2 Samuele 24:1-25

24  Mme+ bogale jwa ga Jehofa jwa tukela Iseraele gape, fa mongwe a ne a tlhotlheletsa Dafide kgatlhanong le bone, a re: “Tsamaya o ye go bala+ Iseraele le Juda.”  Ka jalo kgosi ya raya Joabe+ molaodi wa mephato ya sesole yo o neng a na le yone ya re: “Tsweetswee, tsamayatsamayang mo ditsong tsotlhe tsa Iseraele, go tswa kwa Dana go ya kwa Beere-sheba,+ mme lo kwadiseng batho,+ mme ruri ke tla itse palo ya batho.”+  Mme Joabe a raya kgosi a re: “E kete Jehofa Modimo wa gago a ka oketsa batho ka palo ya bone e menagane ga lekgolo matlho a morena wa me kgosi a go bona. Mme morena wa me kgosi ene, ke ka ntlha yang fa a kgatlhilwe ke selo seno?”+  La bofelo lefoko la kgosi la fenya+ Joabe le balaodi ba mephato ya sesole. Ka jalo Joabe le balaodi ba mephato ya sesole ba tswa fa pele ga kgosi ba ya go kwadisa+ batho ba Iseraele.  Mme ba kgabaganya Joredane ba thibelela kwa Aroere+ go ya kafa mojeng wa motse o o fa gare ga mokgatšha o o phothoselang, go ya kwa Bagadeng,+ le go ya kwa Jasere.+  Morago ga moo ba tla mo Gileade+ le mo lefatsheng la Tahatime-hodishe mme ba tswelela ba ya kwa Dana-jaane mme ba potologa go ya kwa Sidona.+  Foo ba tla mo kagong ya phemelo ya Ture+ le metse yotlhe ya Bahife+ le ya Bakanana mme ba tla mo bofelelong kwa Negebe+ wa Juda kwa Beere-sheba.+  Ka jalo ba tsamayatsamaya go ralala lefatshe lotlhe mme ba tla mo Jerusalema kwa bokhutlong jwa dikgwedi di robabongwe le malatsi a le masome a mabedi.  Jaanong Joabe a naya kgosi palo ya kwadiso+ ya batho; mme Iseraele ya bo e fitlha go banna ba le dikete di le makgolo a le robedi ba ba diganka ba ba somolang tšhaka, mme banna ba Juda e ne e le banna+ ba le dikete di le makgolo a matlhano. 10  Mme pelo ya ga Dafide ya simolola go mo sekisa+ fa a sena go bala batho jalo. Ka gone Dafide a raya Jehofa a re: “Ke leofile+ thata ka se ke se dirileng. Mme jaanong Jehofa, a tlolo ya motlhanka wa gago e fete,+ tsweetswee; gonne ke dirile ka boeleele+ fela thata.” 11  E rile Dafide a nanoga mo mosong, lefoko la ga Jehofa ka bolone la tla kwa go Gada+ moporofeti, mmoni wa diponatshegelo+ wa ga Dafide, le re: 12  “Tsamaya, mme o reye Dafide o re, ‘Jehofa o buile jaana: “Ke go beela dilo di le tharo.+ Itlhophele sengwe sa tsone gore ke se go dire.”’”+ 13  Ka jalo Gada a tsena kwa go Dafide mme a mmolelela a mo raya a re:+ “A go tle mo go wena dingwaga di le supa tsa leuba mo lefatsheng la gago,+ kgotsa dikgwedi di le tharo o tshaba fa pele ga baba ba gago,+ ba go latelela, kgotsa go nne le malatsi a le mararo a bolwetse jwa leroborobo mo lefatsheng la gago?+ Jaanong itse mme o bone gore ke tla fetola Yo o nthomileng ke reng.” 14  Ka jalo Dafide a raya Gada a re: “Go ntshwenya thata. Tsweetswee, mma re wele mo seatleng sa ga Jehofa,+ gonne o mautlwelobotlhoko a mantsi;+ mme mma ke se ka ka wela+ mo seatleng sa motho.” 15  Mme Jehofa a tlisa bolwetse jwa leroborobo+ mo Iseraele go tloga mo mosong go fitlha ka nako e e tlhomilweng, mo go neng ga swa batho ba le dikete di le masome a supa+ mo bathong go tloga kwa Dana go ya kwa Beere-sheba.+ 16  Mme moengele+ a nna a ntsheditse seatla kwa Jerusalema gore a e senye; mme Jehofa a simolola go ikwatlhaela+ masetlapelo ao, ka jalo a raya moengele yo o neng a senya batho a re: “Go lekane! Diga seatla sa gago jaanong.” Mme moengele wa ga Jehofa a bo a le gaufi le seboana sa ga Arauna+ wa Mojebuse.+ 17  Mme Dafide a raya Jehofa, fa a bona moengele yo o neng a kgemetha batho, ee, a re: “Bona ke nna ke leofileng e bile ke nna ke dirileng phoso; mme dinku tseno+—di dirileng? Tsweetswee, a seatla sa gago se tle mo go nna+ le mo ntlong ya ga rre.” 18  Moragonyana Gada a tsena kwa go Dafide mo letsatsing leo mme a mo raya a re: “Tlhatloga o ye go tlhomela Jehofa sebeso kwa seboaneng sa ga Arauna wa Mojebuse.”+ 19  Mme Dafide a simolola go tlhatloga tumalanong le lefoko la ga Gada, go ya ka se Jehofa a neng a se laetse.+ 20  E rile Arauna a leba kwa tlase mme a bona kgosi le batlhanka ba yone ba fetela kwa go ene, Arauna a akofa a tswa mme a ikobela+ kgosi sefatlhego sa gagwe se lebile fa fatshe.+ 21  Foo Arauna a re: “Ke ka ntlha yang fa morena wa me kgosi a tlile mo motlhankeng wa gagwe?” Foo Dafide a re: “Go reka+ seboana mo go wena gore ke agele Jehofa sebeso, gore petso+ e emisiwe mo bathong.” 22  Mme Arauna a raya Dafide a re: “A morena wa me kgosi a se tseye+ mme a ise se se molemo mo matlhong a gagwe tshupelo. Bona dikgomo tsa tshupelo e e fisiwang le selei sa go photha le didirisiwa tsa dikgomo e tla nna dikgong.+ 23  Arauna o naya kgosi sengwe le sengwe, wena kgosi.” Mme Arauna a tswelela a raya kgosi a re: “E kete Jehofa Modimo wa gago a ka bontsha fa a ipela mo go wena.”+ 24  Le fa go ntse jalo, kgosi ya raya Arauna ya re: “Nnyaa, mme ruri ke tla e reka mo go wena ka tlhwatlhwa;+ mme ga nkitla ke isetsa Jehofa Modimo wa me ditlhabelo tse di fisiwang kwantle ga tuelo.”+ Ka jalo Dafide a reka+ seboana le dikgomo ka dishekele tsa selefera di le masome a matlhano. 25  Mme Dafide a agela Jehofa sebeso+ foo le go isa ditlhabelo tse di fisiwang le ditlhabelo tsa kabalano, mme Jehofa a dumela go rapelesega+ ka ntlha ya lefatshe leo, mo petso e neng ya emisiwa mo Iseraele.

Dintlha Tse di Kwa Tlase