Pesalema 66:1-20

Go mokaedi. Pina, molodi. 66  Goelang kwa Modimong ka phenyo, lona batho botlhe ba lefatshe.+   Leletsang kgalalelo ya leina la gagwe pina.+Dirang gore pako ya gagwe e galalele.+   Rayang Modimo lo re: “A bo ditiro tsa gago di boitshega jang ne!+Ka ntlha ya bogolo jwa nonofo ya gago baba ba gago ba tla tla kwa go wena ba ikokobeditse.+   Batho botlhe ba lefatshe ba tla go ikobela,+Mme ba tla go leletsa pina, ba tla leletsa leina la gago pina.”+ Seʹlah.   Tlang, mme lo bone ditiro tsa Modimo.+Tirisano ya gagwe le bomorwa batho e a boitshega.+   O fetotse lewatle go nna lefatshe le le omileng;+Ba kgabagantse noka ka dinao.+Re ne ra simolola go mo ipelela.+   O busa ka thata ya gagwe ka bosakhutleng.+Matlho a gagwe a nna a lebeletse+ ditšhaba.Fa e le ba ba tlhogoethata, a ba se ikgodise.+ Seʹlah.   Bakang Modimo wa rona, lona ditšhaba,+Mme lo dire gore lentswe la pako le le yang kwa go ene le utlwiwe.+   O baya moya wa rona mo botshelong,+Mme ga a letlelela lonao lwa rona go reketla.+ 10  Gonne o re tlhatlhobile, wena Modimo;+O re itshekisitse jaaka fa go itshekisiwa selefera.+ 11  O re tlisitse mo letloweng+ la go tsoma;O gateletse dinōka tsa rona. 12  O dirile gore motho yo o nang le go swa a re gatake tlhogo;+Re tlile re ralala molelo le metsi,+Mme o ne wa re tlisa kgololong.+ 13  Ke tla tsena mo ntlong ya gago ka ditshupelo tse di fisiwang di feletse;+Ke tla go duela maikano+ a me 14  A dipounama tsa me di bulegileng go a bua+Le a molomo wa me o a buileng fa ke ne ke le mo mathateng a magolo.+ 15  Ke tla go isetsa ditshupelo tse di fisiwang di feletse+ tsa diphologotswana tse di nontshitsweng,Le mosi wa setlhabelo wa diphelefu.Ke tla isa poo le diphoko.+ Seʹlah. 16  Tlang, lo reetse, lona lotlhe ba lo boifang Modimo, mme ke tla bolela+Se a se diretseng moya wa me.+ 17  Ke bileditse kwa go ene ka molomo wa me,+Mme ke ne ke baka ka loleme lwa me.+ 18  Fa ke tlhokometse sengwe se se utlwisang botlhoko mo pelong ya me,Jehofa ga a na go nkutlwa.+ 19  Ruri Modimo o utlwile;+O reeditse lentswe la thapelo ya me.+ 20  A go bakwe Modimo, yo o sa faposang thapelo ya me,Le fa e le bopelonomi jwa gagwe jwa lorato mo go nna.+

Dintlha Tse di Kwa Tlase