Dikhutsafalo 5:1-22

5  Gakologelwa se se re diragaletseng,+ tlhe Jehofa. A ko o lebe mme o bone kgobo ya rona.+   Se re se ruileng boswa se neetswe batswakwa, matlo a rona a neetswe batswakwa.+   Re fetogile masiela a a se nang rre.+ Bommaarona ba tshwana le batlholagadi.+   Re ne ra tshwanelwa ke go nwa metsi a rona+ ka go a ntshetsa madi. Dikgong tsa rona re di bona ka tlhwatlhwa.   Re lateletswe go tla go fitlha fa molaleng+ wa rona. Re lapile. Ga re a salelwa ke boikhutso bope.+   Re otlololetse Egepeto+ seatla;+ le Asiria,+ gore re tle re kgotsofadiwe ke senkgwe.   Borraronamogologolwane ke bone ba ba leofileng.+ Ga ba tlhole ba le teng. Fa e le rona, re ile ra tshwanela go sikara ditlolo+ tsa bone.   Re busitswe ke ba e leng batlhanka+ fela. Ga go na ope yo o re kgopholang mo seatleng sa bone.+   Re tlisa senkgwe+ sa rona re beile moya wa rona mo kotsing, ka ntlha ya tšhaka ya kwa nageng. 10  Letlalo la rona le gotetse fela jaaka leubelo, ka ntlha ya ditlhabi tsa tlala.+ 11  Ba kokobeditse basadi+ mo Siona, makgarebane mo metseng ya Juda. 12  Dikgosana di kaleditswe fela ka seatla sa bone.+ Le e leng difatlhego tsa bannabagolo ga di a tlotlwa.+ 13  Le eleng makau a tsholeditse lelwala,+ le ba e leng basimane fela ba kgopilwe+ kafa tlase ga dikgong. 14  Bannabagolo ba kgaoditse fa kgorong,+ makau mo mminong wa bone wa diletswa.+ 15  Go itumela ga pelo ya rona go kgaoditse. Go bina ga rona go fetotswe go nna khutsafalo fela.+ 16  Serwalo sa tlhogo ya rona se ole.+ Jaanong a bo go latlhega rona, ka gonne re leofile!+ 17  Ka ntlha ya seno pelo ya rona e a lwala.+ Ka ntlha ya dilo tseno matlho a rona a ntse letobo,+ 18  Ka ntlha ya thaba ya Siona e e kgakgabetseng;+ bophokoje ba tsamaile mo go yone.+ 19  Fa e le wena, Jehofa, o tla nna ka bosakhutleng.+ Setulo sa gago sa bogosi ke sa kokomana morago ga kokomana.+ 20  Ke ka ntlha yang fa o re lebala+ ka bosaengkae, o re tlogela malatsi a maleele+ jaana? 21  Re busetse+ kwa go wena, tlhe Jehofa, mme re tla boa kwantle ga go okaoka. Re tlisetse malatsi a masha jaaka mo bogologolong.+ 22  Le fa go ntse jalo, ruri o re ganne.+ O ntse o re galefetse fela thata.+

Dintlha Tse di Kwa Tlase