Pesalema 31:1-24

Go mokaedi. Pina ya ga Dafide. 31  Ke tshabetse mo go wena, Jehofa.+E kete nka se tlhabiwe ke ditlhong le ka motlha.+Mphalotse ka tshiamo ya gago.+   Ntshekegele tsebe.+Nkgolole ka bofefo.+Nna kago e e thata ya lefika mo go nna,+Ntlo ya dikago tse di thata gore o mpoloke.+   Gonne o lefika la me le legolo le kago ya me e e thata;+Mme ka ntlha ya leina+ la gago o tla nkgoga o bo o ntsamaisa.+   O tla nketsha mo letloweng le ba le mphitlhetseng,+Gonne o kago ya me ya phemelo.+   Ke neela moya+ wa me mo seatleng sa gago.O nkgolotse,+ wena Jehofa Modimo wa boammaaruri.+   Ke tlhoile ba ba tlhokomelang medingwana e e se nang mosola, ya lefela;+Mme fa e le nna, ke ikanya Jehofa.+   Ke tla ipela ke bo ke itumela mo bopelonoming jwa gago jwa lorato,+Ka gore o bone pogisego ya me;+O itsile matshwenyego a moya wa me,+   Mme ga o a ntsenya mo seatleng sa mmaba.+O emisitse dinao tsa me mo lefelong le le atlhameng.+   Nkutlwele botlhoko, tlhe Jehofa, gonne ke mo mathateng a magolo.+Leitlho la me le koafetse ka ntlha ya go tshwenyega,+ le moya wa me le mpa ya me.+ 10  Gonne botshelo jwa me bo khutlile ka khutsafalo,+Le dingwaga tsa me ka go fegelwa.+Maatla a me a kgopilwe ka ntlha ya tlolo ya me,+Le marapo a me a koafetse.+ 11  Ke fetogile kgobo+ mo ponong ya botlhe ba ba mpontshang bobaba,+Mme ke ntse jalo bogolo jang mo baagelaning ba me,+Ke fetogile selo se se boifisang mo bathong ba ke tlwaelaneng le bone.+Ba ntshabile fa ba mpona kwantle.+ 12  Jaaka mongwe yo o suleng mme a sa gopolwe, ke lebetswe;+Ke ntse jaaka sejana se se senyegileng;+ 13  Gonne ke utlwile pego e e bosula ka ba bantsi,+Letshogo le le mo matlhakoreng otlhe.+Fa ba phuthega mmogo go nna seoposengwe kgatlhanong le nna,+Ba loga leano la go tlosa moya wa me.+ 14  Mme nna—ke ikanya wena, Jehofa.+Ke rile: “O Modimo+ wa me.” 15  Metlha ya me e mo seatleng sa gago.+Nkgolole mo seatleng sa baba ba me le mo go ba ba ntatelelang.+ 16  Dira gore sefatlhego sa gago se phatsimele motlhanka wa gago.+Mpoloke ka bopelonomi jwa gago jwa lorato.+ 17  Jehofa, e kete nka se tlhabiwe ke ditlhong, gonne ke go biditse.+E kete baikepi ba ka tlhabiwa ke ditlhong;+E kete ba ka didimala mo Sheole.+ 18  E kete dipounama tse di maaka di ka tlhoka puo,+Tse di buang kgatlhanong le mosiami,+ ka mabela le ka lenyatso di sa ithibe.+ 19  A bo molemo+ wa gago, o o o boloketseng ba ba go boifang o le mogolo jang ne!+O o o diretseng ba ba tshabelang mo go wena,Fa pele ga bomorwa batho.+ 20  O tla ba fitlha mo lefelong la gago la sephiri+O ba fitlhela batho ba ba phuthegileng.+O tla ba fitlha mo loobong lwa gago o ba fitlhela komano ya diteme.+ 21  A go bakwe Jehofa,+Gonne o ntiretse bopelonomi jwa lorato+ jo bo gakgamatsang mo motseng o o mo pitlaganong.+ 22  Fa e le nna, fa ke ne ke tshoga ke ne ka re:+“Ruri ke tla fedisiwa fa pele ga matlho a gago.”+Ruri o utlwile lentswe la dikopo tsa me tse di dirwang ka tlhoafalo fa ke ne ke goela kwa go wena ke kopa thuso.+ 23  Ratang Jehofa, lona lotlhe batho ba gagwe ba ba ikanyegang.+Jehofa o dibela ba ba ikanyegang,+Mme o duela ka botlalo ope fela yo o bontshang mabela.+ 24  Nnang pelokgale, mme e kete pelo ya lona e ka nonofa,+Lona lotlhe ba lo letileng Jehofa.+

Dintlha Tse di Kwa Tlase