Pesalema 54:1-7

Go mokaedi wa diletswa tsa megala. Masekile. Ya ga Dafide. Fa Basiife ba ne ba tsena mme ba raya Saulo ba re: “A Dafide ga a iphitlha mo go rona?”+ 54  Ao tlhe Modimo, mpoloke ka leina la gago,+E kete o ka seka kgang ya me ka thata ya gago.+   Wena Modimo, utlwa thapelo+ ya me;A ko o sekegele mafoko a molomo wa me tsebe.+   Gonne go na le batswakwa ba ba ntsogologetseng,Le bapatiki ba ba senkang moya wa me.+Ga ba a baya Modimo fa pele ga bone.+ Seʹlah.   Bona! Modimo ke mothusi wa me;+Jehofa o mo gare ga ba ba tshegetsang moya wa me.   O tla busetsa bosula mo babeng ba me;+Ba didimatse+ mo boammaaruring jwa gago.   Ke tla go ntshetsa setlhabelo+ ka go rata.Ke tla baka leina la gago, wena Jehofa, gonne go molemo.+   Gonne o nkgolotse mo matshwenyegong otlhe,+Mme leitlho la me le lebile baba ba me jaaka ba ba kwa tlase.+

Dintlha Tse di Kwa Tlase