mo pelong ya bone ba re:“Mafelo otlhe a bokopanelo a Modimo a tshwanetse go fisiwa mo lefatsheng leno.”+   Ga re a bona ditshupo tsa rona; ga go tlhole go na le moporofeti,+E bile ga go na ope mo go rona yo o itseng gore ka lobaka lo lo kae. 10  Modimo, mmaba o tla tswelela a kgoba+ ka lobaka lo lo kae?A mmaba o tla tswelela a tshwara leina la gago ka go tlhoka tlotlo ka bosaengkae?+ 11  Ke ka ntlha yang fa o nna o gonne seatla sa gago, seatla sa gago sa moja+Mo sehubeng sa gago gore re fedisiwe? 12  Mme le fa go ntse jalo Modimo ke Kgosi ya me go tloga bogologolong,+Yo o dirang poloko e kgolo mo lefatsheng.+ 13  O fuduile lewatle ka nonofo ya gago;+O thubile ditlhogo tsa ditshedi tse ditonatona tsa lewatle mo metsing.+ 14  O ne wa thubaganya ditlhogo tsa Lefiathane.+O ne wa e naya batho ba ba nnang mo dikgaolong tse di se nang metsi go nna dijo.+ 15  Ke wena Yo o neng wa kgaoganya motswedi le molatswana o o phothoselang;+O ne wa kgadisa dinoka tse di nnang di elela.+ 16  Letsatsi ke la gago; le bosigo ke jwa gago.+O ne wa baakanya sebonesi, e leng letsatsi.+ 17  Ke wena yo o neng wa tlhoma melelwane yotlhe ya lefatshe;+Selemo le mariga—di bopilwe ke wena.+ 18  Gakologelwa seno: Mmaba o kgobile, wena Jehofa,+Le batho ba ba se nang tlhaloganyo ba tshwere leina la gago ka go tlhoka tlotlo.+ 19  O se ka wa naya sebatana sa naga moya wa leeba+ la gago.O se ka wa lebala ka bosaengkae botshelo jwa ba gago ba ba bogisiwang.+ 20  Leba kgolagano,+Gonne mafelo a a lefifi a lefatshe a tletse ka manno a thubakanyo.+ 21  E kete yo o thubagantsweng o ka se boe a kokobeditswe.+E kete yo o bogisiwang le yo o humanegileng ba ka baka leina la gago.+ 22  Nanoga, tlhe Modimo, sekaseka kgetsi ya gago ya molao.+Gakologelwa kgobo ya gago e e tswang mo go yo o se nang tlhaloganyo letsatsi lotlhe.+ 23  O se ka wa lebala lentswe la ba ba go bontshang bobaba.+Modumo wa ba ba go tsogologelang o tlhatloga ka metlha.+

Dintlha Tse di Kwa Tlase