2 Samuele 4:1-12

4  E rile morwa+ Saulo a utlwa gore Abenere o ne a swetse kwa Heberone,+ foo diatla tsa gagwe tsa nna bokoa+ le Baiseraele botlhe ba tshwenyega.  Mme go ne go na le banna ba le babedi, balaodi ba ditlhopha tsa dirukutlhi,+ tse e neng e le tsa ga morwa Saulo, leina la yo mongwe e le Baana mme leina la yo mongwe e le Rekabe, bomorwa Rimone wa Mobeerothe, wa bomorwa Benjamine; gonne Beerothe+ le ene, o kile a bo a balwa e le karolo ya Benjamine.  Mme Babeerothe ba tshabela kwa Gitaime,+ mme ba nna baagi ba baeng teng go fitlha mo letsatsing leno.  Jaanong Jonathane,+ morwa Saulo, o ne a na le morwa yo o golafetseng dinao.+ O ne a na le dingwaga tse tlhano fa go ne go tla pego go tswa kwa Jesereele+ kaga Saulo le Jonathane; mme motlhokomedi wa gagwe a mo tsaya a tshaba, mme ga diragala gore fa a ntse a siana ka letshogo a tshaba, foo mosimane a wa mme a golafala. Mme leina la gagwe e ne e le Mefiboshethe.+  Mme bomorwa Rimone wa Mobeerothe, Rekabe le Baana, ba tsamaya mme ba tla mo ntlong ya ga Ishe-boshethe+ mo e ka nnang fa letsatsi le ne le setse le gotetse, fa a ne a le mo borokonyaneng jwa gagwe jwa motshegare.  Mme bonang, ba tla mo gare ga ntlo jaaka banna ba tsaya korong, mme ba mo tlhaba mo mpeng;+ mme Rekabe le Baana+ morwarraagwe ka bobone ba se ka ba lemogwa.  Fa ba tsena mo ntlong, o ne a rapame mo sekanamelong sa gagwe mo phaposing ya gagwe e e kwa teng ya borobalo, mme ba mo tlhaba gore ba mmolaye,+ morago ga moo ba tlosa tlhogo+ ya gagwe mme ba tsaya tlhogo ya gagwe ba tsamaya mo tseleng e e yang kwa Areba bosigo jotlhe.  La bofelo ba ne ba tlisa tlhogo ya ga Ishe-boshethe+ kwa go Dafide kwa Heberone mme ba raya kgosi ba re: “Tlhogo ya ga Ishe-boshethe morwa Saulo, mmaba wa gago+ yo o neng a batla moya wa gago+ ke e; mme le fa go ntse jalo mo letsatsing leno Jehofa o naya morena wa me kgosi ipusolosetso+ mo go Saulo le bana ba gagwe.”  Le fa go ntse jalo, Dafide a araba Rekabe le Baana morwarraagwe, bomorwa Rimone wa Mobeerothe, a ba raya a re: “Jaaka Jehofa yo o neng a golola+ moya wa me+ mo matshwenyegong otlhe+ a tshedile,+ 10  fa mongwe a ne a mpegela,+ a re, ‘Bona, Saulo o sule,’ mme ene mo matlhong a gagwe e ne e le yo o tlisang dikgang tse di molemo, le fa go ntse jalo, ke ne ka mo tshwara ka mmolaya+ kwa Sikelage fa ke ne ke tshwanela go mo naya tuelo ya morongwa; 11  a bo go tshwanetse ga nna jalo bogolo jang fa banna ba ba boikepo+ ka bobone ba bolaile monna yo o siameng mo ntlong ya gagwe mo bolaong jwa gagwe? A jaanong ga ke a tshwanela go batla madi a gagwe mo diatleng tsa lona,+ mme a ga ke a tshwanela go lo tlosa mo lefatsheng?”+ 12  Foo Dafide a laela makau mme a ba bolaya+ a kgaola diatla tsa bone le dinao tsa bone a bo a ba kaletsa+ fa mogobeng kwa Heberone; mme tlhogo ya ga Ishe-boshethe a e tsaya a e fitlha mo lefelong la go fitlhela la ga Abenere kwa Heberone.+

Dintlha Tse di Kwa Tlase