Bagalatia 1:1-24

1  Paulo,+ moaposetoloi,+ yo o sa tsweng mo bathong e bile a sa nna ene ka motho, fa e se ka Jesu Keresete+ le Modimo Rara,+ yo a mo tsositseng mo baswing,+  le bakaulengwe botlhe ba ba nang le nna,+ re kwalela diphuthego tsa Galatia:+  E kete lo ka nna le bopelonomi jo bo sa re tshwanelang le kagiso+ go tswa kwa Modimong Rraarona le Morena Jesu Keresete.  O ne a intshetsa maleo a rona+ gore a tle a re golole mo tsamaisong ya jaanong e e boikepo ya dilo+ go ya ka thato+ ya Modimo wa rona le Rara,  yo go tshwanetseng ga nna le kgalalelo mo go ene ka bosaengkae le go ya go ile.+ Amen.  Ke gakgamalela go bo lo tlosiwa ka bofefo jaana mo go Yo+ o lo biditseng ka bopelonomi jo bo sa re tshwanelang+ jwa ga Keresete lo isiwa kwa mofuteng o mongwe wa dikgang tse di molemo.+  Mme ga se o mongwe; ke fela gore go na le bangwe ba ba lo tshwenyang+ ba bile ba batla go sokamisa dikgang tse di molemo kaga Keresete.+  Le fa go ntse jalo, le eleng fa rona kgotsa moengele mongwe go tswa kwa legodimong a ne a ka lo bolelela sengwe a re ke dikgang tse di molemo kwantle ga se re neng ra se lo bolelela e le dikgang tse di molemo, a a hutsege.+  Jaaka re buile fa godimo, jaanong le nna gape ka re, Le fa e le mang yo o lo bolelelang sengwe kwantle ga se lo neng lwa se amogela+ a re ke dikgang tse di molemo, a a hutsege. 10  Tota e bile, a ke batho ba jaanong ke lekang go ba tlhotlheletsa kgotsa ke Modimo? Kgotsa a ke batla go itumedisa batho?+ Fa e le gore ke ne ke sa ntse ke itumedisa batho,+ ke ka bo ke se motlhanka wa ga Keresete.+ 11  Gonne ke a lo lemotsha, bakaulengwe, gore dikgang tse di molemo tse ke neng ka di bolela e le dikgang tse di molemo ga se selo sa batho;+ 12  gonne ke ne ka se ka ka di amogela mo mothong, le gone ga ke a di rutwa, fa e se ka tshenolo ka Jesu Keresete.+ 13  Ke boammaaruri gore, lona lo utlwaletse ka boitshwaro jwa me jwa pele mo Bojudeng,+ gore ke ne ka nna ka bogisa+ phuthego ya Modimo mo go feteletseng ka ba ka e swafatsa,+ 14  mme ke ne ke dira botswelelopele jo bogolo thata mo Bojudeng go feta ba le bantsi ba balekane ba me mo lotsong+ lwa me, e re ka ke ne ke tlhoafetse+ mo gogolo thata mo dingwaong+ tsa borre. 15  Mme e rile Modimo, yo o ntomolotseng mo sebopelong sa ga mmè a ba a mpitsa+ ka bopelonomi jwa gagwe jo bo sa re tshwanelang,+ a akanya go le molemo 16  go ntshenolela Morwawe,+ gore ke tle ke bolelele ditšhaba+ dikgang tse di molemo ka ga gagwe, ga ke a ka ka akofa ka buisana le nama le madi.+ 17  Le gone ke ne ka se ka ka tlhatlogela kwa Jerusalema kwa go ba e neng e le baaposetoloi pele ga me,+ mme ke ne ka tswa ka tsena mo Arabia, mme ka boela gape kwa Damaseko.+ 18  Go tswa foo, dingwaga di le tharo moragonyana ke ne ka tlhatlogela kwa Jerusalema+ go etela Kefase,+ mme ke ne ka nna le ene malatsi a le lesome le botlhano. 19  Mme ga ke a ka ka bona ope o sele wa baaposetoloi, fa e se Jakobe+ fela morwarraagwe+ Morena. 20  Jaanong ka ga dilo tse ke di lo kwalelang, bonang! mo ponong ya Modimo, ga ke ake.+ 21  Morago ga moo ke ne ka tsena+ mo dikgaolong tsa Siria le tsa Kilikia. 22  Mme ke ne ke sa itsiwe ka sefatlhego ke diphuthego tsa Judea tse di neng di le seoposengwe le Keresete;+ 23  ba ne ba tle ba utlwe fela go twe: “Monna yo pele a neng a re bogisa+ jaanong o bolela dikgang tse di molemo kaga tumelo e pele a neng a e senya.”+ 24  Ka jalo ba simolola go galaletsa+ Modimo ka ntlha ya me.

Dintlha Tse di Kwa Tlase