Diane 31:1-31

31  Mafoko a ga kgosi Lemuele, molaetsa o o botlhokwa thata+ o mmaagwe a o mo neileng a mo gakolola:+  Ka reng wena morwaaka, wena morwa wa sebopelo sa me,+ wena morwa wa maikano a me?+  O se ka wa naya basadi maatla a gago a botlhaga,+ le fa e le ditsela tsa gago se se gogelang kwa go nyeletseng dikgosi.+  Ga se ga dikgosi, wena Lemuele, ga se ga dikgosi go nwa beine kgotsa ga badiredi ba ba kwa godimo go re: “Bojalwa jo bo tagang bo kae?”+  gore motho a se ka a nwa mme a lebala se se laoletsweng a bo a sokamisa maikaelelo a ope wa bomorwa pogisego.+  Nayang yo o tlogang a nyelela+ bojalwa jo bo tagang, le ba ba moya o bogalaka beine.+  A motho a nwe mme a lebale lehuma la gagwe, mme a motho a se ka a tlhola a gakologelwa matshwenyego a gagwe.  Bulela yo o sa kgoneng go bua molomo wa gago,+ mo kgannyeng ya botlhe ba ba fetang.+  Bula molomo wa gago, o atlhole ka tshiamo mme o seke kgang ya yo o bogisiwang le mohumanegi.+ א [ʼAʹleph] 10  Ke mang yo o ka bonang mosadi yo o nang le bokgoni?+ Tlhwatlhwa ya gagwe e feta ya dikorale kgakala. ב [Behth] 11  Pelo ya mong wa gagwe e mo ikantse, mme ga go tlhaele poelo epe.+ ג [Giʹmel] 12  O mo duetse ka molemo, mme e seng bosula, malatsi otlhe a botshelo jwa gagwe.+ ד [Daʹleth] 13  O senkile boboa le leloba, mme o dira sengwe le sengwe se diatla tsa gagwe di se kgatlhegelang.+ ה [Heʼ] 14  O itshupile a tshwana le dikepe tsa mogwebi.+ O tsaya dijo tsa gagwe kgakala. ו [Waw] 15  Gape o tsoga go sa le bosigo,+ a bo a naya ba ntlo ya gagwe dijo le barweetsana ba gagwe tiro e ba e abetsweng.+ ז [Zaʹyin] 16  O akanyeditse tshimo mme a feleletsa a e bone;+ o jadile tshimo ya mofine ka maungo a diatla tsa gagwe.+ ח [Chehth] 17  O gatlhile dinōka tsa gagwe ka nonofo, mme o nonotsha mabogo a gagwe.+ ט [Tehth] 18  O lemogile gore kgwebo ya gagwe e molemo; lobone lwa gagwe ga lo time bosigo.+ י [Yohdh] 19  O otlololetse diatla tsa gagwe kwa toloking ya go otlha, mme diatla tsa gagwe di tshwara thobane ya selogi.+ כ [Kaph] 20  O otlololetse yo o bogisiwang legofi la gagwe, mme diatla tsa gagwe o di otlololetse yo o humanegileng.+ ל [Laʹmedh] 21  Ga a boifele ba ntlo ya gagwe ka ntlha ya kapoko, gonne ba ntlo ya gagwe botlhe ba apere diaparo tse di tlhatlagantsweng sebedi.+ מ [Mem] 22  O itiretse matsela a a apesang.+ Diaparo tsa gagwe ke tsa leloba le boboa jo bo fetoletsweng mo mmaleng o o bobududu jo bo mokgona jo bohibitswana.+ נ [Nun] 23  Mong wa gagwe+ ke motho yo o itsegeng mo dikgorong,+ fa a ntse fa fatshe le banna ba bagolwane ba lefatshe. ס [Saʹmekh] 24  O dirile le diaparo tsa kafa teng+ mme a di rekisa, o neile banna ba bagwebi meitlamo. ע [ʽAʹyin] 25  Nonofo le bontlentle ke diaparo tsa gagwe,+ mme o tshega isagwe.+ פ [Peʼ] 26  O butse molomo wa gagwe ka botlhale,+ mme molao wa bopelonomi jwa lorato o mo lolemeng lwa gagwe.+ צ [Tsa·dhehʹ] 27  O tlhokometse tse di diragalang mo ntlong ya gagwe, mme ga a je senkgwe sa botshwakga.+ ק [Qohph] 28  Bomorwawe ba nanogile ba mmolela a itumetse;+ mong wa gagwe o a nanoga, mme o a mmaka.+ ר [Rehsh] 29  Go na le barwadi ba bantsi+ ba ba bontshitseng bokgoni, mme wena—o kwa godimo ga bone botlhe.+ ש [Shin] 30  Bontle jo bo gogelang bo ka tsietsa,+ le bontle e ka nna lefela;+ mme mosadi yo o boifang Jehofa ke ene yo o ikamogelelang pako.+ ת [Taw] 31  Mo neyeng maungo a diatla tsa gagwe,+ mme a ditiro tsa gagwe di mmake le kwa dikgorong.+

Dintlha Tse di Kwa Tlase