Bagalatia 6:1-18

6  Bakaulengwe, le eleng fa motho mongwe a tsaya kgato nngwe e e phoso+ pele ga a e lemoga, lona ba lo nang le ditshwanelego tsa semoya,+ lekang go lolamisa motho yo o ntseng jalo ka moya o o bonolo,+ mongwe le mongwe wa lona a ntse a ipeile leitlho,+ e se re kgotsa le lona lwa raelwa.+  Tswelelang lo rwalelana mekgweleo,+ mme ka gone lo diragatse molao wa ga Keresete.+  Gonne fa mongwe a akanya gore o sengwe fa a se sepe,+ o tsietsa mogopolo wa gagwe.  Mme a mongwe le mongwe a bontshe se tiro ya gagwe e leng sone,+ mme ke gone a tla nnang le lebaka la go itumela ka ga gagwe ka esi, mme e seng a ipapisa+ le motho yo mongwe.  Gonne mongwe le mongwe o tla rwala morwalo wa gagwe.+  Mo godimo ga moo, a motho yo o rutwang lefoko ka molomo+ a tlhakanele mo dilong tsotlhe tse di molemo+ le ene yo o nayang thuto+ eo ya molomo.  Lo se ka lwa tsietsega:+ Modimo ga se yo o ka sotliwang.+ Gonne le fa e le eng se motho a se jalang, o tla roba sone seno gape;+  ka gonne yo o jalelang nama ya gagwe o tla roba go bola mo nameng ya gagwe,+ mme yo o jalelang moya+ o tla roba botshelo jo bo sa khutleng mo moyeng.+  Jalo a re se leseng go dira se se molemo,+ gonne re tla roba mo pakeng e e leng yone fa re sa lape.+ 10  Ruri he, fa fela re sa ntse re na le nako e e go dumelelang,+ a re direng se se molemo mo go botlhe, mme segolobogolo mo go ba ba amanang le rona mo tumelong.+ 11  Bonang gore ke lo kwaletse ka ditlhaka tse dikgolo jang ka seatla sa me.+ 12  Botlhe ba ba batlang go nna le ponalo e ntle mo nameng ke bone ba ba lekang go lo patelela go rupa,+ e le fela gore ba tle ba se ka ba bogisediwa kota ya tlhokofatso ya ga Keresete,+ e bong Jesu. 13  Gonne tota le eleng bone ba ba rupang ga ba boloke Molao ka bobone,+ mme ba batla gore lo rupe gore ba tle ba nne le lebaka la go ipelafatsa mo nameng ya lona. 14  E kete go ka se direge le ka motlha gore ke ipelafatse, fa e se ka kota ya tlhokofatso+ ya Morena wa rona Jesu Keresete, yo lefatshe le bapotsweng ka ene+ mo go nna le nna mo lefatsheng. 15  Gonne go rupa ga se sepe le fa e le go sa rupang,+ mme popo e ntšha+ ke sengwe. 16  Mme botlhe ba ba tla tsamayang ka thulaganyo ka molao ono wa boitshwaro, a go nne kagiso le kutlwelobotlhoko mo go bone, le eleng mo go Iseraele wa Modimo.+ 17  Go tloga jaanong a go se ka ga nna le yo o ntshwenyang, gonne mo mmeleng wa me ke na le matshwao a pabolo+ a motlhanka wa ga Jesu.+ 18  Bopelonomi jo bo sa re tshwanelang jwa Morena wa rona Jesu Keresete bo nne le moya+ o lo o bontshang bakaulengwe. Amen.

Dintlha Tse di Kwa Tlase