Pesalema 71:1-24

71  Ke tshabetse+ mo go wena, Jehofa.E kete nka se tlhabiwe ke ditlhong+ le ka motlha.   E kete o ka nkgolola ka tshiamo ya gago wa bo wa mphalotsa.+Ntshekegela tsebe mme o mpoloke.+   Nna kago ya me ya phemelo ya lefika e nka tsenang mo go yone ka metlha.+O laele gore ke bolokwe,+Gonne o lefika la me le legolo le kago ya me e e thata.+   Modimo wa me, mphalotse mo seatleng sa moikepi;+Mo seatleng sa yo o dirang ka tshiamololo le ka go gatelela.+   Gonne o tsholofelo ya me,+ wena Morena Molaodimogolo Jehofa, tshepo ya me go tswa bosheng jwa me.+   Ke itshegeditse ka wena fa e sa le ke tswa mo sebopelong;+Ke wena Yo o nkgaogantseng le dikarolo tse di kwa teng tsa ga mmè.+Pako ya me e mo go wena ka metlha.+   Ke ntse fela jaaka kgakgamatso mo bathong ba bantsi;+Mme o botshabelo+ jwa me jo bo nonofileng.   Molomo wa me o tletse pako+ ya gago,O tletse bontle jwa gago letsatsi lotlhe.+   O se ka wa ntatlha mo motlheng wa botsofe;+Fa maatla a me a fela, o se ka wa ntlogela.+ 10  Gonne baba ba me ba buile jaana ka ga me,+Mme ba ba disitseng moya wa me ba gakololane mmogo,+ 11  Ba re: “Modimo o mo tlogetse.+Mo lateleleng lo mo tshware, gonne ga go na mogolodi.”+ 12  Modimo, o se ka wa nna kgakala le nna.+Tlhe Modimo wa me, a ko o itlhaganelele go nthusa.+ 13  E kete ba ba emelelanang le moya wa me ba ka tlhabiwa ke ditlhong, e kete ba ka khutla.+E kete ba ba ntshenkelang masetlapelo ba ka ipipa ka kgobo le ditlhong.+ 14  Mme fa e le nna, ke tla leta ka metlha,+Mme ke tla oketsa pako yotlhe ya gago. 15  Molomo wa me o tla anela tshiamo+ ya gago,Poloko+ ya gago letsatsi lotlhe,Gonne ga ke itse dipalo tsa tsone.+ 16  Ke tla tla ka thata e kgolo,+ Morena Molaodimogolo+ Jehofa;Ke tla umaka tshiamo ya gago, ya gago o le esi.+ 17  Wena Modimo, o nthutile go tswa bosheng jwa me go ya pele,+Mme go fitlha jaanong ke ntse ke bolela ka ditiro tsa gago tse di gakgamatsang.+ 18  Le e leng go fitlha botsofeng le botlhogoputsweng, tlhe Modimo, o se ka wa ntlogela,+Go fitlha ke bolelela kokomana+ ka lebogo la gago,Ke bolelela botlhe ba ba tla tlang, ka thata+ ya gago. 19  Tshiamo ya gago, wena Modimo, e fitlha kwa bogodimong;+Fa e le dilo tse dikgolo tse o di dirileng,+Modimo, ke mang yo o tshwanang le wena?+ 20  Ka gonne o dirile gore ke bone matshwenyego a mantsi le masetlapelo,+E kete o ka dira gore ke rule gape;+E kete o ka nketsha+ mo madibeng a lefatshe a a boteng a metsi. 21  E kete o ka oketsa bogolo+ jwa me,Mme e kete o ka ntikanyetsa wa bo wa nkgomotsa.+ 22  Le nna, ke tla go baka ka mofuta wa seletswa se se nang le megala,+Malebana le boammaaruri jwa gago, Modimo+ wa me.Ke tla go leletsa pina mo harepeng, wena Moitshepi wa Iseraele.+ 23  Dipounama tsa me di tla goa ka boipelo fa ke go leletsa pina,+Le moya wa me o o o golotseng.+ 24  Gape, loleme lwa me, letsatsi lotlhe, lo tla bua tshiamo+ ya gago ka lentswe le le kwa tlase,Gonne ba tlhabilwe ke ditlhong, gonne ba swabisitswe, ba ba mpatlelang masetlapelo.+

Dintlha Tse di Kwa Tlase