Pesalema 55:1-23

Go mokaedi wa diletswa tsa megala. Masekile. Ya ga Dafide. 55  A ko o sekegele thapelo ya me tsebe, tlhe Modimo;+Mme o se ka wa iphitlhela kopo ya me ya go utlwelwa botlhoko.+   A ko o ntlhwaele tsebe mme o nkarabe.+Ke khidiiwa ke go tshwenyega ga me,+Mme ga go se nka se dirang fa e se go tlhobaela,   Ka ntlha ya lentswe la mmaba, ka ntlha ya kgatelelo ya moikepi.+Gonne ba nna ba latlhela se se utlwisang botlhoko mo go nna,+Mme ba nna ba ntlhoile ka bogale.+   Pelo ya me e na le setlhabi se se botlhoko thata mo teng ga me,+Mme letshogo la loso le nkwetse.+   Poifo, ee, go roroma go tsena mo go nna,+Mme go tetesela go a mpipa.   Mme ke nna ke re: “E kete ke ka bo ke na le diphuka jaaka leeba!+Ke ne ke tla fofa mme ke age koo.+   Bona! Ke ne ke tla tshabela kgakala;+Ke ne ke tla nna mo nageng.+Seʹlah   Ke ne ke tla potlakela kwa lefelong la me la phaloloKe tswa mo phefong e e tsubutlang, mo setsuatsueng.”+   Tlhakatlhakanya, tlhe Jehofa, kgaoganya loleme lwa bone,+Gonne ke bone thubakanyo le kganetsano mo motseng.+ 10  Motshegare le bosigo ba a o dikologa mo dipoteng tsa one;+Mme se se utlwisang botlhoko le matshwenyego di mo go one.+ 11  Matshwenyego a mo go one;Mme kgatelelo le tsietso ga di a tswa mo patlelong ya one.+ 12  Gonne e ne e se mmaba yo o neng a nkgoba;+Go seng jalo ke ne ke tla go itshokela.E ne e se yo o ntlhoileng thata yo o neng a nna boikgodiso thata mo go nna;+Go seng jalo ke ne ke ka mo iphitlhela.+ 13  Mme e ne e le wena, motho yo o nang le go swa yo o neng a ntse jaaka molekane wa me,+Yo o itsaneng le nna e bile e le motho yo ke tlwaelaneng le ene,+ 14  Ka gonne re kile ra bo re atamalane monate thata;+Re ne re a tle re tsamaye le bontsi jwa batho go tsena mo ntlong ya Modimo.+ 15  A kgakgabalo e ba wele!+A ba fologele mo Sheole ba tshela;+Gonne dilo tse di bosula di ntse di le mo go bone fa ba ne ba agile e le baeng.+ 16  Fa e le nna, ke tla tlhaeletsa kwa Modimong;+Mme Jehofa o tla mpoloka.+ 17  Maitseboa le moso le motshegare o mogolo ga go se nka se dirang fa e se go tshwenyega gape ke lela selelo sa khutsafalo,+Mme o utlwa lentswe la me.+ 18  Ruri o tla nkgolola a bo a baya moya wa me mo kagisong go tswa mo tlhabanong e e kgatlhanong le nna,+Gonne ba ntsogologetse ba le bantsintsi.+ 19  Modimo o tla ba utlwa a bo a ba araba,+Le eleng Ene yo o ntseng mo setulong sa bogosi jaaka mo nakong e e fetileng+SeʹlahBa go se nang diphetogo mo go bone+Le ba ba sa boifang Modimo.+ 20  O ntshitse seatla sa gagwe kgatlhanong le ba ba mo kagisong le ene;+O itshepolotse kgolagano ya gagwe.+ 21  Mafoko a molomo wa gagwe a borethe go gaisa botoro,+Mme pelo ya gagwe e sekametse mo tlhabanong.+Mafoko a gagwe a boleta go gaisa leokwane,+Mme ke ditšhaka tse di somotsweng.+ 22  Latlhela mokgweleo wa gago mo go Jehofa,+Mme ene o tla go tshegetsa.+Ga a kitla a letlelela mosiami go reketla le ka motlha.+ 23  Mme wena Modimo, o tla ba folosetsa mo kgatamping e e kwa tlasetlase.+Fa e le batho ba ba nang le molato wa madi le ba ba tsietsang, ga ba na go fetsa sephatlo sa malatsi a bone ba tshela.+Mme fa e le nna, ke tla go ikanya.+

Dintlha Tse di Kwa Tlase