Pesalema 105:1-45

105  Ntshetsang Jehofa ditebogo, bitsang leina la gagwe,+Itsiseng ditiro tsa gagwe mo ditšhabeng.+   Mo opeleleng, mo leletseng pina,+Tlhatlhanyang ka ditiro tsotlhe tsa gagwe tse di gakgamatsang.+   Ipelafatseng ka leina la gagwe le le boitshepo.+A pelo ya ba ba batlang Jehofa e ipele.+   Batlang Jehofa le nonofo ya gagwe.+Batlang sefatlhego sa gagwe ka metlha.+   Gakologelwang ditiro tsa gagwe tse di gakgamatsang tse a di dirileng,+Dikgakgamatso tsa gagwe le ditshwetso tsa boatlhodi tsa molomo wa gagwe,+   Wena losika lwa ga Aborahame motlhanka wa gagwe,+Lona bomorwa Jakobe, ba ba tlhophilweng ba gagwe.+   Ke Jehofa Modimo wa rona.+Ditshwetso tsa gagwe tsa boatlhodi di mo lefatsheng lotlhe.+   O gakologetswe kgolagano ya gagwe ka bosakhutleng,+Lefoko le a le laotseng, go fitlha dikokomaneng tse di sekete,+   E le kgolagano eo a neng a e dira le Aborahame,+Le maikano a gagwe ao a a diretseng Isake,+ 10  E leng polelo e a neng a e boloka e eme e le molao le mo go Jakobe,E le kgolagano e e nnang ka bosakhutleng le mo go Iseraele,+ 11  A re: “Ke tla go naya lefatshe la Kanana+Go nna kabelo ya boswa jwa gago.”+ 12  E ne e le fa ba ne ba le mmalwa ka palo,+Ee, ba le mmalwa thata, e bile e le baagi ba baeng mo go yone.+ 13  Mme ba nna ba tsamayatsamaya go tswa setšhabeng go ya setšhabeng,+Go tswa bogosing go ya setšhabeng se sengwe.+ 14  Ga a ka a letlelela motho ope go ba tsietsa,+Mme o ne a kgalemela dikgosi ka ntlha ya bone,+ 15  A re: “Lo se ka lwa ama batlodiwa ba me,+E bile lo se ka lwa dira baporofeti ba me sepe se se bosula.”+ 16  Mme a biletsa leuba mo lefatsheng;+A robaganya thobane nngwe le nngwe e senkgwe se se bopegileng jaaka leseka se neng se lepeleditswe mo go yone.+ 17  A roma motho kwa pele ga boneYo o neng a rekisiwa go nna motlhanka, e bong Josefa.+ 18  Ba ne ba bogisa dinao tsa gagwe ka mehiri,+Moya wa gagwe wa tsena mo ditshiping;+ 19  Go fitlha ka nako ya fa lefoko la gagwe le ne le tla,+Lefoko la ga Jehofa le ne la mo itshekisa.+ 20  Kgosi e ne ya roma gore e mo golole,+Mmusi wa ditšhaba, gore a mo golole. 21  O ne a mo tlhoma go nna mong wa ba ntlo ya gagwe+Le go nna mmusi wa thoto ya gagwe yotlhe,+ 22  Gore a golege dikgosana tsa gagwe tumalanong le moya wa gagwe+Le gore a rute le banna ba gagwe ba bagolwane botlhale.+ 23  Iseraele a tsena mo Egepeto,+Mme Jakobe a aga e le moeng mo lefatsheng la Hame.+ 24  Mme a nna a dira gore batho ba gagwe ba ate thata,+Mme kgabagare a dira gore ba nne thata go feta baba ba bone.+ 25  A letla gore pelo ya bone e fetoge e tlhoe batho ba gagwe,+Gore ba itshware ka boferefere mo batlhankeng ba gagwe.+ 26  A roma Moshe motlhanka wa gagwe,+Arone yo a neng a mo tlhophile.+ 27  Ba ne ba tlhoma mo gare ga bone dikgang tsa ditshupo tsa gagwe,+Le dikgakgamatso mo lefatsheng la Hame.+ 28  A romela lefifi mme ka jalo a dira gore go nne lefifi;+Mme ba se ka ba tsuologela mafoko a gagwe.+ 29  A fetola metsi a bone go nna madi,+Mme a bolaya ditlhapi tsa bone.+ 30  Lefatshe la bone la nyeula digogwane,+Mo diphaposing tse di kwa teng tsa dikgosi tsa bone. 31  A re diboba+ di tsene,Mentsana mo dikarolong tsotlhe tsa bone tsa naga.+ 32  A dira gore dipula tsa bone tse dikgolo di ne ka sefako,+Molelo o o tutumang mo lefatsheng la bone.+ 33  Mme a itaya mefine ya bone le ditlhare tsa bone tsa mofeigeA robaganya ditlhare tsa karolo ya bone ya naga.+ 34  A re tsie e tsene,+Le mofuta mongwe wa boijane, bo se na palo.+ 35  Mme jwa ja dimela tsotlhe mo lefatsheng la bone;+Jwa ja le maungo a mmu wa bone. 36  Mme a bolaya leitibolo lengwe le lengwe mo lefatsheng la bone,+Tshimologo ya maatla otlhe a bone a go tshola.+ 37  Mme a simolola go ba ntsha ba na le selefera le gouta;+Mme mo ditsong tsa gagwe go ne go se na ope yo o kgotšwang. 38  Egepeto o ne a ipela fa ba tswa,Gonne ba ne ba simolotse go ba boifa.+ 39  O ne a tsharolola leru go nna sesiro,+Le molelo go nna lesedi bosigo.+ 40  Ba ne ba kopa, mme a tlisa makwetekwio,+Mme a nna a ba kgorisa senkgwe se se tswang kwa legodimong.+ 41  A bula lefika, mme metsi a simolola go elela;+A elela go ralala dikgaolo tse di se nang metsi e le noka.+ 42  Gonne o ne a gakologelwa lefoko la gagwe le le boitshepo mo go Aborahame motlhanka wa gagwe.+ 43  Ka jalo a ntsha batho ba gagwe ka boitumelo,+Ba ba tlhophilweng ba gagwe ka go goa ka boipelo.+ 44  Mme kgabagare a ba naya mafatshe a ditšhaba,+Mme ba nna ba rua maungo ya tiro ya bonatla ya ditlhopha tsa ditšhaba,+ 45  Gore ba tle ba boloke melawana+ ya gagweBa bo ba tshegetse melao+ ya gagwe.Bakang Jah!+

Dintlha Tse di Kwa Tlase