Pesalema 40:1-17

Go mokaedi. Ya ga Dafide, pina. 40  Ke ne ke solofetse mo go Jehofa ka tlhoafalo,+Ka jalo o ne a ntshekegela tsebe mme a utlwa go goa ga me ke kopa thuso.+   Gape o ne a ntlhatlosa a nketsha mo kgatamping e e kurutlang,+Mo lorageng lwa seretse.+Mme a tsholeletsa dinao tsa me mo lefikeng le legolo;+O ne a tlhomamisa dikgato tsa me ka thata.+   Mo godimo ga moo, o ne a tsenya pina e ntšha mo molomong wa me,Pako e e yang kwa Modimong wa rona.+Ba bantsi ba tla e bona mme ba tla boifa,+Mme ba tla ikanya Jehofa.+   Go itumela monna yo o nonofileng yo o ikanyang Jehofa+Le yo o sa retolosetsang sefatlhego sa gagwe mo bathong ba ba bodipa,Le fa e le mo go ba ba welang mo maakeng.+   O dirile dilo di le dintsi,+Wena Jehofa Modimo wa me, le eleng ditiro tsa gago tse di gakgamatsang le dikakanyo tsa gago mo go rona;+Ga go na ope yo o ka tshwantshiwang le wena.+Fa ke ne nka sekamela go di bolela le go bua ka tsone,Di dintsi go gaisa ka mo ke ka anelang ka teng.+   Ga o a ka wa kgatlhiwa ke setlhabelo le tshupelo;+O ne wa bula ditsebe tseno tsa me.+Ga o a ka wa kopa tshupelo e e fisiwang le tshupelo ya boleo.+   Ka ntlha ya seo ke ne ka re: “Bona ke tlile,+Mo momenong wa buka go kwadilwe ka ga me.+   Ke itumeletse go dira thato ya gago, wena Modimo wa me,+Mme molao wa gago o mo teng ga me.+   Ke boletse dikgang tse di molemo tsa tshiamo mo phuthegong e kgolo.+Bona! Ga ke thibele dipounama tsa me.+Wena Jehofa, o itse seo sentle.+ 10  Ga ke a bipa tshiamo ya gago mo teng ga pelo+ ya me.Ke boletse boikanyegi jwa gago le poloko ya gago.+Ga ke a fitlha bopelonomi jwa gago jwa lorato le boammaaruri jwa gago mo phuthegong e kgolo.”+ 11  Wena Jehofa, o se ka wa thibela bopelotlhomogi jwa gago mo go nna.+A bopelonomi jwa gago jwa lorato le boammaaruri jwa gago di ntibele ka metlha.+ 12  Gonne ke ne ka dikanyediwa ke masetlapelo go fitlha a sa kgone go balwa.+Ditlolo tsa me tse di oketsegileng di ne tsa nkwela ka tshoganyetso go feta ka mo ke neng nka di bona ka teng;+Di ne tsa nna dintsi go feta meriri ya tlhogo ya me,+Mme pelo ya me e ne ya ntlogela.+ 13  Wena Jehofa, o itumelele go nkgolola.+Jehofa, o potlakele go nthusa.+ 14  E kete ba ka tlhabiwa ke ditlhong ba bo ba swabisiwa botlhe+Ba ba senkang moya wa me gore ba o gogole.+E kete ba ba itumedisiwang ke masetlapelo a me ba ka boa mme ba kokobediwa.+ 15  E kete ba ka rotola matlho ba gakgametse ka ntlha ya ditlhong tsa bone+Ba ba nthayang ba re: “Aha! Aha!”+ 16  A ba itumele ba bo ba ipele mo go wena,+Botlhe ba ba go senkang.+A ba bue ka metlha ba re: “A Jehofa a godisiwe,”+Ba ba ratang poloko ya gago.+ 17  Mme ke bogisitswe e bile ke humanegile.+Jehofa o a ntlhokomela.+O thuso ya me le Mofalotsi wa me.+Modimo wa me, o se ka wa diega thata.+

Dintlha Tse di Kwa Tlase