Dikhutsafalo 2:1-22

א [ʼAʹleph] 2  A bo Jehofa a khurumetsa morwadia Siona ka leru jang ne+ mo bogaleng jwa gagwe!O latlhetse bontle jwa Iseraele+ mo lefatsheng+ go tswa kwa legodimong.Mme ga a gakologelwa sebeo sa gagwe sa dinao+ mo letsatsing la bogale jwa gagwe. ב [Behth]   Jehofa o komeditse, ga a supa bopelotlhomogi bope mo mafelong ape a bonno+ a ga Jakobe.Mo tšhakgalong ya gagwe o rutlolotse mafelo a a sireletsegileng+ a ga morwadia Juda.O a kgomisitse lefatshe,+ o tlontlolotse bogosi+ le dikgosana tsa gagwe.+ ג [Giʹmel]   Mo mogoteng wa bogale o kgaotse lonaka longwe le longwe lwa Iseraele.+O busitse seatla sa gagwe sa moja go tswa fa pele ga mmaba;+Mme mo go Jakobe o nna a tuka jaaka molelo o o tutumang o o laitseng gotlhe fela.+ ד [Daʹleth]   O gatile bora jwa gagwe jaaka mmaba.+ Seatla sa gagwe sa moja+ se eme mo maemong a soneJaaka mmaba,+ gape o ne a nna a bolaya botlhe ba ba eletsegang mo matlhong.+O tshololetse tšararego ya gagwe mo mogopeng+ wa ga morwadia Siona, fela jaaka molelo.+ ה [Heʼ]   Jehofa fetogile o ntse jaaka mmaba.+ O komeditse Iseraele.+O komeditse ditora tsa gagwe tsotlhe tsa bonno;+ o sentse mafelo a gagwe a a sireletsegileng.+Mme o dira gore go hutsafala le selelo sa khutsafalo se tote+ mo go morwadia Juda. ו [Waw]   Mme o tshwara loobo+ lwa gagwe setlhogo jaaka lo lo mo tshingwaneng.+ O sentse moletlo wa gagwe.Jehofa o dirile gore mo Siona go lebalwe moletlo+ le sabata,Mme mo katlholong ya gagwe e e bogale ga a bontshe tlotlo mo kgosing le mo moperesiting.+ ז [Zaʹyin]   Jehofa o latlhile sebeso sa gagwe.+ O ganne lefelo la gagwe le le boitshepo.+O tsentse dipota tsa ditora tsa gagwe tsa bonno+ mo seatleng sa mmaba.Ba ntshitse lentswe la bone mo ntlong ya ga Jehofa, jaaka mo letsatsing la moletlo.+ ח [Chehth]   Jehofa o akantse go senya lobota+ lwa ga morwadia Siona.O otlolotse thapo e e lekanyang.+ Ga a busa seatla sa gagwe gore se se ka sa kometsa.+Mme o dira gore lorako lwa phemelo le lobota di hutsafale.+ Di nyeletse mmogo. ט [Tehth]   Dikgoro tsa gagwe+ di nweletse kwa tlase mo lefatsheng. O sentse a bo a thubaganya mephakalego ya gagwe.Kgosi ya gagwe le dikgosana tsa gagwe di mo ditšhabeng.+ Ga go na molao.+Baporofeti ba gagwe le bone ga ba a bona ponatshegelo epe e e tswang kwa go Jehofa.+ י [Yohdh] 10  Banna ba bagolwane ba ga morwadia Siona ba nna fa fatshe mo mmung, fa ba didimalang gone.+Ba itshetse lorole mo tlhogong ya bone.+ Ba ikgatlhile ka letsela la kgetsi.+Makgarebane a Jerusalema a inamiseditse ditlhogo fa fatshe.+ כ [Kaph] 11  Matlho a me a khutlile ka dikeledi fela.+ Mala a me a a fuduega.+Sebete sa me se tshololetswe fa fatshe,+ ka ntlha ya go thubagana ga morwadia batho ba me,+Ka ntlha ya go koafala ga ngwana le losea lo lo anyang mo dipatlelong tsa motse.+ ל [Laʹmedh] 12  Ba ne ba nna ba raya bommaabone ba re: “Mabele le beine di kae?”+Ka ntlha ya go koafala ga bone jaaka mongwe yo o bolailweng setlhogo mo dipatlelong tsa motse,Ka ntlha ya go bo moya wa bone o tshololelwa mo dihubeng tsa bommaabone. מ [Mem] 13  Ke tla go dirisa jaaka mosupi wa eng? Ke tla go tshwantshanya le eng, wena morwadia Jerusalema?+Ke tla go lekanya le eng, gore ke tle ke go gomotse, wena morwadia Siona wa kgarebane?+Gonne tshenyego+ ya gago e kgolo fela jaaka lewatle. Ke mang yo o ka go tlisetsang phodiso?+ נ [Nun] 14  Baporofeti ba gago ba go bonetse mo ponatshegelong dilo tse di se nang mosola le tse di sa kgotsofatseng,+Mme ga ba a bipolola tlolo ya gago gore ba khutlise botshwarwa jwa gago,+Mme ba ne ba nna ba go bonela mo ponatshegelong dipolelo tse di se nang mosola le tse di timetsang.+ ס [Saʹmekh] 15  Botlhe ba ba fetang mo tseleng ba go opetse diatla.+Ba leditse molodi+ mme ba nna ba thukuthela morwadia Jerusalema tlhogo,+ ba re:“A ono ke motse o ba neng ba na le go bua ka one ba re, ‘Ke go itekanedisiwa ga bontle, go itumela ga lefatshe lotlhe’?”+ פ [Pe] 16  Baba botlhe ba gago ba go buletse molomo.+Ba leditse molodi mme ba nna ba huranya meno.+ Ba rile: “Re tla mo kometsa.+Ruri leno ke letsatsi le re ntseng re le solofetse.+ Re fitlhetse! Re bone!”+ ע [ʽAʹyin] 17  Jehofa o dirile se se neng se le mo mogopolong wa gagwe.+ O diragaditse lefoko la gagwe,+Se a neng a se laetse go tloga metlheng ya bogologolo.+ O rutlolotse mme ga a bontsha bopelotlhomogi bope.+Mme o dira gore mmaba a go ipelele.+ O dirile gore lonaka lwa baba ba gago lo nne kwa godimo.+ צ [Tsa·dheh] 18  Pelo ya bone e goetse kwa go Jehofa,+ wena lobota lwa ga morwadia Siona.+Dira gore dikeledi di fologe fela jaaka molatswana o o phothoselang motshegare le bosigo.+Se ikgwaralatse. A thaka ya leitlho la gago e se ka ya didimala. ק [Qohph] 19  Ema! Kua mo bosigong kwa tshimologong ya ditebelo tsa moso.+Tshela pelo ya gago+ fa pele ga sefatlhego+ sa ga Jehofa fela jaaka metsi.Tsholeletsa magofi+ a gago kwa go ene ka ntlha ya moya wa bana ba gago,Ba ba koafalang ka ntlha ya leuba kwa tlhogong ya mebila yotlhe.+ ר [Rehsh] 20  Bona, tlhe Jehofa, mme o lebe+ yo o mo diretseng ka bosetlhogo ka mokgwa ono.A basadi ba tshwanetse go nna ba ja maungo a bone, bana ba ba belegweng ba bopegile sentle,+Kgotsa a moperesiti le moporofeti ba tshwanetse go bolaelwa mo lefelong le le boitshepo+ la ga Jehofa? ש [Shin] 21  Mosimane le monnamogolo+ ba rapame mo mmung wa mebila.+Makgarebane a me le makau a me a ole ka tšhaka.+O bolaile mo motlheng wa bogale jwa gago.+ O bolaile;+ ga o a ka wa nna le bopelotlhomogi bope.+ ת [Taw] 22  Jaaka mo letsatsing la moletlo+ o ne wa tlhaeletsa mafelo a me a boagi jwa boeng gotlhe fela.Mme mo letsatsing la tšhakgalo ya ga Jehofa go ne go se na mofalodi kgotsa yo o salang;+Ba ke ba belegeng ba bopegile sentle ka ba ka ba godisa, mmaba wa me o ba fedisitse.+

Dintlha Tse di Kwa Tlase