Pesalema 143:1-12

Pina ya ga Dafide. 143  Ao tlhe Jehofa, utlwa thapelo ya me;+A ko o sekegele kopo ya me e ke e dirang ka tlhoafalo tsebe.+Mo boikanyeging jwa gago nkaraba ka tshiamo ya gago.+   Mme o se ka wa tsena mo katlholong le motlhanka wa gago;+Gonne ga go na ope yo o tshelang yo o ka nnang yo o siameng+ fa pele ga gago.   Gonne mmaba o lateletse moya wa me;+O thubaganyeditse botshelo jwa me fa fatshe.+O dirile gore ke nne mo mafelong a a lefifi jaaka ba ba suleng ka bosakhutleng.+   Mme moya+ wa me o koafala mo teng ga me;Pelo ya me e itshupa e kgwaraletse mo teng ga me.+   Ke gakologetswe malatsi a bogologolo;+Ke tlhatlhantse ka tiro ya gago yotlhe;+Ke ne ka itlhophela go nna ke tlhatlhanya ka tiro ya diatla tsa gago.+   Ke otlololetse diatla tsa me kwa go wena;+Moya wa me o tshwana le lefatshe le le omileng le le go nyoretsweng.+ Seʹlah.   A ko o itlhaganele, o nkarabe, tlhe Jehofa.+Moya wa me o khutlile.+O se ka wa mphitlhela sefatlhego sa gago,+E seng jalo ke tla tshwana le ba ba fologelang mo kgatamping.+   Dira gore ke utlwe bopelonomi jwa gago jwa lorato mo mosong,+Gonne ke ikantse wena.+Nkitsise tsela e ke tshwanetseng go tsamaya mo go yone,+Gonne ke tsholeleditse moya+ wa me kwa go wena.   Nkgolola mo babeng ba me, tlhe Jehofa.+Ke ipipile ka wena.+ 10  Nthuta go dira thato ya gago,+Gonne o Modimo wa me.+Moya wa gago o molemo;+E kete o ka nkgoga mo lefatsheng la thokgamo.+ 11  E kete o ka mpoloka ke tshela,+ tlhe Jehofa, ka ntlha ya leina la gago.+E kete o ka ntsha moya wa me mo matshwenyegong+ ka tshiamo+ ya gago. 12  Mme e kete o ka didimatsa baba+ ba me ka bopelonomi jwa gago jwa lorato;Mme o senye botlhe ba ba bontshang moya wa me bobaba,+Gonne ke motlhanka wa gago.+

Dintlha Tse di Kwa Tlase