Pesalema 149:1-9

149  Bakang Jah!+Opelelang Jehofa pina e ntšha,+Pako ya gagwe mo phuthegong ya batho ba ba ikanyegang.+   A Iseraele a ipelele Modiri wa gagwe yo Mogolo,+Bomorwa Siona—a ba ipelele Kgosi+ ya bone.   A ba bake leina la gagwe ka go bina.+A ba mo leletse pina ka moropana le ka harepa.+   Gonne Jehofa o ipelela batho ba gagwe.+O ntlafatsa ba ba pelonolo ka poloko.+   A batho ba ba ikanyegang ba itumele mo kgalalelong;A ba goe ka boipelo mo malaong+ a bone.   A dipina tse di bakang Modimo di nne mo mometsong wa bone,+Mme tšhaka e e magalemabedi e nne mo seatleng sa bone,+   Go diragatsa pusoloso mo ditšhabeng,+Dikgalemo mo ditlhopheng tsa ditšhaba,+   Go bofa dikgosi tsa bone ka dibofo tsa tshipi+Le ba ba galalediwang ba bone ka mehiri ya tshipi,   Go diragatsa mo go bone tshwetso ya boatlhodi e e kwadilweng.+Bontlentle jo bo ntseng jalo ke jwa batho ba gagwe botlhe ba ba ikanyegang.+Bakang Jah!+

Dintlha Tse di Kwa Tlase