Dipalo 27:1-23

27  Foo bomorwadia Selofehade+ morwa Hefere morwa Gileade morwa Makire morwa Manase,+ ba malapa a ga Manase morwa Josefa, ba atamela. Mme ano e ne e le maina a bomorwadie: Mahela, Noa le Hogola le Mileka le Tiresa.+  Mme ba ema fa pele ga ga Moshe le fa pele ga ga moperesiti Eliasare+ le fa pele ga dikgosana le phuthego yotlhe kwa kgorong ya mogope wa bokopanelo, ba re:  “Rraarona o swetse kwa nageng,+ mme le fa go ntse jalo o ne a se mo gare ga phuthego, ke gore, ba ba neng ba ipaya kgatlhanong le Jehofa mo phuthegong ya ga Kora,+ mme o swetse boleo jwa gagwe;+ mme o ne a se ka a nna le bana bape ba basimane.  Ke ka ntlha yang fa leina la ga rraarona le tshwanetse go tlosiwa mo gare ga lelapa la gagwe ka gonne a ne a se na ngwana wa mosimane?+ Tsweetswee re neye thuo mo gare ga bomorwarraagwe rraarona.”+  Foo Moshe a isa kgang ya bone fa pele ga ga Jehofa.+  Foo Jehofa a raya Moshe a re:  “Bomorwadia Selofehade ba bua sentle. Ba neye thuo ya boswa mo gare ga bomorwarraagwe rraabone, mme o dire gore boswa jwa ga rraabone bo fetele mo go bone.+  Mme o bue le bomorwa Iseraele o re, ‘Fa go direga gore motho ope a swe a se na ngwana wa mosimane, foo lo dire gore boswa jwa gagwe bo fetele mo go morwadie.  Mme fa a se na ngwana wa mosetsana, foo lo neye bomorwarraagwe boswa jwa gagwe. 10  Mme fa a se na bomorwarraagwe, foo lo neye bomorwarraagwe rraagwe boswa jwa gagwe. 11  Mme fa rraagwe a se na bomorwarraagwe, foo lo neye yo a amanang le ene ka losika+ yo a leng gaufi thata le ene wa lelapa la gagabo boswa jwa gagwe, mme a bo rue. Mme e nne molao mo go bomorwa Iseraele ka tshwetso ya boatlhodi, fela jaaka Jehofa a laetse Moshe.’” 12  Morago ga moo Jehofa a raya Moshe a re: “Tlhatlogela mo thabeng eno ya Abarime+ mme o bone lefatshe le ke tla le nayang bomorwa Iseraele.+ 13  Fa o le bone, foo o tla phuthelwa kwa bathong ba gaeno,+ ee, wena, fela jaaka Arone morwarrago a ne a phuthwa,+ 14  e re ka lo tsuologetse taelo ya me mo nageng ya Tsine fa phuthego e ne e omana,+ ka ga go intshepisa+ fa metsing fa pele ga matlho a bone. Ano ke metsi a Meriba+ kwa Kadeshe+ kwa nageng ya Tsine.”+ 15  Foo Moshe a bua le Jehofa a re: 16  “A Jehofa Modimo wa meya+ ya nama ya mefuta yotlhe+ a tlhome motho+ gore a okamele phuthego 17  yo o tla tswang fa pele ga bone le yo o tla tsenang fa pele ga bone le yo o tla ba ntshang le yo o tla ba tsenyang,+ gore phuthego ya ga Jehofa e se ka ya nna jaaka dinku tse di se nang modisa.”+ 18  Ka jalo Jehofa a raya Moshe a re: “Tsaya Joshua morwa Nune, monna yo go nang le moya mo go ene,+ o mmeye seatla; + 19  mme o mo emise fa pele ga moperesiti Eliasare le fa pele ga phuthego yotlhe, o mo tlhome fa pele ga matlho a bone.+ 20  Mme o beye sengwe sa seriti sa gago mo go ene,+ gore phuthego yotlhe ya bomorwa Iseraele e tle e mo reetse.+ 21  Mme o tla ema fa pele ga moperesiti Eliasare, mme a mmoletse+ ka katlholo ya Urime+ fa pele ga ga Jehofa. Ba tla tswa ka taolo ya gagwe e bile ba tla tsena ka taolo ya gagwe, ene mmogo le bomorwa Iseraele botlhe le phuthego yotlhe.” 22  Mme Moshe a dira fela jaaka Jehofa a ne a mo laetse. Ka jalo a tsaya Joshua a mo emisa fa pele ga ga moperesiti Eliasare+ le fa pele ga phuthego yotlhe 23  mme a mmaya diatla a ba a mo tlhoma,+ fela jaaka Jehofa a ne a buile ka Moshe.+

Dintlha Tse di Kwa Tlase