Pesalema 52:1-9

Go mokaedi. Masekile. Ya ga Dafide, fa Doege wa Moedoma a tlile mme a bolelela Saulo gore Dafide o ne a tlile kwa ntlong ya ga Ahimeleke.+ 52  Ke ka ntlha yang fa o ipelafatsa ka se se bosula, wena yo o thata?+Bopelonomi jwa lorato jwa Modimo bo teng letsatsi lotlhe.+   Loleme lwa gago lo loga maano a a bakang pitlagano, lo looditswe jaaka legare,+Lo dira ka tsietso.+   O ratile se se bosula go gaisa se se molemo,+Maaka go gaisa go bua tshiamo.+ Seʹlah.   O ratile mafoko otlhe a a senyang,+Wena loleme lo lo tsietsang.+   Modimo le ene o tla go rutla ka bosaengkae;+O tla go digela fa fatshe a bo a go kgophola a go ntsha mo mogopeng wa gago,+Mme ruri o tla go kumola ka modi mo lefatsheng la ba ba tshelang.+ Seʹlah.   Basiami ba tla bona seo mme ba tla boifa,+Mme ba tla mo tshega.+   Monna yo o nonofileng yo o sa beyeng Modimo jaaka kago ya gagwe ya phemelo ke yo,+Mme a ikanya letlotlo la dikhumo tsa gagwe,+A itshireletsa mo dipitlaganong tse di bakwang ke ene.+   Mme ke tla nna jaaka setlhare se se golang thata sa motlhware+ mo ntlong ya Modimo;Ke ikanya bopelonomi jwa lorato jwa Modimo ka bosakhutleng, le eleng ka bosaengkae.+   Ke tla go baka ka bosakhutleng, gonne o tsere kgato;+Mme ke tla solofela mo leineng la gago, ka gonne le molemo, fa pele ga batho ba gago ba ba ikanyegang.+

Dintlha Tse di Kwa Tlase