Dikhutsafalo 4:1-22

א [ʼAʹleph] 4  A bo gouta e e phatsimang e nna letobo jang ne, gouta e e molemo!+A bo maje a a boitshepo+ a tshololwa kwa tlhogong ya mebila+ yotlhe jang ne! ב [Behth]   Fa e le bomorwa Siona+ ba ba tlhwatlhwakgolo, ba ba neng ba lekanngwa bokete ba bapisiwa le gouta e e itshekileng,A bo ba ile ba lejwa jaaka dinkgo tse dikgolo tsa letsopa jang ne, tiro ya diatla tsa mmopi wa letsopa!+ ג [Giʹmel]   Le bophokoje ba ntshitse thele. Ba amusitse bana ba bone.Morwadia batho ba me o nna setlhogo,+ jaaka bontšhe kwa nageng.+ ד [Daʹleth]   Loleme lwa losea lo lo anyang lo ngaparetse magalapa a lone ka ntlha ya lenyora.+Bana ba kopile senkgwe.+ Ga go na ope yo o se ba abelang.+ ה [Heʼ]   Bone ba ba neng ba ja dilo tse di monate ba akabetse thata mo mebileng.+Bone ba ba neng ba godisediwa mo bohibidung jo bo letlhololo+ ba ne ba tshwanela go tlamparela dithotobolo tsa melora.+ ו [Waw]   Kotlhao ya tlolo ya morwadia batho ba me le yone e nna kgolo go feta kotlhao ya boleo jwa Sodoma,+E e neng ya ribegediwa jaaka e kete ka ponyo ya leitlho, le e go se nang diatla dipe tse di neng tsa retologela kwa go yone ka thuso.+ ז [Zaʹyin]   Banasirite+ ba gagwe ba ne ba itshekile go feta kapoko;+ ba ne ba le basweu go feta mashi.Tota ba ne ba le bahibidu+ go feta dikorale; phatsimo ya bone e ne e tshwana le safire.+ ח [Chehth]   Ponalo ya bone e fetogile lefifi go feta bontsho. Ga ba a lemogiwa mo mebileng.+Letlalo la bone le swabetse mo marapong a bone.+ Le omile fela jaaka setlhare. ט [Tehth]   Ba ba bolailweng setlhogo ka tšhaka+ ba itshupile ba le botoka go na le ba ba bolailweng ke leuba,+Ka gonne bano ba a topetega, ba tlhabilwe ka ntlha ya go tlhoka maungo a tshimo e e bulegileng. י [Yohdh] 10  Diatla tsa basadi ba ba pelotlhomogi di bedisitse bana ba bone.+Ba fetogile go nna jaaka senkgwe sa kgomotso mo mothong mo nakong ya tshenyego ya morwadia batho ba me.+ כ [Kaph] 11  Jehofa o diragaditse tšararego+ ya gagwe. O tsholotse bogale jwa gagwe jo bo tukang.+Mme o tshuba molelo mo Siona, o o lailang metheo ya gagwe.+ ל [Laʹmedh] 12  Dikgosi tsa lefatshe le banni botlhe ba naga e e ungwang ba ne ba sa dumela+Gore moganetsi le mmaba ba ne ba tla tsena ka dikgoro tsa Jerusalema.+ מ [Mem] 13  Ka ntlha ya maleo a baporofeti ba gagwe, ditlolo tsa baperesiti ba gagwe,+Mo gare ga gagwe go ne go na le ba ba tshololang madi a ba ba siameng.+ נ [Nun] 14  Ba kgarakgatshegile jaaka difofu+ mo mebileng.+ Ba kgotletswe ke madi,+Mo eleng gore ga go na bape ba ba kgonang go ama diaparo tsa bone.+ ס [Saʹmekh] 15  “Tswang mo tseleng! Boitshekologo!”+ ba ba tlhaeleditse jalo. “Tswang mo tseleng! Tswang mo tseleng! Lo se ka lwa ama!”+Gonne ga ba na legae.+ Gape ba kgarakgatshegile.+ Batho ba buile jaana mo ditšhabeng: “Ga ba na go aga gape e le baeng.+ פ [Peʼ] 16  Sefatlhego sa ga Jehofa se ba kgaogantse.+ Ga a na go ba leba gape.+Batho ga ba na go supa kakanyetso epe le eleng mo baperesiting.+ Ruri ga ba na go utlwela le eleng bannabagolo botlhoko.”+ ע [ʽAʹyin] 17  Fa re sa ntse re le teng, matlho a rona a nna a tlhologelelwa lefela go re thusa.+Fa re ntse re lebaleba, re ile ra leba kwa setšhabeng se se ka se tliseng poloko epe.+ צ [Tsa·dhehʹ] 18  Ba tsomile dikgato tsa rona+ mo e leng gore ga go tsamaiwe mo dipatlelong tsa rona.Bokhutlo jwa rona bo atametse. Metlha ya rona e wetse, gonne bokhutlo jwa rona bo gorogile.+ ק [Qohph] 19  Ba ba re latelelang ba itshupile ba le bofefo go gaisa bontsu ba magodimo.+Ba re lateletse ka bogale mo dithabeng.+ Ba re laletse+ mo nageng. ר [Rehsh] 20  Mohemo wa maroba a rona a dinko,+ motlodiwa wa ga Jehofa,+ o thopilwe mo kgatamping ya bone e kgolo,+Yo re buileng ka ene ra re: “Re tla tshela mo moriting+ wa gagwe mo gare ga ditšhaba.”+ ש [Sin] 21  Itumele o bo o ipele,+ wena morwadia Edoma,+ jaaka o nna mo lefatsheng la Use.+Senwelo se tla fetela le kwa go wena.+ O tla tagwa mme o itshupe o sa ikatega.+ ת [Taw] 22  Tlolo ya gago, wena morwadia Siona, e tlile mo bokhutlong jwa yone.+ Ga a na go go isa botshwarwa gape.+O lebisitse tlhokomelo ya gagwe mo tlolong ya gago, wena morwadia Edoma. O bipolotse maleo a gago.+

Dintlha Tse di Kwa Tlase