2 Samuele 9:1-13

9  Mme Dafide a re: “A go sa ntse go na le ope yo o setseng wa ntlo ya ga Saulo, gore ke mo direle bopelonomi jwa lorato+ ka ntlha ya ga Jonathane?”+  Jaanong ntlo ya ga Saulo e ne e na le motlhanka yo leina la gagwe e neng e le Siba.+ Ka jalo ba mmiletsa kwa go Dafide, mme kgosi ya mo raya ya re: “A o Siba?” mme a araba a re: “Ke nna motlhanka wa gago.”  Mme kgosi ya tswelela ya re: “A ga go tlhole go na le ope wa ntlo ya ga Saulo, gore ke mo direle bopelonomi jwa lorato jwa Modimo?”+ Foo Siba a raya kgosi a re: “Go sa ntse go na le morwa Jonathane, yo o golafetseng dinao.”+  Foo kgosi ya mo raya ya re: “O kae?” Ka jalo Siba a raya kgosi a re: “Bona! O mo ntlong ya ga Makire+ morwa Amiele kwa Lo-debare.”+  Ka yone nako eo Kgosi Dafide a romela gore a ye go tsewa kwa ntlong ya ga Makire morwa Amiele kwa Lo-debare.  Fa Mefiboshethe morwa Jonathane morwa Saulo a tsena kwa go Dafide, a akofa a wa ka sefatlhego a obama.+ Foo Dafide a re: “Mefiboshethe!” mme a araba a re: “Motlhanka wa gago ke yo.”  Mme Dafide a tswelela a mo raya a re: “O se ka wa boifa, gonne ruri ke tla go direla bopelonomi jwa lorato+ ka ntlha ya ga Jonathane rrago;+ mme ke tla go busetsa tshimo yotlhe+ ya ga Saulo rragomogolo, mme wena o tla ja senkgwe mo tafoleng ya me ka metlha.”+  Foo a obama mme a re: “Motlhanka wa gago ke eng, gore o bo o retoloseditse sefatlhego sa gago mo ntšeng e e suleng+ e e tshwanang le nna?”  Jaanong kgosi ya bitsa Siba, motlhokomedi wa ga Saulo, mme ya mo raya ya re: “Sengwe le sengwe se e neng e le sa ga Saulo le ntlo ya gagwe yotlhe ke se naya+ morwa ngwana wa mong wa gago. 10  Mme o mo lemele mmu, wena le bomorwao le batlhanka ba gago, o kgobokanye, mme e nne dijo tsa ba e leng ba ga morwa ngwana wa mong wa gago, mme ba je; mme Mefiboshethe ene, morwa ngwana wa mong wa gago, o tla ja senkgwe mo tafoleng ya me ka metlha.”+ Jaanong Siba o ne a na le bana ba basimane ba le lesome le botlhano le batlhanka ba le masome a mabedi.+ 11  Ka jalo Siba a raya kgosi a re: “Tumalanong le sotlhe se morena wa me kgosi a se laelang motlhanka wa gagwe ke kafa motlhanka wa gago a tla dirang ka gone; mme Mefiboshethe+ o ja mo tafoleng ya me jaaka mongwe wa bomorwa kgosi.” 12  Jaanong Mefiboshethe o ne a na le morwa yo mmotlana yo leina la gagwe e neng e le Miga,+ mme botlhe ba ba nnang mo ntlong ya ga Siba e ne e le batlhanka ba ga Mefiboshethe. 13  Mme Mefiboshethe ene o ne a nna kwa Jerusalema, gonne o ne a ja+ mo tafoleng ya kgosi ka metlha; e bile o ne a golafetse dinao ka bobedi.+

Dintlha Tse di Kwa Tlase