Dipalo 1:1-54

1  Mme Jehofa a bua le Moshe mo nageng ya Sinai,+ mo mogopeng wa bokopanelo,+ mo letsatsing la ntlha la kgwedi ya bobedi mo ngwageng wa bobedi wa go tswa ga bone kwa lefatsheng la Egepeto,+ a re:  “Tsayang palo+ ya phuthego yotlhe ya bomorwa Iseraele kafa malapeng a bone, kafa ntlong ya borraabone, ka palo ya maina, banna botlhe, tlhogo nngwe le nngwe ya bone,  go simolola ka ba ba nang le dingwaga di le masome a mabedi go ya kwa godimo,+ mongwe le mongwe yo o yang bosoleng mo Iseraele.+ Lo ba kwadise kafa mephatong ya bone ya sesole, wena le Arone.  “Mme banna bangwe ba tshwanetse ba bo ba na le lona, lotso longwe le longwe monna a le mongwe; mongwe le mongwe wa bone ke tlhogo ya ntlo ya borraagwe.+  Mme ano ke maina a banna ba ba tla emang le lona: Ba ga Rubene,+ Elisure+ morwa Shedeure;  ba ga Simeone,+ Shelumiele+ morwa Surishadai;  ba ga Juda,+ Nashone+ morwa Aminadabe;  ba ga Isakare,+ Nethanele+ morwa Suare;  ba ga Sebulone,+ Eliabe+ morwa Helone; 10  ba bomorwa Josefa:+ ba ga Eferaime,+ Elishama morwa Amihude; ba ga Manase,+ Gamaliele morwa Pedasure; 11  ba ga Benjamine,+ Abidane+ morwa Gideoni; 12  ba ga Dana,+ Ahiesere+ morwa Amishadai; 13  ba ga Ashera,+ Pagiele+ morwa Okerane; 14  ba ga Gada,+ Eliasafe+ morwa Duele;+ 15  ba ga Nafetali,+ Ahira+ morwa Enane. 16  Bano ke ba ba biditsweng ba phuthego, dikgosana+ tsa ditso tsa borraabone. Ke ditlhogo tsa dikete tsa Iseraele.”+ 17  Ka jalo Moshe le Arone ba tsaya banna bano ba ba neng ba tlhaotswe ka maina. 18  Mme ba phutha phuthego yotlhe mo letsatsing la ntlha la kgwedi ya bobedi, gore lotso lwa bone lo tlhomamisiwe+ ka ga malapa a bone mo ntlong ya borraabone, ka palo ya maina, go simolola ka ba ba nang le dingwaga di le masome a mabedi go ya kwa godimo,+ tlhogo nngwe le nngwe ya bone, 19  fela jaaka Jehofa a ne a laotse Moshe; mme a ba kwadisa+ mo nageng ya Sinai. 20  Mme bomorwa Rubene, leitibolo+ la ga Iseraele, matsalo a bone kafa malapeng a bone mo ntlong ya borraabone, a nna kafa palong ya maina, tlhogo nngwe le nngwe ya bone, banna botlhe go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 21  ba ba kwadisitsweng ba bone ba lotso lwa ga Rubene, dikete di le masome a manè le borataro le makgolo a le matlhano.+ 22  Ba bomorwa Simeone,+ matsalo a bone kafa malapeng a bone mo ntlong ya borraabone, ba gagwe ba ba kwadisitsweng ka palo ya maina, tlhogo nngwe le nngwe ya bone, banna botlhe go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 23  ba ba kwadisitsweng ba bone ba lotso lwa ga Simeone ba ne ba le dikete di le masome a matlhano le borobongwe le makgolo a le mararo.+ 24  Ba bomorwa Gada,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 25  ba ba kwadisitsweng ba bone ba lotso lwa ga Gada+ ba ne ba le dikete di le masome a manè le botlhano makgolo a le marataro le masome a matlhano.+ 26  Ba bomorwa Juda,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 27  ba ba kwadisitsweng ba bone ba lotso lwa Juda ba ne ba le dikete di le masome a supa le bonè le makgolo a le marataro.+ 28  Ba bomorwa Isakare,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 29  ba ba kwadisitsweng ba bone ba lotso lwa ga Isakare ba ne ba le dikete di le masome a matlhano le bonè le makgolo a le manè.+ 30  Ba bomorwa Sebulone,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 31  ba ba kwadisitsweng ba bone ba lotso lwa ga Sebulone ba ne ba le dikete di le masome a matlhano le bosupa le makgolo a le manè.+ 32  Ba bomorwa Josefa: ba bomorwa Eferaime,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 33  ba ba kwadisitsweng ba bone ba lotso lwa ga Eferaime+ ba ne ba le dikete di le masome a manè le makgolo a le matlhano.+ 34  Ba bomorwa Manase,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 35  ba ba kwadisitsweng ba bone ba lotso lwa ga Manase ba ne ba le dikete di le masome a mararo le bobedi le makgolo a mabedi.+ 36  Ba bomorwa Benjamine,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 37  ba ba kwadisitsweng ba bone ba lotso lwa ga Benjamine ba ne ba le dikete di le masome a mararo le botlhano le makgolo a le manè.+ 38  Ba bomorwa Dana,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 39  ba ba kwadisitsweng ba bone ba lotso lwa ga Dana ba ne ba le dikete di le masome a marataro le bobedi le makgolo a le supa.+ 40  Ba bomorwa Ashera,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 41  ba ba kwadisitsweng ba bone ba lotso lwa ga Ashera ba ne ba le dikete di le masome a manè le bongwe le makgolo a le matlhano.+ 42  Ba bomorwa Nafetali,+ matsalo a bone kafa malapeng a bone mo ntlong ya borraabone ka palo ya maina go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng, 43  ba ba kwadisitsweng ba bone ba lotso lwa ga Nafetali ba ne ba le dikete di le masome a matlhano le boraro le makgolo a le manè.+ 44  Bano ke ba ba kwadisitsweng, ba Moshe a neng a ba kwadisa, mmogo le Arone le dikgosana tsa Iseraele, banna ba le lesome le bobedi. Mongwe le mongwe wa bone o ne a emela ntlo ya borraagwe. 45  Mme botlhe ba ba kwadisitsweng ba bomorwa Iseraele kafa ntlong ya borraabone go simolola ka ba ba nang le dingwaga di le masome a mabedi go ya kwa godimo, mongwe le mongwe yo o yang bosoleng mo Iseraele, ba ne ba nna, 46  ee, botlhe ba ba kwadisitsweng ba ne ba nna dikete di le makgolo a le marataro le boraro le makgolo a le matlhano le masome a matlhano.+ 47  Le fa go ntse jalo, Balefi+ kafa lotsong lwa borraabone ba ne ba se ka ba kwadisiwa mo gare ga bone.+ 48  Ka jalo Jehofa a bua le Moshe a re: 49  “Lotso lo o se kitlang o lo kwadisa ke lwa ga Lefi fela, le palo ya bone o se ka wa e tsenya mo go bomorwa Iseraele.+ 50  Mme o tlhome Balefi gore ba okamele motlaagana wa Tshupo+ le dilwana tsotlhe tsa one le sengwe le sengwe sa one.+ Bone ka bobone ba tla sikara motlaagana le dilwana tsotlhe tsa one,+ mme ba tla direla+ mo go one; mme ba thibelele go dikologa motlaagana.+ 51  Le fa e le leng fela fa motlaagana o bolola, Balefi ba o rutlolole; mme fa motlaagana o thibelela, Balefi ba o tlhome;+ mme motswakwa ope fela yo o atamelang a bolawe.+ 52  “Mongwe le mongwe wa bomorwa Iseraele a thibelele kafa bothibelelong jwa gagwe, le motho mongwe le mongwe fa lekgamung+ la gagwe la ditso tse tharo ka masomo a bone. 53  Mme Balefi ba thibelele go dikologa motlaagana wa Tshupo, gore kgalefo+ epe e se ka ya tsogela phuthego ya bomorwa Iseraele; mme Balefi ba dire tirelo e e tshwanelang motlaagana wa Tshupo.”+ 54  Bomorwa Iseraele ba dira kafa go sotlhe se Jehofa a neng a se laetse Moshe. Ba dira fela jalo.+

Dintlha Tse di Kwa Tlase