Pesalema 51:1-19

Go mokaedi. Pina ya ga Dafide. Fa moporofeti Nathane a ne a tla kwa go ene morago ga go robala le Bathe-sheba.+ 51  Nkutlwele botlhoko, tlhe Modimo, go ya ka bopelonomi jwa gago jwa lorato.+Phimola ditlolo+ tsa me go ya ka letlotlo la mautlwelobotlhoko a gago.   Ntlhatswe tlolo ya me ka botlalo,+Mme o mphepafatse mo boleong jwa me.+   Gonne nna ke itse ditlolo tsa me,+Le boleo jwa me bo fa pele ga me ka metlha.+   Ke leofetse wena,+ wena fela,Ke dirile se se bosula mo matlhong a gago,+Gore o tle o nne yo o siameng fa o bua,+Gore o tle o tlhoke molato fa o atlhola.+   Bona! Ke tsholetswe mo tlolong ka ditlhabi tsa pelegi,+Mmè o ne a inthwalela mo boleong.+   Bona! O natefeletswe ke boammaaruri mo teng ga gago;+Mme e kete o ka dira gore ke itse botlhale mo bothong jo bo fitlhegileng.+   E kete o ka intshekisa mo boleong ka mosiama, gore ke tle ke nne phepa;+E kete o ka ntlhapisa, gore ke nne mosweu go feta kapoko.+   E kete o ka nkutlwisa boitumelo le boipelo,+Gore marapo a o a thubagantseng a ipele.+   Fitlhela sefatlhego sa gago maleo a me,+Mme o phimole ditlolo+ tsa me tsotlhe. 10  Bopa pelo e e itshekileng mo go nna, tlhe Modimo,+Mme o tsenye moya o mosha mo teng ga me, o o nitameng.+ 11  O se ka wa ntatlha wa ntlosa fa pele ga sefatlhego sa gago;+Mme, tsweetswee, o se ka wa tlosa moya wa gago o o boitshepo mo go nna.+ 12  Busetsa boitumelo jwa poloko+ ya gago mo go nna,Mme e kete o ka ntshegetsa ka moya o o ratang.+ 13  Ke tla ruta batlodi ditsela tsa gago,+Gore baleofi ba boele kwa go wena.+ 14  Nkgolole mo molatong wa madi,+ tlhe Modimo, Modimo wa poloko+ ya me,Gore loleme lwa me lo bolele tshiamo ya gago ka boipelo.+ 15  Jehofa, e kete o ka bula dipounama tseno tsa me,+Gore molomo wa me o bolele pako ya gago.+ 16  Gonne ga o itumedisiwe ke setlhabelo—go seng jalo ke ne ke tla se ntsha;+Ga o ipelele tshupelo e e fisiwang e feletse.+ 17  Ditlhabelo tse di yang kwa Modimong ke moya o o ngomogileng;+Pelo e e phatlogileng le e e gateletsweng, wena Modimo, ga o kitla o e nyatsa.+ 18  A ko o dirisane sentle le Siona+ mo bomolemong jwa gago;E kete o ka aga dipota tsa Jerusalema.+ 19  Foo o tla itumedisiwa ke ditlhabelo tsa tshiamo,+Ke setlhabelo se se fisiwang le tshupelo e e feletseng;+Foo dipoo di tla isiwa tshupelo mo sebesong sa gago.+

Dintlha Tse di Kwa Tlase