Pesalema 22:1-31

Go mokaedi wa Kgama e Tonanyana ya Bosa. Pina ya ga Dafide. 22  Modimo wa me, Modimo wa me, o ntlogeletseng?+Ke ka ntlha yang fa o le kgakala le go mpoloka,+O le kgakala le mafoko a go lela ga me?+   Modimo wa me, ke nna ke bitsa motshegare, mme ga o arabe;+Le bosigo, ga ke a didimala.+   Mme o boitshepo,+O nna mo dipakong tsa Iseraele.+   Borraarona ba ne ba go ikanya;+Ba ne ba ikanya, mme o ne wa nna wa ba falotsa.+   Ba ne ba goela+ kwa go wena, mme ba falola;+Ba ne ba go ikanya, mme ba se ka ba tlhabiwa ke ditlhong.+   Mme ke seboko,+ e seng motho,Ke kgobo mo bathong e bile ke a nyatsega mo bathong.+   Fa e le botlhe ba ba mponang, ba a ntshotla;+Ba nnela go atlhamolosa melomo ya bone thata, ba nnela go thukutha tlhogo+ ya bone:   “O ne a ineela mo go Jehofa.+ A Ene a mo falotse!+A a mo golole, ka gonne a mo itumedisitse!”+   Gonne ke wena Yo o neng wa nketsha mo sebopelong,+Yo o neng wa dira gore ke ikanye fa ke le mo mabeleng a ga mmè.+ 10  Ke latlhetswe kwa go wena ke tswa mo sebopelong;+O ntse o le Modimo wa me go tswa sebopelong sa ga mmè.+ 11  O se ka wa nna kgakala le nna, ka gonne matshwenyego a gaufi,+Ka gonne ga go na mothusi ope yo mongwe.+ 12  Dipowana tse dintsi di ntikanyeditse;+Ba ba maatla ba Bashana ba ntikile.+ 13  Ba nkatlhamoloseditse molomo wa bone,+Jaaka tau e gagoganya e bile e kurutla.+ 14  Ke tsholotswe jaaka metsi,+Mme marapo a me otlhe a lomologantswe.+Pelo ya me jaanong e tshwana le bonota;+E gakologetse kwa teng mo teng ga me.+ 15  Maatla a me a kgadile jaaka kapetla ya sejana sa letsopa,+Loleme lwa me lo ngaparediwa mo marinining a me;+Mme o mpaya mo loroleng lwa loso.+ 16  Gonne dintša di ntikologile;+Phuthego ya badirabosula e ntswaletse.+Ba fa diatleng tsa me le fa dinaong tsa me jaaka tau.+ 17  Nka bala marapo a me otlhe.+Ba a leba, ba ntlhoma matlho.+ 18  Ba kgaogana diaparo tsa me,+Mme diaparo tsa me ba di tshelela bola.+ 19  Mme wena, Jehofa, o se ka wa nnela kgakala.+Wena nonofo+ ya me, a ko o potlakele go nthusa.+ 20  Golola moya wa me mo tšhakeng,+O e leng one fela wa me mo leroong la ntša;+ 21  Mpoloke mo molomong wa tau,+O nkarabe o bo o mpoloke le mo dinakeng tsa dipoo tsa naga.+ 22  Ke tla bolela leina la gago+ mo go bomorwarre;+Ke tla go baka mo gare ga phuthego.+ 23  Lona ba lo boifang Jehofa, mmakeng!+Lona lotlhe losika lwa ga Jakobe, mo galaletseng!+Mme lo mo tshabe, lona lotlhe losika lwa Iseraele.+ 24  Gonne ga a a nyatsa+Le fa e le go ila pogisego ya yo o bogisiwang;+Mme ga a a mo fitlhela sefatlhego,+O ne a utlwa fa a goela kwa go ene a kopa thuso.+ 25  Pako ya me e tla tswa mo go wena mo phuthegong e kgolo;+Ke tla duela maikano a me fa pele ga ba ba mmoifang.+ 26  Ba ba pelonolo ba tla ja mme ba kgore;+Ba ba mmatlang ba tla baka Jehofa.+E kete dipelo tsa lona di ka tshelela ruri.+ 27  Mafelelo otlhe a lefatshe a tla gakologelwa mme a boele kwa go Jehofa.+Mme malapa otlhe a ditšhaba a tla ikoba fa pele ga gago.+ 28  Gonne bogosi ke jwa ga Jehofa,+Mme o laola ditšhaba.+ 29  Botlhe ba ba nonneng ba lefatshe ba tla ja mme ba tla obega;+Botlhe ba ba fologelang kwa loroleng ba tla ikoba fa pele ga gagwe,+Mme ga go na ope yo o tla tlholang a boloka moya wa gagwe o tshela.+ 30  Losika lo tla mo direla;+Kokomana e tla bolelelwa ka ga Jehofa.+ 31  Ba tla tla mme ba bolele ka tshiamo+ ya gagweMo bathong ba ba tla tsholwang, gore o dirile seno.+

Dintlha Tse di Kwa Tlase