Fetela kwa tshedimosetsong

Fetela go diteng

Basupi ba ga Jehofa

Tlhopha puo Setswana

Pesalema 118:1-29

118  Ntshetsang Jehofa ditebogo, gonne o molemo;+Gonne bopelonomi jwa gagwe jwa lorato ke jwa bosakhutleng.+   Jaanong a Iseraele a re:“Gonne bopelonomi jwa gagwe jwa lorato ke jwa bosakhutleng.”+   Jaanong a ba ntlo ya ga Arone ba re:+“Gonne bopelonomi jwa gagwe jwa lorato ke jwa bosakhutleng.”+   A ba ba boifang Jehofa jaanong ba re:+“Gonne bopelonomi jwa gagwe jwa lorato ke jwa bosakhutleng.”+   Ke ne ka bitsa Jah+ ke le mo maemong a a tshwenyang thata;Jah o ne a araba mme a ntsenya mo lefelong le le atlhameng.+   Jehofa o kafa letlhakoreng la me; ga nkitla ke boifa.+Motho wa mo lefatsheng a ka ntirang?+   Jehofa o kafa letlhakoreng la me mo gare ga ba ba nthusang,+Mo nna ke tla lebang ba ba ntlhoileng.+   Go botoka go tshabela mo go Jehofa+Go na le go ikanya motho wa mo lefatsheng.+   Go botoka go tshabela mo go Jehofa+Go na le go ikanya batlotlegi.+ 10  Ditšhaba tsotlhe di ne tsa ntikanyetsa.+Ke ne ka nna ka emelana le tsone mo leineng la ga Jehofa.+ 11  Ba ne ba ntikanyetsa, ee, ba dira gore ke dikanyediwe.+Ke ne ka nna ka emelana le bone mo leineng la ga Jehofa. 12  Ba ne ba ntikanyetsa jaaka dinotshe;+Ba ne ba timiwa jaaka molelo wa ditlhatshana tse di mitlwa.+Ke ne ka nna ka emelana le bone mo leineng la ga Jehofa.+ 13  O ne wa nkgorometsa thata gore ke we,+Mme Jehofa o ne a nthusa.+ 14  Jah ke boitshireletso jwa me le thata ya me,+Mme o nna poloko ya me.+ 15  Lentswe la go goa ka boipelo le poloko+Le mo megopeng+ ya basiami.+Seatla sa moja sa ga Jehofa se bontsha maatla a botlhaga.+ 16  Seatla sa ga Jehofa sa moja se a ikgodisa;+Seatla sa ga Jehofa sa moja se bontsha maatla a botlhaga.+ 17  Ga nkitla ke swa, mme ke tla nna ke tshela,+Gore ke tle ke bolele ditiro tsa ga Jah.+ 18  Jah o ne a nkwatlhaya thata,+Mme ga a ka a nneelela loso.+ 19  Mpulelang dikgoro tsa tshiamo.+Ke tla tsena ka tsone; ke tla baka Jah.+ 20  Eno ke kgoro ya ga Jehofa.+Basiami ba tla tsena ka yone.+ 21  Ke tla go baka, gonne o ne wa nkaraba+Mme o ne wa nna poloko ya me.+ 22  Leje le baagi ba neng ba le gana+Le fetogile tlhogo ya sekhutlo.+ 23  Le tswa kwa go Jehofa;+Le a kgatlha mo matlhong a rona.+ 24  Leno ke letsatsi le Jehofa a le dirileng;+Re tla ipela re bo re itumele mo go lone.+ 25  Ao tlhe Jehofa, boloka, tsweetswee!+Ao tlhe Jehofa, naya katlego, tsweetswee!+ 26  A go bakwe Ene yo o tlang mo leineng la ga Jehofa;+Re lo bakile go tswa mo ntlong ya ga Jehofa.+ 27  Jehofa ke Yo E Leng Modimo,+Mme o re naya lesedi.+Bofang mokoloko wa moletlo+ ka dikala tse dikgolo,+Go fitlha kwa dinakeng tsa sebeso.+ 28  Ke wena Yo O Leng Modimo wa me, mme ke tla go baka;+Modimo wa me—ke tla go godisa.+ 29  Ntshetsang Jehofa ditebogo, gonne o molemo;+Gonne bopelonomi jwa gagwe jwa lorato ke jwa bosakhutleng.+ א [ʼAʹleph]

Dintlha Tse di Kwa Tlase