Pesalema 36:1-12

Go mokaedi. Ya motlhanka wa ga Jehofa, Dafide. 36  Mo moikeping go bua tlolo go mo teng ga pelo+ ya gagwe;Go boifa Modimo ga go yo fa pele ga matlho a gagwe.+   Gonne o dirile ka go iphora thata mo matlhong a gagwe+Gore a bone tlolo ya gagwe a bo a e tlhoe.+   Mafoko a molomo wa gagwe ke se se utlwisang botlhoko le tsietso;+O kgaoditse go nna le temogo ya go dira molemo.+   O nna a loga leano la se se utlwisang botlhoko mo bolaong jwa gagwe.+O ema mo tseleng e e sa siamang.+Ga a gane se se bosula.+   Wena Jehofa, bopelonomi jwa gago jwa lorato bo kwa magodimong;+Boikanyegi jwa gago bo fitlha kwa marung.+   Tshiamo ya gago e tshwana le dithaba tsa Modimo;+Tshwetso ya gago ya boatlhodi ke bodiba jo bo boteng jwa metsi.+O boloka motho le phologolo, wena Jehofa.+   A bo bopelonomi jwa gago jwa lorato bo le tlhwatlhwakgolo jang ne, wena Modimo!+Bomorwa batho ba tshabela mo moriting wa diphuka+ tsa gago.   Ba nwa monono wa ntlo ya gago gore ba bo ba kgotsofale;+Mme o dira gore ba nwe mo molatswaneng o o phothoselang wa maipelo a gago.+   Gonne o na le motswedi wa botshelo;+Re kgona go bona lesedi+ ka lesedi le le tswang mo go wena. 10  Tsweledisa bopelonomi jwa gago jwa lorato mo go ba ba go itseng,+Le tshiamo ya gago mo go ba ba thokgameng mo pelong.+ 11  E kete lonao lo lo mabela lo ka se ntsogologele;+Fa e le seatla sa batho ba ba boikepo, a se se ka sa ntira mokgarakgatshegi.+ 12  Badiri ba se se utlwisang botlhoko ba ole;+Ba kgoromeleditswe kwa tlase mme ga ba a kgona go tsoga.+

Dintlha Tse di Kwa Tlase