Amose 8:1-14

8  Seno ke se Morena Molaodimogolo Jehofa a neng a dira gore ke se bone, mme, bonang! go ne go na le seroto sa maungo a letlhabula.+  Go tswa foo a re: “O bonang,+ Amose?” Mme ka re: “Seroto sa maungo a letlhabula.”+ Mme Jehofa a tswelela a nthaya a re: “Bokhutlo bo gorogile mo bathong ba me ba Iseraele.+ Ga nkitla ke tlhola ke ba itshwarela gape.+  ‘Mme dipina tsa tempele e tla bo e le go bokolela mo letsatsing leo,’+ go bua Morena Molaodimogolo Jehofa. ‘Go tla bo go na le ditopo di le dintsi.+ Ruri motho o tla di latlhela kwa ntle mo lefelong lengwe le lengwe—go sale go rile tu!’  “Utlwang seno, lona batho ba lo pharumelang mohumanegi,+ le e leng go dira gore ba ba pelonolo ba lefatshe ba khutle,+  lo re, ‘E tla nna lobaka lo lokae pele ngwedi yo mosha a feta+ gore re rekise dijo tsa dithoro?+ Le sabata,+ gore re tle re ntshe mabele gore a rekisiwe; e le gore re dire ifa go nna potlana+ le go dira shekele go nna kgolo le go dira dikale tsa tsietso gore e nne tsa maaka;+  gore re reke batho ba maemo a a kwa tlase ka seleferanyana fela le mohumanegi ka tlhwatlhwa ya bompaatšhane ba babedi, le gore re tle re rekise matlakalanyana fela a dijo tsa ditlhaka?’+  “Jehofa o ikanne ka Tlotlomalo ya ga Jakobe a re,+ ‘Ga nkitla ke lebala ditiro tsotlhe tsa bone le ka motlha.+  A lefatshe ga le kitla le fuduega ka ntlha ya lebaka leno,+ le monni mongwe le mongwe yo o mo go lone a hutsafale;+ mme lotlhe fela, le tlhatloge jaaka noka ya Nile, le kgaphasele le bo le kokobele jaaka noka ya Nile ya Egepeto?’+  “‘Mme go tla diragala mo letsatsing leo,’ go bua Morena Molaodimogolo Jehofa, ‘gore ke tla phirimisa letsatsi go le motshegare o mogolo,+ ke bo ke dira gore go nne lefifi mo lefatsheng letsatsi le penne. 10  Mme ke tla fetola meletlo ya lona ke e dira khutsafalo+ le dipina tsotlhe tsa lona ke di dira pina ya khutsafalo, mme ke tla tlisa letsela la kgetsi mo dinōkeng tsotlhe le lefatla mo tlhogong nngwe le nngwe;+ mme ke tla dira gore boemo bo nne jaaka fa go hutsafaletswe morwa yo o esi fela,+ le phelelo ya gone jaaka letsatsi le le bogalaka.’ 11  “‘Bonang! Metlha e etla,’ go bua Morena Molaodimogolo Jehofa, ‘mme ke tla romela leuba mo lefatsheng, leuba, e seng la dijo, le lenyora, e seng la metsi, mme la go utlwa mafoko a ga Jehofa.+ 12  Mme ruri ba tla kgokgweetsega go tswa lewatleng le go ya fela kwa lewatleng, le go tswa bokone go ya botlhabatsatsi. Ba tla nna ba kgarakgatshega ba ntse ba batla lefoko la ga Jehofa, mme ga ba kitla ba le bona.+ 13  Mo letsatsing leo makgarebane a mantle a tla idibala, le makau, ka ntlha ya lenyora;+ 14  ba ba ikanang ka molato wa Samarea,+ ba ba reng: “Jaaka modimo wa gago o tshedile, wena Dana!”+ le, “Jaaka tsela ya Beere-sheba+ e tshedile!” Ruri ba tla wa, mme ga ba kitla ba tlhola ba ema.’”+

Dintlha Tse di Kwa Tlase