Baatlhodi 11:1-40

11  Jaanong Jefetha+ wa Mogileade+ e ne e le monna yo o thata wa seganka,+ mme e ne e le morwa mosadi wa seaka,+ mme Gileade a nna rraagwe Jefetha.  Mme mosadi wa ga Gileade a nna a mo tsholela bana ba basimane. E rile bana ba basimane ba mosadi yono ba gola, ba leleka Jefetha mme ba mo raya ba re: “Ga o a tshwanela go nna le boswa bope mo go ba ntlo ya ga rraarona,+ gonne o morwa mosadi yo mongwe.”  Ka jalo Jefetha a tshaba ka ntlha ya bomorwarraagwe mme a nna kwa lefatsheng la Tobe.+ Mme banna ba ba ditshwakga ba nna ba iphuthela kwa go Jefetha, mme ba nna ba tswa le ene.+  Ga diragala ya re morago ga lobakanyana bomorwa Amona ba simolola go tlhabana le Iseraele.+  Mme ga diragala ya re fa bomorwa Amona ba ya go tlhabana le Iseraele,+ banna ba bagolwane ba Gileade ba akofa ba ya go ntsha Jefetha mo lefatsheng la Tobe.+  Foo ba raya Jefetha ba re: “Tla o nne molaodi wa rona, mme a re tlhabane le bomorwa Amona.”  Mme Jefetha a raya banna ba bagolwane+ ba Gileade a re: “A ga se lona ba lo neng lwa ntlhoa lwa ba lwa nteleka mo ntlong ya ga rre?+ Mme ke ka ntlha yang fa lo tlile kwa go nna fela fa lo le mo matshwenyegong?”+  Foo a rialo banna ba bagolwane ba Gileade ba raya Jefetha ba re: “Ke gone ka moo jaanong re boetseng+ mo go wena, mme tsamaya le rona re ye go tlhabana le bomorwa Amona, mme o nne tlhogo ya banni botlhe ba Gileade.”+  Ka jalo Jefetha a raya banna ba bagolwane ba Gileade a re: “Fa lo mpusa go tla go tlhabana le bomorwa Amona, mme Jehofa a bo a ba ntlogelela+, ke tla nna tlhogo ya lona!” 10  Banna ba bagolwane ba Gileade le bone ba raya Jefetha ba re: “A Jehofa a nne moreetsi fa gare ga rona+ fa e le gore tsela e re tla dirang ka yone ga e kafa lefokong la gago.”+ 11  Ka gone Jefetha a tsamaya le banna ba bagolwane ba Gileade mme batho ba mo tlhoma go nna tlhogo le molaodi wa bone.+ Mme Jefetha a bua mafoko a gagwe otlhe fa pele ga ga Jehofa+ kwa Misepa.+ 12  Foo Jefetha a romela barongwa kwa kgosing ya bomorwa Amona,+ a re: “Ke dirang ka wena,+ ka e le fa o ntsogologetse o tlile go tlhabana mo lefatsheng la me?” 13  Ka jalo kgosi ya bomorwa Amona ya raya barongwa ba ga Jefetha ya re: “Ke ka gonne Iseraele o ne a tsaya lefatshe la me fa a ne a tlhatloga a tswa kwa Egepeto,+ go tloga kwa Arenone+ go ya go fitlha kwa Jaboke le go ya go fitlha kwa Joredane.+ Jaanong ako o le buse ka kagiso.” 14  Mme Jefetha a boa gape a romela barongwa kwa kgosing ya bomorwa Amona 15  mme a mo raya a re: “Jefetha o rile, ‘Iseraele ga a ka a tsaya lefatshe la Moabe+ le lefatshe la bomorwa Amona.+ 16  Gonne fa Iseraele a ne a tlhatloga a tswa kwa Egepeto, ba ne ba tsamaya mo nageng go ya go fitlha kwa Lewatleng le Lehibidu+ ba bo ba goroga kwa Kadeshe.+ 17  Foo Iseraele a romela barongwa kwa kgosing ya Edoma,+ a re: “Tsweetswee mma ke fete go ralala lefatshe la gago,” mme kgosi ya Edoma ya se ka ya reetsa. Mme ba romela le kwa kgosing ya Moabe,+ mme ya se ka ya dumela. Mme Iseraele a tswelela a nna kwa Kadeshe.+ 18  Fa ba ntse ba tsamaya mo nageng, ba ne ba tsamaya go dikologa lefatshe la Edoma+ le lefatshe la Moabe, mme ba pota lefatshe la Moabe+ kafa ntlheng ya botlhabatsatsi mme ba thibelela mo kgaolong ya Arenone; mme ba se ka ba tsena mo molelwaneng wa Moabe,+ ka gonne Arenone e ne e le molelwane wa Moabe.+ 19  “‘Morago ga moo Iseraele a romela barongwa kwa go Sihone kgosi ya Baamore, kgosi ya Heshebone,+ mme Iseraele a mo raya a re: “Tsweetswee, mma re fete go ralala lefatshe la gago, re ye kwa lefelong la me.”+ 20  Mme Sihone a bo a sa ikanye go kgabaganya ga Iseraele mo karolong ya naga ya gagwe, mme Sihone a phutha batho botlhe ba gagwe a ba a thibelela mo Jahase+ a tlhabana le Iseraele.+ 21  Foo Jehofa Modimo wa Iseraele a tsenya Sihone le batho botlhe ba gagwe mo seatleng sa Iseraele, mme ba ba kgemetha mme Iseraele a gapa lefatshe lotlhe la Baamore ba ba neng ba nna mo lefatsheng leo.+ 22  Jalo ba gapa karolo yotlhe ya naga ya Baamore go tloga kwa Arenone go ya go fitlha kwa Jaboke le go tloga kwa nageng go ya go fitlha kwa Joredane.+ 23  “‘Jaanong Jehofa Modimo wa Iseraele ke ene yo o neng a gapela Baamore thuo ya bone fa pele ga batho ba gagwe ba Iseraele,+ mme wena o ne o tla ba gapela thuo ya bone. 24  A ga o ne o gapela le fa e le mang thuo ya gagwe yo Kemoshe+ modimo wa gago a dirang gore o e mo gapele? Mme mongwe le mongwe yo Jehofa Modimo wa rona a mo gapetseng thuo fa pele ga rona ke ene yo re tla mo e gapelang.+ 25  Mme a jaanong o botoka ka tsela epe mo go Balake morwa Sipore, kgosi ya Moabe?+ A o kile a ganetsana le Iseraele, kgotsa a o kile a tlhabana le bone? 26  Fa Iseraele a ne a sa ntse a nna kwa Heshebone le metse e e kafa tlase ga gagwe+ le kwa Aroere+ le metse e e kafa tlase ga gagwe le mo metseng yotlhe e e fa dintshing tsa Arenone dingwaga di le makgolo a le mararo, ke ka ntlha yang fa lo sa ka lwa e thopa mo nakong eo?+ 27  Mme nna, ga ke a go leofela, mme o ntirela phoso ka go tlhabana le nna. A Jehofa Moatlhodi+ a atlhole gompieno fa gare ga bomorwa Iseraele le bomorwa Amona.’” 28  Mme kgosi ya bomorwa Amona ya se ka ya reetsa mafoko a ga Jefetha a a neng a a rometse kwa go yone.+ 29  Jaanong moya wa ga Jehofa wa tla mo go Jefetha,+ mme a ralala Gileade le Manase a ba a ralala Misepa wa Gileade,+ mme go tswa mo Misepa wa Gileade a fetela kwa go bomorwa Amona. 30  Foo Jefetha a ikanela+ Jehofa a re: “Fa ruri o ka tsenya bomorwa Amona mo seatleng sa me, 31  foo go tla diragala gore yo o tla tswang, yo o tswang ka dikgoro tsa ntlo ya me a tla go nkgatlhantsha fa ke boa ka kagiso+ kwa go bomorwa Amona, o tla nna wa ga Jehofa,+ mme ene yoo ke tla mo isa jaaka tshupelo e e fisiwang.”+ 32  Ka jalo Jefetha a fetela kwa go bomorwa Amona go ya go tlhabana le bone, mme Jehofa a ba tsenya mo seatleng sa gagwe. 33  Mme a ba kgemetha go tswa kwa Aroere go ya go fitlha fela kwa Minnithe+—metse e le masome a mabedi—le go ya go fitlha kwa Abele-keramime ka polao e kgolo thata e e setlhogo. Bomorwa Amona ba ne ba fenngwa jalo fa pele ga bomorwa Iseraele. 34  La bofelo Jefetha a goroga kwa Misepa+ kwa legaeng la gagwe, mme bonang! morwadie a bo a tla go mo kgatlhantsha a letsa moropana e bile a bina!+ Jaanong e ne e le ene fela ngwana. O ne a se na ngwana wa mosimane le fa e le wa mosetsana kwantle ga gagwe. 35  Mme ga diragala ya re fa a mmona, a simolola go gagolaka diaparo+ tsa gagwe mme a re: “Ijoo, morwadiaka! Ruri o dirile gore ke obege, mme jaanong ke wena yo ke neng ke go ntsha mo go nna. Mme nna—nna ke buletse Jehofa molomo wa me, mme ga ke kgone go boela morago.”+ 36  Mme ene a mo raya a re: “Rra, fa e le gore o buletse Jehofa molomo wa gago, ntirela go ya ka se se duleng mo molomong wa gago,+ ka gonne Jehofa o go diretse ditiro tsa pusoloso mo babeng ba gago, bomorwa Amona.” 37  Mme a tswelela a raya rraagwe a re: “Mma ke direlwe jaana: Ntlogele dikgwedi di le pedi, o mme ke tsamaye, mme ke tla fologa mo dithabeng, o mme ke lelele bokgarebane jwa me,+ nna le balekane ba me ba basetsana.” 38  Foo a re: “Tsamaya!” Ka jalo a mo tsamaisa dikgwedi di le pedi; mme a nna a tsamaya, ene le balekane ba gagwe ba basetsana, a lelela bokgarebane jwa gagwe mo dithabeng. 39  Mme ga diragala kwa bokhutlong jwa dikgwedi tse pedi gore a boele kwa go rraagwe yo morago ga moo a neng a diragatsa maikano a gagwe a a neng a a dirile ka ene.+ Mme ene, ga a ise a ke a robale le monna. Mme ya nna molao mo Iseraele: 40  Ngwaga le ngwaga bomorwadia Iseraele ba ne ba tswa ba ya go akgola morwadia Jefetha wa Mogileade, malatsi a le manè ka ngwaga.+

Dintlha Tse di Kwa Tlase