Pesalema 25:1-22

Ya ga Dafide. א [ʼAʹleph] 25  Ke tsholeletsa moya+ wa me kwa go wena, Jehofa. ב [Behth]   Wena Modimo wa me, ke ikantse wena;+E kete nka se tlhabiwe ke ditlhong.E kete baba ba me ba ka se ka ba itumela ka ntlha ya me.+ ג [Giʹmel]   Gape, ga go na bape ba ba solofetseng mo go wena ba ba tla tlhabiwang ke ditlhong.+Ba ba dirang ka boferefere ba sa atlege ba tla tlhabiwa ke ditlhong.+ ד [Daʹleth]   Nkitsise ditsela tsa gago, wena Jehofa;+Nthute ditselana tsa gago.+ ה [Heʼ]   Ntsamaise mo boammaaruring jwa gago mme o nthute,+Gonne o Modimo wa me wa poloko.+ ו [Waw]Ke solofetse mo go wena letsatsi lotlhe.+ ז [Zaʹyin]   Gakologelwa mautlwelobotlhoko+ a gago, wena Jehofa, le mapelonomi a gago a lorato,+Gonne di tswa bosasimologeng.+ ח [Chehth]   Tsweetswee o se ka wa gakologelwa maleo a bosha jwa me le go tlhanoga ga me.+A ko o nkgakologelwe go ya ka bopelonomi jwa gago jwa lorato,+Ka ntlha ya molemo wa gago, wena Jehofa.+ ט [Tehth]   Jehofa o molemo e bile o thokgame.+Ke sone se a layang baleofi kaga tsela.+ י [Yohdh]   O tla dira gore ba ba pelonolo ba tsamaye mo tshwetsong ya gagwe ya boatlhodi,+Mme o tla ruta ba ba pelonolo tsela ya gagwe.+ כ [Kaph] 10  Ditselana tsotlhe tsa ga Jehofa ke bopelonomi jwa lorato le boammaaruriMo go ba ba bolokang kgolagano+ ya gagwe le dikgakololo+ tsa gagwe. ל [Laʹmedh] 11  Ka ntlha ya leina la gago, tlhe Jehofa,+O itshwarele tlolo ya me, gonne e kgolo.+ מ [Mem] 12  Jaanong, ke mang yo o boifang Jehofa?+O tla mo laya kaga tsela e a tla e tlhophang.+ נ [Nun] 13  Moya wa gagwe o tla nna mo go se se molemo,+Mme bana ba gagwe ba tla rua lefatshe.+ ס [Saʹmekh] 14  Go atamalana thata le Jehofa ke ga ba ba mmoifang,+Le kgolagano ya gagwe, gore a ba dire gore ba e itse.+ ע [ʽAʹyin] 15  Matlho a me a kwa go Jehofa ka metlha,+Gonne ke ene yo o ntshang dinao tsa me mo letloweng.+ פ [Peʼ] 16  Retololela sefatlhego sa gago kwa go nna, mme o nkutlwele botlhoko;+Gonne ke nosi e bile ke bogisitswe.+ צ [Tsa·dhehʹ] 17  Matshwenyego a pelo ya me a ntsifetse;+Nketshe mo dipitlaganong tsa me tsweetswee.+ ר [Rehsh] 18  Bona pogisego ya me le matshwenyego a me,+Mme o itshwarele maleo a me otlhe.+ 19  Bona gore baba ba me ba ntsifetse jang,+Mme ba ntlhoile ka letlhoo le le bosula.+ ש [Shin] 20  A ko o dise moya wa me mme o nkgolole.+E kete nka se tlhabiwe ke ditlhong, gonne ke tshabetse mo go wena.+ ת [Taw] 21  A bothokgami le tshiamo di ntibele,+Gonne ke solofetse mo go wena.+ 22  Tlhe Modimo, golola Iseraele mo matshwenyegong a gagwe otlhe.+

Dintlha Tse di Kwa Tlase