Dipalo 10:1-36

10  Mme Jehofa a bua le Moshe a re:  “Itirele diterompeta+ di le pedi tsa selefera. O tla dira gore e nne tse di papetlilweng ka noto, mme o di dirisetse go bitsa+ phuthego le go tlhatlhamolola mathibelelo.  Ba di letse tsoopedi, mme phuthego yotlhe e boloke nako e e e beelaneng le wena kwa kgorong ya mogope wa bokopanelo.+  Mme fa ba letsa e le nngwe fela, dikgosana tse e leng ditlhogo tsa ba ba dikete ba Iseraele le tsone di boloke nako e di e beelaneng le wena.+  “Mme lo utlwatse go gelebetega mo go fetofetogang, mme mathibelelo a ba ba thibeletseng kafa botlhaba+ a bolole.  Mme lo utlwatse go gelebetega mo go fetofetogang lekgetlo la bobedi, mme mathibelelo a ba ba thibeletseng kafa borwa+ a bolole. Ba utlwatse go gelebetega mo go fetofetogang nako le nako fa bongwe jwa one bo bolola.  “Jaanong fa lo bitsa phuthego, lo letse,+ mme lo se ka lwa utlwatsa go gelebetega mo go fetofetogang.  Mme bomorwa Arone, e bong baperesiti, ba letse diterompeta,+ mme go dirisiwa ga tsone e nne molao mo go lona ka bosakhutleng mo nakong ya dikokomana tsa lona.  “Fa go direga gore lo tsene mo ntweng mo lefatsheng la lona kgatlhanong le mogateledi yo o lo tshwenyang,+ lo utlwatse mokgosi wa ntwa ka diterompeta,+ mme ruri lo tla gakologelwa fa pele ga ga Jehofa Modimo wa lona lo bo lo bolokwa mo babeng ba lona.+ 10  “Mme mo letsatsing la go ipela+ ga lona le mo dipakeng tsa lona tsa moletlo+ le mo tshimologong ya dikgwedi tsa lona,+ lo leletse ditshupelo tsa lona tse di fisiwang+ le ditlhabelo tsa lona tsa kabalano+ diterompeta; mme tiriso ya tsone e nne segopotso mo go lona fa pele ga Modimo wa lona. Ke nna Jehofa Modimo wa lona.”+ 11  Jaanong ga diragala gore mo ngwageng wa bobedi, mo kgweding ya bobedi, mo letsatsing la bomasome a mabedi la kgwedi,+ leru la itsholetsa mo godimo ga motlaagana+ wa Tshupo. 12  Mme bomorwa Iseraele ba simolola go bolola ka mokgwa wa go bolola+ ga bone go tswa mo nageng ya Sinai, mme leru la aga mo nageng ya Parana.+ 13  Mme ba simolola go bolola lekgetlo la ntlha, go ya ka taelo ya ga Jehofa ka Moshe.+ 14  Ka jalo lekgamu la ditso tse tharo la bothibelelo jwa bomorwa Juda la bolola pele ga otlhe ka masomo+ a lone, mme Nashone+ morwa Aminadabe o ne a okametse lesomo la lone. 15  Mme lesomo la lotso lwa bomorwa Isakare le ne le okametswe ke Nethanele+ morwa Suare. 16  Mme lesomo la lotso lwa bomorwa Sebulone le ne le okametswe ke Eliabe morwa Helone.+ 17  Motlaagana o ne wa tlhatlhamololwa,+ mme bomorwa Gereshone+ le bomorwa Merari+ ba bolola jaaka basikari ba motlaagana. 18  Lekgamu la ditso tse tharo la bothibelelo jwa ga Rubene+ la bolola ka masomo a lone, mme Elisure+ morwa Shedeure o ne a okametse lesomo la lone. 19  Mme lesomo la lotso lwa bomorwa Simeone+ le ne le okametswe ke Shelumiele+ morwa Surishadai. 20  Mme lesomo la lotso lwa bomorwa Gada le ne le okametswe ke Eliasafe+ morwa Duele. 21  Mme Bakohathe ba bolola jaaka basikari ba lefelo le le boitshepo,+ e re ka motlaagana o ne o tla bo o tlhomilwe ka nako ya go tla ga bone. 22  Lekgamu la ditso tse tharo la bothibelelo jwa bomorwa Eferaime+ la bolola ka masomo a lone, mme Elishama+ morwa Amihude o ne a okametse lesomo la lone. 23  Mme lesomo la lotso lwa bomorwa Manase+ le ne le okametswe ke Gamaliele+ morwa Pedasure. 24  Mme lesomo la lotso lwa bomorwa Benjamine+ le ne le okametswe ke Abidane+ morwa Gideoni. 25  Mme lekgamu la ditso tse tharo la bothibelelo jwa bomorwa Dana+ la bolola jaaka le le bopang masole a a sireletsang+ mathibelelo otlhe kafa morago ka masomo a one, mme Ahiesere+ morwa Amishadai o ne a okametse lesomo la lone. 26  Mme lesomo la lotso lwa bomorwa Ashera+ le ne le okametswe ke Pagiele+ morwa Okerane. 27  Mme lesomo la lotso lwa bomorwa Nafetali+ le ne le okametswe ke Ahira+ morwa Enane. 28  Go bolola ga bomorwa Iseraele ka masomo a bone go ne go le ka mokgwa ono fa ba ne ba bolola.+ 29  Foo Moshe a raya Hobabe morwa Reuele+ wa Momidiana, mogogwadia Moshe a re: “Re bololela kwa lefelong le Jehofa a neng a bua ka lone a re, ‘Ke tla le lo naya.’+ Tla le rona, mme re tla go direla molemo,+ ka gonne Jehofa o buile molemo ka Iseraele.”+ 30  Mme a mo raya a re: “Ga nkitla ke tsamaya le lona, mme ke tla ya kwa nageng ya gaetsho+ le kwa go ba losika lwa me.” 31  Foo a re: “Tsweetswee, o se ka wa re tlogela, ka gonne, ka lebaka la gore o itse sentle kwa re ka nnang ra thibelela gone mo nageng, o nne matlho a rona. 32  Mme go tla diragala gore fa o ka tla le rona,+ ee, go tla diragala gore molemo o Jehofa a tla o re direlang, le rona re tla go direla molemo oo.” 33  Ka jalo ba gwanta loeto lwa malatsi a le mararo ba tswa mo thabeng ya ga Jehofa,+ mme letlole la kgolagano+ ya ga Jehofa le ne le gwanta kwa pele ga bone loeto lwa malatsi a le mararo go ba batlela lefelo la boikhutso.+ 34  Mme leru la ga Jehofa+ le ne le le kwa godimo ga bone motshegare fa ba gwanta ba tswa mo bothibelelong. 35  Mme ga diragala gore fa Letlole le bolola, Moshe a re: “Nanoga tlhe Jehofa, mme a baba ba gago ba gasamisiwe;+ a ba ba go tlhoileng thata ba tshabe fa pele ga gago.”+ 36  Mme fa le ikhutsa, o ne a re: “A ko o boele mo dimiriateng tsa dikete tsa Iseraele,+ tlhe Jehofa.”

Dintlha Tse di Kwa Tlase