Amose 1:1-15

1  Mafoko a ga Amose, yo e neng e le mongwe wa batlhokomedi ba dinku go tswa Tekoa,+ a a neng a a bona mo ponatshegelong ka ga Iseraele+ mo metlheng ya ga Usia+ kgosi ya Juda le mo metlheng ya ga Jeroboame+ morwa Joashe,+ kgosi ya Iseraele, dingwaga di le pedi pele ga thoromo ya lefatshe.+  Mme o ne a re: “Jehofa—o tla kurutla go tswa Siona,+ e bile o tla ntsha lentswe la gagwe go tswa Jerusalema;+ mme mafulo a badisa a tla hutsafala, le setlhoa sa Karemele se tla omelela.”+  “Jehofa o buile jaana, ‘“Ka ntlha ya go tlhanoga gararo ga Damaseko,+ le ka ntlha ya go tlhanoga ganè, ga nkitla ke se busetsa morago, ka ntlha ya go photha ga bone Gileade+ ka didirisiwa tsa go photha tsa tshipi.  Mme ke tla romela molelo+ mo ntlong ya ga Hasaele,+ mme o tla laila ditora tsa bonno tsa ga Bene-hadade.+  Mme ke tla robaganya mophakalego wa Damaseko+ ke bo ke kgaola monni mo Bikathe-afene, le motshwari wa lore lwa segosi mo Bethe-edene; mme batho ba Siria ba tla ya kwa Kire e le batshwarwa,”+ go buile Jehofa.’  “Jehofa o buile jaana, ‘“Ka ntlha ya go tlhanoga gararo ga Gasa,+ le ka ntlha ya go tlhanoga ganè, ga nkitla ke se busetsa morago, ka ntlha ya go isa ga bone botshwarwa setlhopha se se feletseng sa batshwarwa+ go se neela Edoma.+  Ke tla romela molelo mo loboteng lwa Gasa,+ mme o tla laila ditora tsa gagwe tsa bonno.  Ke tla kgaola monni mo Ashedoda,+ le motshwari wa lore lwa segosi mo Ashekelona;+ mme ke tla busetsa seatla sa me+ mo go Ekerone,+ mme ba ba setseng ba Bafilisitia ba tla nyelela,”+ go buile Morena Molaodimogolo Jehofa.’  “Jehofa o buile jaana, ‘Ka ntlha ya go tlhanoga gararo ga Ture,+ le ka ntlha ya go tlhanoga ganè, ga nkitla ke se busetsa morago, ka ntlha ya go neela ga bone Edoma setlhopha se se feletseng sa batshwarwa, le ka ntlha ya go bo ba se kile ba gakologelwa kgolagano ya barwa ba motho.+ 10  Mme ke tla romela molelo mo loboteng lwa Ture, mme o tla laila ditora tsa gagwe tsa bonno.’+ 11  “Jehofa o buile jaana, ‘Ka ntlha ya go tlhanoga gararo ga Edoma,+ le ka ntlha ya go tlhanoga ganè, ga nkitla ke se busetsa morago, ka ntlha ya go latelela morwarraagwe ka tšhaka,+ le ka gonne a sentse dinonofo tsa gagwe tsa boutlwelobotlhoko,+ le bogale jwa gagwe bo nna bo garola ka bosaengkae; mme tšhakgalo ya gagwe—o e boloketse ruri.+ 12  Mme ke tla romela molelo mo Temane,+ mme o tla laila ditora tsa bonno tsa Bosera.’+ 13  “Jehofa o buile jaana, ‘“Ka ntlha ya go tlhanoga gararo ga bomorwa Amona,+ le ka ntlha ya go tlhanoga ganè, ga nkitla ke se busetsa morago,+ ka ntlha ya go bula ga bone basadi ba ba baimana ba Gileade ka bogare, ka boikaelelo jwa go atolosa karolo ya bone ya naga.+ 14  Mme ke tla fisa lobota lwa Raba ka molelo,+ mme o tla laila ditora tsa gagwe tsa bonno, ka mokgosi wa tlhagiso mo letsatsing la tlhabano, ka setsuatsue mo letsatsing la phefo ya matsubutsubu.+ 15  Mme kgosi ya bone e tla ya botshwarwa, yone mmogo le dikgosana tsa yone,”+ go buile Jehofa.’

Dintlha Tse di Kwa Tlase