Pesalema 116:1-19

116  Ke a rata, ka gonne Jehofa o utlwa+Lentswe la me, dikopo tsa me tse di tlhoafetseng.+   Gonne o sekamiseditse tsebe ya gagwe kwa go nna,+Mme ke tla bitsa mo malatsing a me otlhe.+   Megala ya loso e ne ya ntikanyetsa+Le maemo a a tshwenyang thata a Sheole a ne a ntshwara.+Ke ne ka nna ka bona matshwenyego le khutsafalo.+   Mme ke ne ka bitsa leina la ga Jehofa:+“Ao, Jehofa, a ko o falotse moya wa me!”+   Jehofa o pelontle e bile o tshiamo;+Mme Modimo wa rona ke Yo o bontshang kutlwelobotlhoko.+   Jehofa o disa ba ba se nang maitemogelo.+Ke ne ke humanegile, mme a mpoloka.+   Boela kwa lefelong la gago la boikhutso, wena moya wa me,+Gonne Jehofa o go diretse ka tsela e e tshwanetseng.+   Gonne o namotse moya wa me mo losong,+Leitlho la me mo dikeleding, lonao lwa me mo go kgotšweng.+   Ke tla tsamaya+ fa pele ga ga Jehofa mo mafatsheng a ba ba tshelang.+ 10  Ke ne ke na le tumelo,+ gonne ke ne ka bua.+Ke ne ke bogisiwa thata. 11  Fa e le nna, ke ne ka bua jaana fa ke tshoga:+“Motho mongwe le mongwe ke moaki.”+ 12  Ke tla duela Jehofa ka eng+Ka ntlha ya melemo ya gagwe yotlhe mo go nna?+ 13  Ke tla tsaya senwelo sa poloko e kgolo,+Mme ke tla bitsa leina la ga Jehofa.+ 14  Ke tla diragatsa maikano a me mo go Jehofa,+Ee, fa pele ga batho ba gagwe botlhe. 15  Loso lwa batho ba ga Jehofa ba ba ikanyegang+Lo tlhwatlhwakgolo mo matlhong a gagwe. 16  Ao, jaanong, tlhe Jehofa,+Gonne ke motlhanka wa gago.+Ke motlhanka wa gago, morwa lelata la gago.+O bofolotse dibofo tsa me.+ 17  Ke tla go isetsa setlhabelo sa go ntsha ditebogo,+Mme ke tla bitsa leina la ga Jehofa.+ 18  Ke tla diragatsa maikano a me mo go Jehofa,+Ee, fa pele ga batho ba gagwe botlhe,+ 19  Mo malwapeng a ntlo ya ga Jehofa,+Mo gare ga gago, wena Jerusalema.+Bakang Jah!+

Dintlha Tse di Kwa Tlase