Pesalema 147:1-20

147  Bakang Jah,+Gonne go molemo go leletsa Modimo wa rona pina;+Gonne go monate—pako e a tshwanela.+   Jehofa o aga Jerusalema;+O phutha ba ba phatlaladitsweng ba Iseraele.+   O fodisa+ ba ba pelo e phatlogileng,+O ba hapa fa ba utlwileng botlhoko gone.+   O bala palo ya dinaledi;+O di bitsa tsotlhe ka maina a tsone.+   Morena wa rona o mogolo e bile o na le maatla a magolo;+Tlhaloganyo ya gagwe e ka se ka ya anelwa.+   Jehofa o namola ba ba pelonolo;+O kokobeletsa baikepi fa fatshe.+   Arabelang Jehofa ka go ntsha ditebogo;+Leletsang Modimo wa ro-na pina mo harepeng,+   Ene Yo o bipang magodimo ka maru,+Ene Yo o baakanyetsang lefatshe pula,+Ene Yo o dirang gore dithaba di tlhoge bojang jo botala.+   O naya dibatana dijo tsa tsone,+Magakabe a mannye a a nnang a bitsa.+ 10  Ga a natefelelwe ke thata ya pitse,+E bile ga a ipedisiwe ke maoto a motho.+ 11  Jehofa o ipelela ba ba mmoifang,+Ba ba letelang bopelonomi jwa gagwe jwa lorato.+ 12  Akgola Jehofa,+ tlhe Jerusalema.Baka Modimo wa rona, tlhe Siona.+ 13  Gonne o dirile gore mephakalego ya dikgoro tsa gago e nonofe;O segofaditse barwa ba gago mo gare ga gago.+ 14  O baya kagiso mo karolong ya gago ya naga;+O nna a go kgorisa mafura a korong.+ 15  O romela lefoko la gagwe mo lefatsheng;+Lefoko la gagwe le siana ka lobelo. 16  O ntsha kapoko jaaka boboa;+O gasamisa segagane fela jaaka melora.+ 17  O latlhela dikgapetla tsa gagwe tsa metsi jaaka dithathana.+Ke mang yo o ka emang fa pele ga serame sa gagwe?+ 18  O romela lefoko+ la gagwe a bo a di gakolosa.O dira gore phefo ya gagwe e foke;+Metsi a a rotha. 19  O bolelela Jakobe+ lefoko la gagwe,Le Iseraele+ melao+ ya gagwe le ditshwetso tsa gagwe tsa boatlhodi. 20  Ga a dira jalo mo setšhabeng sepe se sele;+Mme fa e le ditshwetso tsa gagwe tsa boatlhodi, ga ba a di itse.+Bakang Jah!+

Dintlha Tse di Kwa Tlase