Dipalo 35:1-34

35  Mme Jehofa a tswelela go bua le Moshe mo mabaleng a a sekaka a Moabe gaufi le Joredane+ kwa Jeriko a re:  “Laela bomorwa Iseraele gore ba neye Balefi metse+ go tswa mo bosweng jwa thuo ya bone gore ba nne mo go yone, mme ba neye Balefi mafulo a metse e e mo tikologong yotlhe ya bone.+  Mme metse e nne e ba nnang mo go yone, fa mafulo a bone e tla nna a diruiwa tsa bone le dithoto tsa bone le diphologolo tsotlhe tsa bone tsa naga.  Mme mafulo a metse, a lo tla a nayang Balefi, a tla simolola kwa loboteng lwa motse a ba a tswela mo tikologong yotlhe dikubita di le sekete.  Mme lo lekanye dikubita di le dikete tse pedi kwa ntle ga motse kafa botlhaba le dikubita di le dikete tse pedi kafa borwa le dikubita di le dikete tse pedi kafa bophirima le dikubita di le dikete tse pedi kafa bokone, motse o le fa gare. Ano e tla nna mafulo a bone a metse.  “Eno ke metse e lo tla e nayang Balefi: metse e le merataro ya botshabelo,+ e lo tla e nayang mmolai gore a tshabele kwa go yone,+ mme kwantle ga yone lo tla ba naya metse e mengwe e le masome a manè le bobedi.  Metse yotlhe e lo tla e nayang Balefi e tla nna metse e le masome a manè le borobedi, yone mmogo le mafulo a yone.+  Metse e lo tla e ba nayang e tla bo e tswa mo thuong ya bomorwa Iseraele.+ Mo go ba bantsi, lo tla tsaya e le mentsi, mme mo go ba ba mmalwa lo tla tsaya e le mmalwa.+ Mongwe le mongwe o tla naya Balefi metse mengwe ya gagwe go lekana le boswa jo a tla bo tsayang e le thuo.”  Mme Jehofa a tswelela go bua le Moshe a re: 10  “Bua le bomorwa Iseraele, mme o ba reye o re, ‘Lo kgabaganya Joredane go ya kwa lefatsheng la Kanana.+ 11  Mme lo itlhophele metse e e lo siametseng. E tla nna metse ya lona ya botshabelo, mme mmolai yo o itayang moya gore o bo o swe, e se ka boomo,+ a tshabele kwa go yone. 12  Mme metse e tla nna e lo tshabelang mmusolosi wa madi+ kwa go yone, gore mmolai a se ka a swa go fitlha a ema fa pele ga phuthego gore a atlholwe.+ 13  Mme metse e lo tla e ntshang, metse e merataro ya botshabelo, lo tla e dirisa. 14  Lo tla ntsha metse e meraro kafa letlhakoreng leno la Joredane,+ gape lo tla ntsha metse e meraro mo lefatsheng la Kanana.+ E tla nna metse ya botshabelo. 15  Metse e merataro eno e tla nna ya botshabelo ya bomorwa Iseraele le ya moagi wa moeng+ le ya yo o thibeletseng mo gare ga bone, gore ope yo o itayang moya gore o bo o swe e se ka boomo,+ a tshabele kwa go yone. 16  “‘Jaanong fa e le gore o mo iteile ka sedirisiwa sa tshipi gore a bo a swe, ke mmolai.+ Mmolai yoo ruri a bolawe.+ 17  Mme fa e le gore o mo iteile gore a bo a swe ka leje le lennye le le neng le ka mmolaya, ke mmolai. Mmolai yoo ruri a bolawe. 18  Mme fa e le gore o mo iteile gore a bo a swe ka sedirisiwa se sennye sa logong se se neng se ka mmolaya, ke mmolai. Mmolai yoo ruri a bolawe. 19  “‘Mmusolosi+ wa madi ke ene yo o tla bolayang mmolai. Fa a ka tshogana a mmona, ene ka boene a mmolaye. 20  Mme fa e le gore o ne a mo kgorometsa+ ka letlhoo kgotsa a mo konopile ka sengwe fa a ne a mo laletse+ gore a swe, 21  kgotsa ka ntlha ya bobaba a mo iteile ka seatla gore a swe, ruri moitei yoo o tshwanetse go bolawa. Ke mmolai. Mmusolosi wa madi o tla bolaya mmolai fa a tshogana a mmona.+ 22  “‘Mme fa e le gore o mo kgoromeditse ka tshoganyetso e se ka ntlha ya bobaba kgotsa a mo konopile ka selwana le fa e le sefe a sa mo lalela,+ 23  kgotsa leje lepe le le neng le ka mmolaya a sa mmone kgotsa a dira gore le mo wele, gore a bo a swe, a ne a se na bobaba bope le ene e bile a sa batle go mo utlwisa botlhoko, 24  foo phuthego e atlhole fa gare ga mmolai le mmusolosi wa madi kafa dikatlholong+ tseno. 25  Mme phuthego+ e golole mmolai mo seatleng sa mmusolosi wa madi, mme phuthego e mmusetse kwa motseng wa gagabo wa botshabelo o a tshabetseng kwa go one, mme a nne kwa go one go fitlha moperesiti yo mogolo yo o neng a tloditswe ka leokwane le le boitshepo+ a swa. 26  “‘Mme fa go direga gore mmolai a tlole molelwane wa motse wa gagabo wa botshabelo o a ka tshabelang kwa go one, 27  mme mmusolosi+ wa madi a mo fitlhela ka kwa ntle ga molelwane wa motse wa gagabo wa botshabelo, mme mmusolosi wa madi a bo a bolaya mmolai, ga a na molato wa madi. 28  Gonne o tshwanetse go nna mo motseng wa gagabo wa botshabelo go fitlha loso lwa moperesiti yo mogolo,+ mme morago ga loso lwa moperesiti yo mogolo mmolai a ka nna a boela kwa lefatsheng la thuo ya gagwe. 29  Mme tseno e nne molao wa katlholo mo go lona go ya le dikokomana tsa lona mo mafelong otlhe a lona a bonno. 30  “‘Mongwe le mongwe yo o bolayang moya setlhogo o tshwanetse go bolawa setlhogo jaaka mmolai+ ka molomo wa basupi,+ mosupi a le mongwe ga a ka ke a ntsha bosupi kgatlhanong le moya gore o swe. 31  Mme lo se ka lwa tsaya thekololo epe ya moya wa mmolai yo o tshwanetseng go swa,+ gonne ruri o tshwanetse go bolawa.+ 32  Gape lo se ka lwa tsaya thekololo ya yo o tshabetseng kwa motseng wa gagabo wa botshabelo, gore a ye go simolola go nna mo lefatsheng pele ga loso lwa moperesiti yo mogolo. 33  “‘Gape lo se ka lwa kgotlela lefatshe le lo leng mo go lone; ka gonne madi ke one a kgotlelang lefatshe,+ mme lefatshe ga le kitla le nna le tetlanyo ka ga madi a a tshololetsweng mo go lone fa e se ka madi a yo o a tshololang.+ 34  Mme lo se ka lwa kgotlela lefatshe le lo nnang mo go lone, le ke agileng mo gare ga lone; gonne nna Jehofa ke agile mo gare ga bomorwa Iseraele.’”+

Dintlha Tse di Kwa Tlase