Pesalema 72:1-20

Ka ga Solomone. 72  Ao tlhe Modimo, naya kgosi ditshwetso tsa gago tsa boatlhodi,+Le tshiamo ya gago o e neye morwa kgosi.+   A a seke kgetsi ya batho ba gago ka tshiamo+Le ya batho ba gago ba ba bogisiwang ka tshwetso ya boatlhodi.+   A dithaba di ise kagiso kwa bathong,+Le dithota, ka tshiamo.   A a atlhole ba ba bogisiwang ba batho,+A a boloke barwa ba yo o humanegileng,Mme a a thubaganye motsietsi.   Ba tla go boifa fa fela go sa ntse go na le letsatsi,+Le fa pele ga ngwedi go ya kokomaneng morago ga kokomana.+   O tla fologela jaaka pula mo bojannyeng jo bo kgaotsweng,+Jaaka pula e kgolo e e kolobetsang lefatshe.+   Mo metlheng ya gagwe mosiami o tla tlhoga,+Le letlotlo la kagiso go fitlha ngwedi e sa tlhole e le teng.+   Mme o tla nna le babusiwa go tswa lewatleng go ya lewatleng+Le go tswa Nokeng+ go ya kwa mafelelong a lefatshe.+   Banni ba dikgaolo tse di se nang metsi+ ba tla ikoba fa pele ga gagwe,Mme baba ba gagwe ba tla latswa lorole.+ 10  Dikgosi tsa Tareshishe le tsa ditlhaketlhake+Di tla duela sehuba.+Dikgosi tsa Sheba le tsa Seba—Di tla isa mpho.+ 11  Mme dikgosi tsotlhe di tla mo ikobela;+Ditšhaba tsotlhe di tla mo direla.+ 12  Gonne o tla golola mohumanegi yo o goang a kopa thuso,+Le yo o bogisiwang le ope fela yo o se nang mothusi.+ 13  O tla utlwela motho wa maemo a a kwa tlase le yo o humanegileng+ botlhoko,Mme meya ya ba ba humanegileng o tla e boloka.+ 14  O tla golola moya wa bone mo kgatelelong le mo tshiamololong,Mme madi a bone a tla nna tlhwatlhwakgolo mo matlhong a gagwe.+ 15  Mma a tshele,+ mme a a newe nngwe ya gouta ya Sheba.+A a rapelelwe ka metlha;A a bakwe letsatsi lotlhe.+ 16  Go tla nna le dijo tsa ditlhaka di le dintsi mo lefatsheng;+Go tla penologa mo godimo ga dithaba.+Leungo la gagwe le tla nna jaaka kwa Lebanona,+Mme ba ba tswang kwa motseng ba tla ntsha dithunya jaaka dimela tsa lefatshe.+ 17  A leina la gagwe le nne ka bosakhutleng;+A leina la gagwe le oketsege fa pele ga letsatsi,A ba itshegofatse+ ka ene;A ditšhaba tsotlhe di mmolele a itumetse.+ 18  A go bakwe Jehofa Modimo, Modimo wa Iseraele,+Yo o dirang ditiro tse di gakgamatsang+ a le esi. 19  Gape a go bakwe leina la gagwe le le galalelang ka bosakhutleng,+Mme a kgalalelo ya gagwe e tlale lefatshe lotlhe.+Amen le Amen. 20  Dithapelo tsa ga Dafide, mo-rwa Jese,+ di khutlile.

Dintlha Tse di Kwa Tlase