Dipalo 33:1-56

33  Tseno e ne e le dikgato tsa bomorwa Iseraele ba ba neng ba tswa kwa lefatsheng la Egepeto+ ka masomosomo+ a bone ka seatla sa ga Moshe le Arone.+  Mme Moshe a nna a kwala mafelo a go bolola ka dikgato tsa bone ka taelo ya ga Jehofa; mme tseno e ne e le dikgato tsa bone go tswa lefelong le lengwe la go bolola go ya kwa go le lengwe:+  Mme ba bolola mo Ramesese+ mo kgweding ya ntlha, mo letsatsing la bolesome le botlhano la kgwedi ya ntlha.+ Letsatsi fela morago ga tlolaganyo+ bomorwa Iseraele ba tswa ka seatla se se tsholetsegileng fa pele ga matlho a Baegepeto+ botlhe.  Mo nakong eno yotlhe Baegepeto ba ne ba fitlha ba Jehofa a neng a ba bolaile mo gare ga bone, ke gore, maitibolo+ otlhe; e bile Jehofa o ne a atlhotse+ medimo ya bone.  Ka jalo bomorwa Iseraele ba bolola mo Ramesese+ mme ba thibelela kwa Sukothe.+  Go tswa foo ba bolola kwa Sukothe mme ba thibelela kwa Ethame,+ o o fa dintlheng tsa naga.  Morago ga moo ba bolola kwa Ethame mme ba boela kwa Pihahirothe,+ o o lebaganeng le Baale-sefone;+ mme ba thibelela fa pele ga Migedole.+  Morago ga moo ba bolola kwa Pihahirothe ba kgabaganya fa gare ga lewatle+ ba ya kwa nageng+ mme ba nna ba gwanta loeto lwa malatsi a le mararo mo nageng ya Ethame+ mme ba thibelela kwa Mara.+  Go tswa foo ba bolola kwa Mara mme ba tla mo Elime.+ Jaanong go ne go na le metswedi e le lesome le bobedi ya metsi kwa Elime le ditlhare di le masome a supa tsa mokolane. Ka jalo ba thibelela gone koo. 10  Morago ga moo ba bolola kwa Elime mme ba thibelela fa Lewatleng le Lehibidu. 11  Morago ga moo ba bolola mo Lewatleng le Lehibidu mme ba thibelela mo nageng ya Sine.+ 12  Morago ga moo ba bolola mo nageng ya Sine mme ba thibelela kwa Dofeka. 13  Moragonyana ba bolola kwa Dofeka mme ba thibelela kwa Alushe. 14  Morago ga moo ba bolola kwa Alushe mme ba thibelela kwa Refidime.+ Mme go ne go se na metsi koo gore batho ba nwe. 15  Morago ga moo ba bolola kwa Refidime mme ba thibelela mo nageng ya Sinai.+ 16  Morago ga moo ba bolola mo nageng ya Sinai mme ba thibelela kwa Kiberothe-hataafa.+ 17  Morago ga moo ba bolola kwa Kiberothe-hataafa mme ba thibelela kwa Haserothe.+ 18  Morago ga moo ba bolola kwa Haserothe mme ba thibelela kwa Rithema. 19  Morago ga moo ba bolola kwa Rithema mme ba thibelela kwa Rimone-perese. 20  Morago ga moo ba bolola kwa Rimone-perese mme ba thibelela kwa Libena. 21  Moragonyana ba bolola kwa Libena mme ba thibelela kwa Risa. 22  Morago ga moo ba bolola kwa Risa mme ba thibelela kwa Kehelatha. 23  Morago ga moo ba bolola kwa Kehelatha mme ba thibelela kwa Thabeng ya Shefere. 24  Morago ga moo ba bolola kwa Thabeng ya Shefere mme ba thibelela+ kwa Harada. 25  Morago ga moo ba bolola kwa Harada mme ba thibelela kwa Makhelothe. 26  Morago ga moo ba bolola+ kwa Makhelothe mme ba thibelela kwa Tahathe. 27  Morago ga moo ba bolola kwa Tahathe mme ba thibelela kwa Tera. 28  Morago ga moo ba bolola kwa Tera mme ba thibelela kwa Mitheka. 29  Moragonyana ba bolola kwa Mitheka mme ba thibelela kwa Hashemona. 30  Morago ga moo ba bolola kwa Hashemona mme ba thibelela kwa Moserothe. 31  Morago ga moo ba bolola kwa Moserothe mme ba thibelela kwa Bene-jaakane.+ 32  Morago ga moo ba bolola kwa Bene-jaakane mme ba thibelela kwa Horo-hagidegade. 33  Morago ga moo ba bolola kwa Horo-hagidegade mme ba thibelela kwa Jotebatha.+ 34  Moragonyana ba bolola kwa Jotebatha mme ba thibelela kwa Aberona. 35  Morago ga moo ba bolola kwa Aberona mme ba thibelela kwa Esione-gebere.+ 36  Morago ga moo ba bolola kwa Esione-gebere mme ba thibelela kwa nageng ya Tsine,+ ke go re, Kadeshe. 37  Moragonyana ba bolola kwa Kadeshe mme ba thibelela kwa Thabeng ya Hore,+ mo kgaolong e e leng molelwane wa lefatshe la Edoma. 38  Mme moperesiti Arone a tlhatlogela mo Thabeng ya Hore ka taelo ya ga Jehofa mme a swela gone mo ngwageng wa bomasome a manè wa go tswa ga bomorwa Iseraele kwa lefatsheng la Egepeto, mo kgweding ya botlhano, mo letsatsing la ntlha la kgwedi.+ 39  Arone o ne a na le dingwaga di le lekgolo le masome a mabedi le boraro fa a ne a swa mo Thabeng ya Hore. 40  Jaanong Mokanana mongwe, e bong kgosi ya Arada,+ e re ka a ne a nna mo Negebe,+ mo lefatsheng la Kanana, a utlwa kaga go tla ga bomorwa Iseraele. 41  Fa nako e ntse e tsamaya ba bolola mo Thabeng ya Hore+ mme ba thibelela kwa Salemona. 42  Morago ga moo ba bolola kwa Salemona mme ba thibelela kwa Punone. 43  Morago ga moo ba bolola kwa Punone mme ba thibelela kwa Obothe.+ 44  Morago ga moo ba bolola kwa Obothe mme ba thibelela kwa Aye-abarime fa molelwaneng wa Moabe.+ 45  Moragonyana ba bolola kwa Aime mme ba thibelela kwa Dibone-gade.+ 46  Morago ga moo ba bolola kwa Dibone-gade mme ba thibelela kwa Alemona-dibelathaime. 47  Morago ga moo ba bolola kwa Alemona-dibelathaime+ mme ba thibelela kwa dithabeng tsa Abarime+ fa pele ga Nebo.+ 48  La bofelo ba bolola kwa dithabeng tsa Abarime mme ba thibelela mo mabaleng a a sekaka a Moabe+ fa thoko ga Joredane kwa Jeriko. 49  Mme ba tswelela ba thibeletse fa thoko ga Joredane go simolola kwa Bethe-jeshimothe+ go fitlha kwa Abele-shitime+ mo mabaleng a a sekaka a Moabe. 50  Mme Jehofa a bua le Moshe mo mabaleng a a sekaka a Moabe fa thoko ga Joredane kwa Jeriko+ a re: 51  “Bua le bomorwa Iseraele o ba reye o re, ‘Lo kgabaganya Joredane lo tsena mo lefatsheng la Kanana.+ 52  Mme lo leleke banni botlhe ba lefatshe fa pele ga lona lo bo lo senye ditshwantsho+ tsotlhe tsa bone tsa maje, gape lo senye ditshwantsho tsotlhe tsa bone tsa tshipi+ e e thetsweng, lo bo lo nyeletse+ mafelo otlhe a bone a a kwa godimo a a boitshepo. 53  Mme lo rue lefatshe lo nne mo go lone, ka gonne ruri ke tla lo naya lefatshe gore lo le rue.+ 54  Mme lo ikgaoganyetse lefatshe ka bola+ go nna thuo kafa malapeng+ a lona. Yo o nang le batho ba le bantsi lo mo okeletse boswa, mme wa ba ba seng bantsi lo fokotse boswa+ jwa gagwe. Koo bola bo tla mo tswelang gone, e tla nna jwa gagwe+ gone koo. Lo ineye sebata sa naga ka ditso tsa borraalona.+ 55  “‘Le fa go ntse jalo, fa e le gore ga lo kitla lo leleka banni ba lefatshe fa pele ga lona,+ foo ba lo ba tlogelang ba bone ba tla nna jaaka ditlhabo mo matlhong a lona le jaaka mmitlwa mo matlhakoreng a lona, mme ba tla lo tshwenya mo lefatsheng le lo tla bong lo nna mo go lone.+ 56  Mme go tla diragala gore ke lo dire fela jaaka ke ne ke rulagantse go ba dira.’”+

Dintlha Tse di Kwa Tlase