Amose 6:1-14

6  “A bo go latlhega bone ba ba iketlileng+ mo Siona le bone ba ba ikanyang thaba ya Samarea! Ke ba ba tlhomologileng ba karolo ya konokono ya ditšhaba, e bile ntlo ya Iseraele e tlile mo go bone.  Yang kwa Kalene mme lo bone; lo bo lo tswe koo lo ye kwa Hamathe+ e e nang le batho ba bantsi, lo bo lo fologele kwa Gathe+ wa Bafilisitia. A ba botoka go gaisa magosi ano, kgotsa a karolo ya bone ya naga e kgolo go gaisa karolo ya lona ya naga?+  A lo tlosa letsatsi la masetlapelo mo megopolong ya lona,+ mme a lo atametsa bonno jwa thubakanyo?+  Lona ba lo leng batho ba ba rapameng mo dikanamelong tsa lonaka lwa tlou+ mme ba namaletse mo malawaneng a bone, e bile baa ja diphelefu tse di tswang mo letsomaneng le dipowana tse di tswang mo dinamaneng tse di nontshitsweng;+  ba ba boborang ba tsamaisana le modumo wa seletswa sa megala;+ ba ba itlhametseng diletswa tsa pina jaaka Dafide;+  ba ba nwang ka megopo ya beine,+ le ba ba tlotsang ka maokwane a boleng jo bo kwa godimo,+ le ba ba sa bobodisiwang ke matlhotlhapelo a magolo a ga Josefa.+  “Ka jalo, jaanong ba tla ya botshwarwa ba le kwa tlhogong ya ba ba yang botshwarwa,+ mme modiro wa ditlhapelo wa ba ba namaletseng o tla phatlalala.  “‘Morena Molaodimogolo Jehofa o ikanne ka moya wa gagwe,’+ go bua Jehofa Modimo wa masomosomo, ‘“Ke ila boikgogomoso jwa ga Jakobe,+ e bile ke tlhoile ditora tsa gagwe tsa bonno,+ mme ke tla neela motse le se se o tladitseng.+  Go tla diragala gore fa go ka tlogelwa batho ba le lesome mo ntlong e le nngwe, le bone ba tshwanetse go swa.+ 10  Mme morwarraagwe rraagwe o tla ba tsaya ka bongwe ka bongwe, mme o tla bo a ba fisa ka bongwe ka bongwe, gore a tle a ntshe marapo mo ntlong.+ Mme o tla raya ope fela yo o kwa tengteng ga ntlo a re, ‘A go na le ba bangwe gape ba ba nang le wena?’ Mme ene ruri o tla re, ‘Ga go na ope!’ Mme o tla re, ‘Didimala! Gonne ga se lobaka lwa go umaka leina la ga Jehofa ka gope.’”+ 11  “‘Gonne fano Jehofa o a laela,+ mme ruri o tla itaya ntlo e kgolo a e phutlhamisa gore e nne tshwafalo le e potlana gore e nne marope fela.+ 12  “‘A dipitse di tla siana mo lefikeng le legolo, kgotsa a motho o tla lema koo ka dikgomo? Gonne lo fetotse tshiamiso lwa e dira semela se se botlhole,+ le maungo a tshiamo lwa a dira longana, 13  lona ba lo ipelang mo selong se se seong;+ ba lo reng: “A ga re a itseela dinaka ka nonofo ya rona?”+ 14  Bonang! lona ntlo ya Iseraele,’ go bua Jehofa Modimo wa masomosomo, ‘Ke dira gore setšhaba se lo tsogologele,+ mme se tla lo gatelela go tswa botsenong jwa Hamathe+ go ya go fitlha kwa mokgatšheng o o phothoselang wa Areba.’”

Dintlha Tse di Kwa Tlase