Pesalema 141:1-10

Pina ya ga Dafide. 141  Ao tlhe Jehofa, ke go biditse.+A ko o potlakele kwa go nna.+A ko o sekegele lentswe la me tsebe fa ke go bitsa.+   E kete thapelo ya me e ka baakanngwa jaaka maswalo+ fa pele ga gago,+Go tsholediwa ga diatla tsa me jaaka tshupelo ya maitseboa ya dijo tsa ditlhaka.+   A ko o tlhomele molomo+ wa me modisa tlhe Jehofa;A ko o tlhome molebeledi fa kgorong ya dipounama tsa me.+   O se ka wa retolosetsa pelo ya me mo go sepe se se bosula,+Gore o dire ka boikepo ditiro tse di itsegeng ka bosula+Le batho ba ba dirang se se utlwisang botlhoko,+Gore ke se ka ka iphepa ka dijo tsa bone tse di monate.+   Fa mosiami a ka ntitaya, e tla bo e le bopelonomi jwa lorato;+Mme fa a ka nkgalemela, e tla bo e le leokwane mo tlhogong,+Le tlhogo ya me e ka se kang ya batla go le gana.+Thapelo ya me e ne e ntse e tla nna teng ka nako ya masetlapelo a bone.+   Baatlhodi ba bone ba digetswe fa fatshe kafa matlhakoreng a lefika le legolo,+Mme ba utlwile mafoko a me, gore a monate.+   Jaaka fa motho a fatola e bile a fatsa lefatshe,Marapo a rona a gasamisitswe fa molomong wa Sheole.+   Le fa go ntse jalo, matlho a me a kwa go wena,+ wena Jehofa Morena Molaodimogolo.+Ke tshabetse mo go wena.+O se ka wa tsholola moya wa me.+   Mpoloka gore ke se ka ka tshwarwa ke serai se ba se mpeetseng+Le diru tsa ba ba dirang se se utlwisang botlhoko.+ 10  Baikepi ba tla wela botlhe mmogo mo matloweng a bone,+Fa nna ke feta.

Dintlha Tse di Kwa Tlase