Pesalema 60:1-12

Go mokaedi wa Sethunya sa Lesoma sa Kgakololo. Miketame. Ya ga Dafide. Ya go ruta.+ Fa a ne a lwa le Arame-naharaime le Arame-Soba, mme Joabe a boa a bo a kgemetha Edoma kwa Mokgatšheng wa Letswai, ba le dikete di le lesome le bobedi.+ 60  Wena Modimo, o re latlhile, o tseneletse kwa go rona,+O tukile bogale. O tshwanetse go re tsosolosa.+   O reketlisitse lefatshe, o le fatogantse.+Fodisa diphatlha tsa lone, gonne le reketlile.+   O dirile gore batho ba gago ba bone mathata.+O dirile gore re nwe beine e e re theekedisang.+   O neile ba ba go boifang sesupo+Gore ba tshabe ba taboga manyokenyoke ka ntlha ya bora. Seʹlah.   Gore baratwa ba gago ba tle ba namolwe,+A ko o boloke ka seatla sa gago sa moja mme o re arabe.+   Modimo o buile mo boitshepong+ jwa gagwe:“Ke tla itumela, ke tla ntsha Shekema go nna kabelo;+Le lebala le le kwa tlase la Sukothe ke tla le lekanya.+   Gileade ke ya me le Manase ke ya me,+Mme Eferaime ke kago ya phemelo ya yo e leng tlhogo ya me;Juda ke lore lwa me lwa molaodi.+   Moabe ke pitsa ya me e e tlhatswetsang.+Ke tla latlhela mpaatšhane wa me mo godimo ga Edoma.+Ke tla goa ka phenyo ka ntlha ya Filisitia.”+   Ke mang yo o tla ntlisang mo motseng o o dikanyeditsweng?+Ke mang yo ruri a tla nkgogang go ya go fitlha kwa Edoma?+ 10  A ga se wena, Modimo, o re latlhileng+E bile o sa tswe le masole a rona jaaka Modimo?+ 11  A ko o re thuse mo matshwenyegong,+E re ka poloko ya motho wa mo lefatsheng e se na mosola.+ 12  Re tla bona maatla a botlhaga ka Modimo,+Mme ene ka boene o tla gataka baba ba rona.+

Dintlha Tse di Kwa Tlase