Baroma 9:1-33

9  Ke bua boammaaruri+ mo go Keresete; ga ke ake,+ e re ka segakolodi sa me se naya bosupi kaga me mo moyeng o o boitshepo,  gore ke na le khutsafalo e kgolo le botlhoko jo bo sa kgaotseng mo pelong ya me.+  Gonne ke ne ke ka eletsa gore nna ka bonna ke bo ke lomolotswe mo go Keresete jaaka yo o hutsitsweng mo boemong jwa bomorwarre,+ e bong ba losika lwa me kafa nameng,+  bao ka bobone, e leng Baiseraele,+ ba go tsholwa jaaka bana+ e leng ga bone le kgalalelo+ le dikgolagano+ le go naya Molao+ le tirelo e e boitshepo+ le ditsholofetso;+  ba borraaronamogologolwane+ e leng ba bone le ba Keresete a duleng mo go bone kafa nameng:+ Modimo,+ yo o leng godimo ga botlhe, a bakwe ka bosaengkae. Amen.  Le fa go ntse jalo, ga go jaaka e kete lefoko la Modimo le ne le paletswe.+ Gonne ga se botlhe ba ba tswang mo Iseraele ba tota e leng “Iseraele.”+  Le gone ga se gore botlhe ke bana+ ka gonne e le losika lwa ga Aborahame, mme: “Se se tla bidiwang ‘losika lwa gago’ se tla nna ka Isake.”+  Ke gore, bana ba ba mo nameng+ tota ga se bana ba Modimo,+ mme bana ba tsholofetso+ ba kaiwa e le losika.  Gonne lefoko la tsholofetso le ne le ntse jaana: “Ka nako eno ke tla tla mme Sara o tla nna le ngwana wa mosimane.”+ 10  Le fa go ntse jalo e seng kgang eo e le yosi, mme gape fa Rebeka a ne a ithwala mawelana+ ka monna a le mongwe, e bong Isake rraaronamogologolwane: 11  gonne e rile ba ise ba tsalwe le fa e le go dira sepe se se molemo kgotsa se se bosula+, gore boikaelelo jwa Modimo mabapi le go tlhopha bo tswelele bo ikaegile ka Ene yo o bitsang,+ e seng ka ditiro, 12  o ne a tewa go twe: “Yo mogolwane o tla nna motlhanka wa yo mmotlana.”+ 13  Fela jaaka go kwadilwe go twe: “Ke ne ka rata Jakobe, mme Esau ene ke ne ka mo tlhoa.”+ 14  Jaanong re tla reng? A go na le botlhokatshiamiso mo Modimong?+ Le ka motlha e kete go ka se ka ga nna jalo! 15  Gonne o raya Moshe a re: “Ke tla utlwela botlhoko le fa e le mang fela yo ruri ke mo utlwelang botlhoko, gape ke tla bontsha bopelotlhomogi le fa e le mang fela yo ruri ke leng pelotlhomogi mo go ene.”+ 16  Ka jalo, go ikaegile, e seng ka yo o eletsang kgotsa ka yo o sianang, mme ka Modimo+ yo o kutlwelobotlhoko.+ 17  Gonne Lokwalo lo raya Faro lo re: “Ke go lesitse gore o nne o ntse o le gone ka lebaka leno, gore ke bontshe maatla a me ka wena, le gore leina la me le tle le bolelwe mo lefatsheng lotlhe.”+ 18  Ka jalo, o utlwela botlhoko+ yo a batlang go mo utlwela botlhoko, mme yo a batlang a nna thamoethata+ o mo lesa a nna jalo. 19  Jalo o tla nthaya o re: “Ke ka ntlha yang fa a sa ntse a latofatsa? Gonne ke mang yo o emelaneng le thato ya gagwe e e boletsweng ka phepafalo?”+ 20  Motho ke wena,+ tota o mang go bo o araba Modimo?+ A selo se se bopilweng se ka raya yo o se bopileng sa re, “Ke ka ntlha yang o ne o ntira ka tsela eno?”+ 21  Ga tweng? A mmopi wa letsopa+ ga a na taolo mo letsopeng ya go dira ka loribi lo le longwe fela sejana se le sengwe sa tiriso e e tlotlegang, se sengwe sa tiriso e e sa tlotlegeng?+ 22  Jaanong, fa Modimo, le mororo a na le thato ya go bontsha tšhakgalo ya gagwe le go itsise maatla a gagwe, a ne a leseletsa dijana tsa tšhakgalo tse di dirilweng gore di tshwanele tshenyego+ ka go nna pelotelele thata, 23  gore a itsise dikhumo+ tsa kgalalelo ya gagwe mo dijaneng+ tsa kutlwelobotlhoko, tse a neng a di baakanya go sa le pele a di baakanyetsa kgalalelo,+ 24  e bong, rona, ba a neng a ba bitsa, e seng fela mo Bajudeng mme gape mo ditšhabeng,+ molato wa gone ke eng? 25  Go ntse jaaka a bolela gape mo go Hosea a re: “Ba e seng batho ba me+ ke tla ba bitsa ‘batho ba me,’ mme yo o neng a se moratwa ke tla mmitsa ‘moratwa’;+ 26  mme mo lefelong le mo go lone ba neng ba tewa go twe, ‘Ga lo batho ba me,’ koo ba tla bidiwa ‘bomorwa Modimo yo o tshelang.’+ 27  Mo godimo ga moo, Isaia o goa jaana kaga Iseraele: “Le mororo palo ya bomorwa Iseraele e ka tswa e tshwana le motlhaba wa lewatle,+ ke masalela a a tla bolokwang.+ 28  Gonne Jehofa o tla dira gore go ikarabelwe mo lefatsheng, a go fetsa a ba a go khutshwafatsa.”+ 29  Gape, fela jaaka Isaia a ne a bua go sa le pele a re: “Fa Jehofa wa masomosomo+ a ne a sa re tlogelela losika, re ka bo re ntse fela jaaka Sodoma, e bile re ka bo re dirilwe fela jaaka Gomora.”+ 30  Jaanong re tla reng? Gore batho ba ditšhaba, le mororo ba sa latelele tshiamo, ba ne ba fitlhelela tshiamo,+ tshiamo e e nnang gone ka ntlha ya tumelo;+ 31  mme Iseraele ene, le mororo a latelela molao wa tshiamo, o ne a se ka a fitlhelela molao.+ 32  Ka lebaka lefe? Ka gonne o ne a o latelela, e seng ka tumelo, fa e se jaaka e kete ka ditiro.+ Ba ne ba kgotšwa ke “leje le le kgopang”;+ 33  jaaka go kwadilwe go twe: “Bona! Ke tlhoma mo Siona leje+ le le kgopang le lefika la kgopiso,+ mme yo o dumelang mo go lone ga a na go swaba.”+

Dintlha Tse di Kwa Tlase